رياضيات ام علوم

[روان 96]

السلام عليكم كيفكم يا اعضاء
حبيت نسالكم انا شعبتي رياضيات و معدلي العام الماضي 15.42 و في الرياضيات 19 على هدا اعطاوني رياضيات مي كاين الي يقولولي رياضيات مش مليحة علوم خير انا حابة نسقسيكم
رياضيات او علوم احسن

[✿❀سًجّْـدًةْ خٌشٌـوُعٍـ ❀✿]

يا اختي ما تسمعيش لكلام الناس في هاته القضايا
اذا رحتي رياضيات هادا يعني انك انت خيرتيها واكيد بعد تفكير
وادا شفتي روحك تحبي الرياضيات و تعرفيلها
واحد ما يجي يبدلك رايك
انت وما تفضلينه
ادا تحبي العلوم روحي علوم وادا تحبي رياضيات روحي رياضيات
هذا يتوقف على ميولك و مدى اتقانك للمادة
بالتوفيق لك

[سمآء~]

سلام اختي


انا شعبة رياضيات


في زوج ملاح


كاين عندك الفرق في المعامل
في العلوم عندك المعامل تاع العلوم والرياضيات و الفيزيك متقارب
الرياضيات االمعامل تاع الرياضيات و الفيزيك طالع برك



اما الفرق الاخر

الرياضيات عبارة عن تطبيقات على عكس العلوم تحتاج التفسير و التحليل و الاستنتاج




ما رأيك انت اختي؟؟؟؟؟؟؟؟

[yasmine-algerienne]

و عليكم السلام و رحمة الله
مآ شآء الله ، ربي يتم إن شاء الله
صحيح يا ختي أنو شعبة الرياضيات شاقة و لكنها جد ممتعة ، و إذا كنت تحبين الرياضيات ، و لا تملين أبداً منها فأنا أنصحك بهذه الشعبة.
و لمعلوماتك أن طلاب شعبة الرياضيات لهم الأولوية في أكثر من 90% من التخصصات و الفروع (العلمية) في الجامعة حتى الطب و الصيدلة إن كنتي تريدين أن تتخصصي في مجال الطب.
المهم في هذه الشعبة أن لا تتكلي على مايقدمه لكي الأستاذ ... بل عليك أن تحلي كل تمرين تجدينه في طريقك ،،،

بالتوفيق