حـــصري~~[[ من زينو نهار اليوم صحآ عيدكم .. هنا لنا موعد مع كبش العيد .. تفضلوا شاركونآ .. استفيدوا و استمتعوا معنآ ]]..

الأمنيات · 2012-10-11, 15:19

رغم التهاب الاسعار للاضحية الا اننا نحاول توفير قيمتها حتى يتسنى لنا السنة ............ككل عيد نذبحوا بعد الصلاة بما اننا وحدي كيما نقولوا بنات صغار الي يساعدوا
لكن الحمد لله الاولاد لاباس كي يكملوا مع والدهم الذبيحة يساعدوني في الملفوف لاني نكون مشغولة بالبوزلوف ما نحبوش لكن تعبه مفروض عليا نحبه مفور وفي الكوشه وناكل منه الا القليل جداااا
ونبدأ خدمت الدواره نحبها عصبان لكن مرات الظروف لا تسمح يكثر عليا الشغل
كي حضر ولدي الملفوف نخلوا ديما حق الضياف وحق اب زوجي الجد مع نصيبه من اللحم لازم راه سنة ضروري حتى ولا راه ذابح زوج يحب يتذوق من عندنا
في بعض العائلات لا تاكل الملفوف واللحم في اليوم الاول مثلنا دارنا عائلتي اقصد حتى اليوم الثاني
اما انا في اسرتي ياكل كل شيئ ...............
جئنا للهيدورة كيما قالت الاخت معا الى الله راها متعبه كنت نعملها مصلية بصح راها الحساسية قتلتني مع اولادي وليت نغسلها ونتركها تتعفن ايام
ومن بعد نسلها من الصوف واش نقولك على الروايح الكريهة والذباب لكن خدمه لا صقه فيا كي نسلها كامل من الصوف نغسلها مليح ونستعمل الصوف في وسائد
الاضحيه نقسموها على زوج نصف لينا ونصف الاخر لبعض من لم يسعفه الحظ وشرا العيد
هاذا واش ندير في العيد اختي معا الى الله باجاز فقط انه اجمل ما في العيد تلك الصور التي نراها في العائلة من لم الشمل وتسامح وصفاء يملا الاجواء
ناس ما يتكلموش معاك فقط من عيد للعيد اللهم اجعل ايامنا عيد
لا ننسى اناس كانوا معنا في الامس القريب وغيبهم الموت عنا في هذه المناسبة ندعوا لله ان يلهم ذويهم الصبر ويعينهم على مصيبتهم يدخل مواهم وموتانا جنات الخلد
اللهم احفظ اخوتي في غربتهم ووفقهم في دراستهم واعمالهم وايرجع كل غريب لناسه
ارجو انني وفقت في الشرح اختي تحياتي وتعيدوا وتزيدوا

معاً إلى الله · 2012-10-11, 18:11

إكرام ملاك ..
بلسم غرااام ..
ساجد لله ..
Dj BoBo ..

بااارك الله فيكم على ما قدّمتم لنا أمسية هذا اليوم الجميل ..
جمال أذواقكم الرااائعة ..

جزاكم الله خيرااا على المشاركة و على افادتنا بمعلومات نافعة ..
تشكراااتي يا كراااام ..

كونوا بالقرب ..

اقتباس:

المشاركة الأصلية كتبت بواسطة الأمنيات

رغم التهاب الاسعار للاضحية الا اننا نحاول توفير قيمتها حتى يتسنى لنا السنة ............ككل عيد نذبحوا بعد الصلاة بما اننا وحدي كيما نقولوا بنات صغار الي يساعدوا

لكن الحمد لله الاولاد لاباس كي يكملوا مع والدهم الذبيحة يساعدوني في الملفوف لاني نكون مشغولة بالبوزلوف ما نحبوش لكن تعبه مفروض عليا نحبه مفور وفي الكوشه وناكل منه الا القليل جداااا
ونبدأ خدمت الدواره نحبها عصبان لكن مرات الظروف لا تسمح يكثر عليا الشغل
كي حضر ولدي الملفوف نخلوا ديما حق الضياف وحق اب زوجي الجد مع نصيبه من اللحم لازم راه سنة ضروري حتى ولا راه ذابح زوج يحب يتذوق من عندنا
في بعض العائلات لا تاكل الملفوف واللحم في اليوم الاول مثلنا دارنا عائلتي اقصد حتى اليوم الثاني
اما انا في اسرتي ياكل كل شيئ ...............
جئنا للهيدورة كيما قالت الاخت معا الى الله راها متعبه كنت نعملها مصلية بصح راها الحساسية قتلتني مع اولادي وليت نغسلها ونتركها تتعفن ايام
ومن بعد نسلها من الصوف واش نقولك على الروايح الكريهة والذباب لكن خدمه لا صقه فيا كي نسلها كامل من الصوف نغسلها مليح ونستعمل الصوف في وسائد
الاضحيه نقسموها على زوج نصف لينا ونصف الاخر لبعض من لم يسعفه الحظ وشرا العيد
هاذا واش ندير في العيد اختي معا الى الله باجاز فقط انه اجمل ما في العيد تلك الصور التي نراها في العائلة من لم الشمل وتسامح وصفاء يملا الاجواء
ناس ما يتكلموش معاك فقط من عيد للعيد اللهم اجعل ايامنا عيد
لا ننسى اناس كانوا معنا في الامس القريب وغيبهم الموت عنا في هذه المناسبة ندعوا لله ان يلهم ذويهم الصبر ويعينهم على مصيبتهم يدخل مواهم وموتانا جنات الخلد
اللهم احفظ اخوتي في غربتهم ووفقهم في دراستهم واعمالهم وايرجع كل غريب لناسه
ارجو انني وفقت في الشرح اختي تحياتي وتعيدوا وتزيدوا

بسم الله ما شاء الله .. خمسة و خموس عليك أختي الفااااضلة ..

وااش خليتيلنا ..

لا تختلف عاداتكم كثيراااا عن عاداتنا ..
اظنك من الغرب ؟؟ .. فالملفوف سمعته من عندهم ..

ربي يحفظك و يحفظلك اهلك صغيااا و كبيرااا ..
و يخليك تاااج على راسهم ..
ما شاء الله عليك كلّ صع بصنعة ..

تعرفي ؟ .. انا ابتداءا من العام الماضي بديت نتحمل المؤلية تاع كلش لوحدي ..

من غسل و زلف و تنقية ..يعني مش ك يكون الواح معاون مع افراد الدار الكبير كيما يكون وحدو ..

الحمد لله سلّكت راسي في كلّش ..
و البوزلوف لي كنت خايفة منو .. ساعتني جارتي و مرّ الامر بسلاام ..

فقط وجدت صعوبة كي لحقت للهيدورة ..

قالولي لفيها في صاشي و خليها تتعفن كما قلت انت ..
لكن باصيت .. سافرنا و رجعنا .. لقيتها فاحت تقول كانت جثة تاع ميت في الساشي ..

نقولك الصح عفتها و رميناها ..
و هاذ العام ان شاء الله قررت نصدقها ..
راهم طلبوا في المسجد من يتطوعلهم بهيادر العيد ..

ان قبلوها خضراااء كما هي راح تكون ليهم ..

هاذ العام اذا كتب ربي ان شاء الله .. ثان راح نتحمّل كل شيء لوحدي
ظاهرها و باطنها ..

ربي يقدّرنا جميعااا و يقبّل منّا ..

و لي قدرش يعيّد هاذ العام .. نفروه برك بلّي ارسول عليه الصلاة و السلام ..
راه ذبح زوج أضحيات ..
و وحدة منهما نواها على الامة الاسلامية لي ما ذبحتش ..