راني لقيتلك الوصفة لكن من منتدى آخر و الشكر الجزيل لصاحبتها و ربي يجازيها كل خير
فالوصفة منقووولة
لتحضيرها نحتاج الى:
-3بيضات
-3مغارف كبار عسل
-مغرف بيكاربونات صغيرة
-كاس سكر عادي
-مغرف كبيرة زبدة
في اناء او كيفات صغيرة نخلط كل المقادير ونحطها على حمام مائي ونخلط لمدة 10د او حتى يصبح الخليط يميل للبياض نحيه من النار
ونزيدلو 7 مغارف كبار فرينة ونخلط .
-منبعد نجيب 3 كسان ونحاول نقسم الخليط عليهم في ثلاثة.
- منبعد نبدا نضيف للكاس الاول الفرينة حتى تتلم وتصبح عجينة نوعا ما يابسة ماشي مرخوفة نيبسوها شوية ماشي بزاف بزاف
لعدنها سني كيما نتاعي تحلها بالرولو وتحطيها فيه لازم تدهني وترشي بالفرينة وتشكيها بالشوكة ودخليها الطيب وعسيها لراها بلخف الطيب
.
ولمعدنهاش تجيب سنيوة مدورة عادية وتقلبها يعني على ظهرها وتدهنها وترش بالفرينة وطيبها على ظهرها .
وهكدا حتى نكمل الكسان في 3 ونتحصل على 3 خبزات او 3 طبقات .
لبنات لراح تستخدم سنيوة مدوة ممكن نتقص من كمية الكاس لخطرش تجيك دائرة كبيرة على السني المهم لازمك تعرفي كفاش توازني .
للكريمة نحتاج الى:
-لتر حليب
-4 مغارف كبار معمرين سميد
نخلطهم ونحطهم عللى النار حتى تتقال .نبعدها على النار ونحاول نبردها شوية .
بعد ما تبرد نزيدلها 250غ زبدة زنخلط بالباتور مليح مليح ونزيدلها في الاخير كاس سكر قلاصي ونخلط.
والان نبدا :
نجيب الطبقة الاولى ونفرغ عليها شوية كريمة قبل منحط لكريمة نحاول نسقم لحواشي ونحتفظ بيهم
نزيد عليها الطبقة الثانية ونفرغ عليها شوية كريمة ونزيد نحط الطبقة الثالثة ونفرغ عليها كريمة لبقات من الفوق ونحط هادوك لحواشي في الروبو
ونرحيهم ونرشهم علة الطبقة الخيرة لحطينا على وجها لكريمة .
على فكرة لبنات متخافوش منها اذا تكسرت معليش وزيد لازم تخلوها تبات باه تقدرو تقطعوها واصلا هي لازم تجي يابسة كي الطيب
متخاوفوش من بعد ما تريح تولي دوب في الفم منبعد قطيها كيما تحبي .
او تقطعيها مربعات
فعلا ننصحكم تجربوها راها ميتشبعش منها .
( تقرير عن مشاركة سيئة )، و الموجودة أسفل كل مشاركة .
2012-10-20, 23:17
العرض المتطور
