حدث في أيام الجامعــــــة.......... - الصفحة 2

لينا الجنة · 2012-10-03, 23:21

السلامعليكم و رحم الله

رجعتنا بالزمن الى الوراء و يا لها من ذكريات

اتذكر انه في عامي الاول استاذ الاحصاء رفض اعطائي العلامة لانني اقطن منطقة سياحية و رفضت ان اجلب له السردين بما ا ن منطفتنا مشهورة به و كان سابقا طلب مني ان اجلب له كمية و قت له " ماعدناش شالوتيي و لا اربور تجيبلنا السردينة " منذ تلك اللحظة وضعني في الخانة السوداء و كل نقاطي كانت 3 حتى في الامتحان مع انني انا م نقاف بحل الموضوع و ارسلته لكل الطلبة

اما باقي الاساتذة لم يكن لي اشكالا معهم

nouv-mariée · 2012-10-03, 23:51

السلام عليكم

فهل صادفت مشكلة مع استاذ ؟.....
انا شخصيا ماصدفتش مشكلة تضرني وحدي ، لكن كانت عندنا مشاكل مع الاساتذة اللي عذبونا بالمكر والعنصرية والانحيازية وانعدام الضمير ،، مرضونااااا

وهل شاهدت تصرفات استاذ في مجال النقاط مع أحد الطلبة أو الطالبات ؟
اكييييييد ، اي واحد دخل للجامعة ، اكيد يتظلم ولو بنقطة واحد ،، انا من جهتي والله تظلمت العديد من المرات ، والاستاذ كان دايرها بيا ،، السبب انهفي احد المرات قدملنا معلومة خاطئة ، رحت انا على حسن نية صححتهااااااله ، ومش نيتي اني نضحك عليه النااااس والله كنت نسحاب انو غلط برك ،،، شدهااااالي ذريعة وبدا يحشي في النقاط ، رغم انني من الممتازين في كل المواد الا المادة تاعه ندي فيها تحت المعدل ،،، وهكدااااااااك جيت انا 2 في البروموسيون تااااعي الحمد لله ،،، مانيش محتاجة مزيتو ولوكان مدلي حقي راني جيت انا الماااااجورة ،، حسبي الله ونعم الوكيل ،، حسبي الله ونعم الوكيل ،، نوكل عليه ربي ، لانه ظلمني لمدة سنتين وهو شاد معانا

هي مواقف قد يتعرض لها الطالب أو الطالبة ...فلكم المجال لسرد تجربتكم .......

يعطيك الصحة ،، تجاربي عديدة ،، نجي مرة اخرى كل مرة نحط تجربة

nibrasse76 · 2012-10-04, 02:45

أغرب موقف ايام الجامعة كان يوم تعارك زوج اساتذة مع بعض بالدبزةوخرجنا من القسم سلكناهم ههههه
اجمل موقف كنا وقت الفراغ عاملين مجموعة موسيقية صغيرة وكان استاذنا تعجبوا ويقعد معنا مرات
انذل موقف استاذ دائما يطلب من عندنا السجائر
ابغض موقف استاذة مسمومة تناقشت معها مرة وحدة طوال العام ..كرهتني ..وبعد شهرين حكمتلها وقالت الدفعة كامل راح نزيدكم نقطة فالفرض الا انا 9 بقات 9 ؟؟
نشتاق لتلك الايام ونحن للماضي لكن لوعاد لكرهناه .

بلسم غرام2018 · 2012-10-04, 09:51

Mazal ma da5ltlhach hhhh l3am hada wraby ywa fk

morad81 · 2012-10-04, 20:07

شكرا لكم جميعا على تفاعلكم و الله ذكرتونا بالجامعة وأنا اقرأ ردودكم وكأنني أعيش الشعور الذي عايشتموه.

المهم أنا في مقياس الرياضيات المالية كنت تحصلت على 11.5 /20 في الإمتحان ...المهم نقطة td قال الأستاذ أنا نمد ليكم لانوت ...المهم بدا في لاليست وأنا الأول بحكم الإسم نتاعي يبدىبــ أ.....المهم سولني شحال ديت في الإمتحان قتله 11.5 قالي نعطيلك 10 المهم نورمال مع أنا ما نداسرش الأساتذة بيناتنا الورقة برك ما نروحلوا ما نعرفو ....ومن بعد كي بدى يكمل لقى مشكلة في الناس اللي عندهم لانوت أقل مني و اللي تحت المعدل ....المهم سكت ودار لانوت في السوكري.

الحصة لخرى من الأسبوع قلقاتو بنت و قاتلوا خبرنا لينوت نتاوعنا ...قاللها راني كامل ساعدتكم ...وقاللها بالي فلانة...(معنا في القسم) راني مديتلها 16 ....سمعتو .....تخيلوا شحال جابت في الإمتحان ........01 / 20 .

المهم تنارفيت كي كملت الحصة وقفت عليه قتلوا أذا راك باغي دير فيا الشر عطيني حقي برك ...قتلوا عطيني 11.5 وما دخلن فيك في الناس لخرى بينك بين ربي ......المهم بغينا ندابزو ......

صدقوني في لعشية لقيتو معاها في معهد مريحين تحت الظل ......و الله مشهد مانيش عارف كيفاش نعبر عليه.....

وما ننساش ليام الهايلة نتاع الجامعة وكلكم راكم تعرفوها... شكرا مرة أخرى تحياتي أعجبتني ردودكم صراحة

biti · 2012-10-04, 22:17

كي يخلاص العام نجي نحكيلكم بسكو هاذا العام الاوزل عندي 3 اسابيع في الجامعة برك ادعولي

عبد الله 31 · 2012-10-04, 22:24

مرة في السنة الاولى علوم دقيقة كنت مبلع موديل الكهرباء وخدمت فيه غاية ودخلت للدياس باه نزيد فيه النقاط عطاوني
03
وفي السنة الثانية تكنولوجيا موديل ميكانيك عقلانية راجعتو مليح وكنت حاسب خدمت قد 13 ولا 14 كوروني بواحد 01

السي محمد · 2012-10-04, 22:28

مرة استاذ كان يدرسنا رسم في سنة اولى tct

كاين بنت اخذت 6 في الفصل الاول

و 6 في الفصل لثاني

يعني المجموع 12

يلزمها 18 باش تخرّج العام

alors

اعطاها 19 في td انا شاهد

ههههههه

**د لا ل** · 2012-10-04, 23:08

هو موقف واحد ولحد اليوم لم اجد له تفسيرا

كانت هناك استاذة اردنية تدرسنا مقياس لسانيات النص وكان عامها الاول في الجزائر

وبطبيعة الحال مستوى تعليمهم يختلف عنا بشكل كبير

كانت اسئلتها غريبة عنا كانت صعبة وغير واضحة ابدا حتى اساتذتنا لم يستطيعوا حلها

فكانت كل علامات المجموعة تقريبا

تتراوح من 0.25 الى 2 من /20

لكني تحصلت على 12

و لاادري صراحة من اين جاءت

رغم ان الكل حسدني على تلك النقطة

لكني اقسم بالله لا ادري ماكتبت على الورقة

وربي سلكها على خير

ايام ...

بلسم غرام2018 · 2012-10-04, 23:26

ههههه ان شاء الله نولو نتفكرو كيفكم

morad81 · 2012-10-05, 11:59

شكرا لتفاعلكم وسرد تجاربكم ..........أخوتي أخواتي أعصاء المنتدى

نورسين.داية · 2012-10-05, 12:18

في الدراسة لم تكن لدي ادنى مشكلة لأن التخصص ...ليس صعب ....المشكلة الحقيقة في من درسنا من اساتذة .....حثالة الأرض حاملون لشهادة الماجستير و الدكتوراه .................هذا هو الواقع الله غالب

حدى المشاكل التي لن انساها ما حييت في السنة الثالثة جامعي خروج الطلبة من مدرج الإمتحان بعد رفض السؤال المطروح

و بعدها ........................حدث .............احداث و احداث .....لا تنتهي روايتها ..............عموما جات على خير ..........و جوزنا العام ...الحمد لله ...............................

حقائب فرح · 2012-10-05, 15:24

بسم الله الرحمان الرحيم
السلام عليكم ورحمة الله وبركاته
الحمد لله .....درست عام فقط وكان موسم جميل والاساتذة التي درست عندهم محترمون والحمد لله الابعضهم لا اريد ان اغتبهم لكن الحمد لله كانوا من الاساتذة التي موادهم من الحفظ فكنت اما ان اخفض بوجهي الى الكراس لكي لا انظر اليهم او تكون لي بحوث فا ختار حصتهم في وقت المحا ضرات لكي اقوم بالبحث مع صديقاتي ..............واتغيب......اما عن الدراسة فالحمد لله اذكر ان صديقتي اخذت اعلى مني في المحاسبة لم اتذكر لكنها فوق 15 اضطررت ان لا اكلمها حتى اخذت اكبر منها في الرياضيات

morad81 · 2012-10-05, 17:26

اقتباس:

المشاركة الأصلية كتبت بواسطة مريم الصابرة

السلام عليكم اخي
انا درست مدة سنتين فالجامعة لكن الحمد لله ما صاوش مشاكل مع أي استاذ فقط كان كاين أستاذ حاطني في راسو العام الاول لكن لما فقتلةو وليت نتحاشاه وما نعطيلوش الفرصة وايضا لما نلقى نقاطي ناقصين ناقش هذي طبيعة فيا لكن شفت تمييز بزاف فالنقاط خاصة للبنات الي محط إعجاب الأستاذة راك عارف هذا المجال شكرا على الموضوع.

طبعا تصرفات راح ضحيتها العديد من الطلبة .....شكرا ...يظهر ا،ك لم تكملي الدراسة ؟

morad81 · 2012-10-05, 17:33

اقتباس:

المشاركة الأصلية كتبت بواسطة asosa

السلام عليكم انا صراحة الاساتذة معايا كانو ملاح الى حد الان الا استاذ واحد كان يتعامل بالمعريفة والمحسوبية كان يجي يقرينا ويعطينا ملخصات انا نكتبهم في كراسي المهم كي قربت الامتحانات قالنا اشريو البوليكوب راهافيهم الدروس كامل ضهر بلييتعامل مع مكتبة باه تمشي السلعة يتسمى اللي حضر واللي محضرش كيف كيف في الامتحانات درنا الموديل نتاعو وصراحة انا جاوبت ولكن معطانيش حقي خلاص لانني مشريتش البوليكوب نتاوعو واللي كانو ميحضروش داو خير مني ولكن الحمدلله طلعت عامي بالفور وتهنيت

الله يهنيك و يكملك بالخير.......بصح انت كنت تساهمي مع الأستاذ باش يخدم على روحو مسكين رهو ما لحقش ...يني لازم تشري بوليكوب ودوبلي .... تحيتي