مرأيك في الزاوج السن المبكر

[كاميلا]

المشاركة الأصلية كتبت بواسطة lina213

راكي غالطة بزاف أختي
ليوم أصبح الرجل تع 30سنة يدي وحدة عندها 18سنة؟؟؟؟ أهذا يعقل
يعني على حساب هذ المنطق لعندها 30 تدي و احد عندو 50
علابلي كل حاجة و المكتوب
أنا فتحت هذ الموضوع باش نشوف رأيكم

اولا ظاهرة الزواج المبكر هادي بكثرة في القرى ؟ انت من اي منطقة اختي ؟ وتكثر عند القبائل والشاوية لوكان البنت توصل لسن 23 مثلا راهي كيما يقولو وانا نكره هاد الكلمة بايرة عجيب؟ احنا في قسنطينة بالعكس الطفلة الزواج عادي عندها يكون من 25 فما فوق
ذكرتيني بواحدة صاحبة اختي كانت تقولها البنات الصغار هادو اللي زوجوا نزلو علينا الذبان علاش يزوجوا وهوما صغار لا اختي حريتك تنتهي عند حدود الاخرين في الاول والاخير الزواج هو حرية اللي حاب وحابة يزوجوا يزوجو
لكن الشيء اللي حابة نوجهك ليه لازم الانسان يكون عندو ثقة بالله باش ربي يرزقه ماشي يقول بسبب كذا وكذا راهو رزق متكسريش راسك خلاص وكاين اللي كتبلها ربي تزوج بعد 50 سنة عاشتها واللي تزوجتوا كامل من كل شيء حتى الاولاد يتامى وصغار هاد المرا كسبت فيهم ثواب واجر عظيم وهي قصة حقيقية راني كتبتها من قبل في المنتدى
وزيد والله من الاحسن كل واحدة تتلهى بمستقبلها يعني مالازمش نشوفو مع الاخريات بزاف كي نتلهاو بروحنا ونكونوا علاقة جيدة بالله مبنية على الايمان والرضى رح نفوزوا بكل شيء
موفقة