الطبعة التاسعة "دورة الرقي لمدبرة منزل مثالية"

Minnnaaa · 2012-10-16, 10:03

البسملة1

السلام عليكم ورحمة الله تعالى وبركاته
ما شاء الله ما شاء الله النشاط والحيوية ماكان ما نقولو غير "الله يدومها نعمة ولمة "
انا اسمحولي ضعيفة بزاف في كتابة التطبيقات نتاوعي مي بصح البرنامج الحمد لله اليوم كملت مع المطبخ (اسمحولي راني نخف على جال العيد راه قريب وراني باغية يكون كلش نقي)
المهم الاحد نقيت الكويزينياغ والثلاجة تنظيف عميق والبارح نقيت الدواليب كامل من الداخل والخارج مع تلميع الاجهزة وتعقيم المعالق,,,واليوم مسحت الجدران كامل وغسلت الطاولة والكراسي وخرجتهم يتسمشو وغسلت الشباك والستارة والارضية بالمنضفات ودرك جيت نريح معاكم ساعا زدتوني نشاط وين حبيت نبدا في الاسبوع التاني(الحمد لله الهمة راها عالية)
اما الجانب الديني "فلا توصي حريص"الحمد والشكر لله الصلاة في وقتها الاذكار كل يوم والمصحف نقراه بين اذان الفجر واذان الصبح
واما الجانب الجمالي اختكم شابة من عند ربي هاهاها راني نمزح فقط انانغسل وجهي بصابن cleen end clear ونحط من نفس الماركة كرام للوجه نهاري وليلي ونستعمل pommadeتمنع رائحة العرق وريحتها منعشة سموها falez بالاضافة الى الكحل وروج خفيف في النهار
اما الجانب الاسري وهادا الاهم اكيد كل يوم في صراع مع نفسي باش مانعيطش على ولدي (بنتي الصغيرة تساعفني مي الكبير مقلش بزاف)
والحمد والشكر لله على كل النعم اللتي انعم بها علينا التي لا تحصى ولا تعد