الحلويات راني نحطلكم وصفاتهم قريبا ان شاء الله
بالنسبة للقلاصاج : انا تعلمتو من هذا المنتدى وخرجلي يجنن
ضربي 2 بياض بيض ملييييح بالباتور مع رشة صغيرة ملح باش يطلع كالثلج
وتكوني حضرتي من جهة شاربات :كاس ماء+كاس سكر يغليو 10 دقائق تقريبا حتى تشوفيه بدا يثقال
ابداي ضيفيها للبيض نتاعك بالشوي برك مع الخفق وهي سخونة باش يتعقم هذاك البيض
من بعد كي تكمليها جيبي 3 ملاعق سكر ناعم (احسن نوع نونورس او المرجان) وضيفيهم بالشوي
وفي الاخير ذوبي نصف باطة فوندون على حمام مائي مع ملعقة ماء وضيفيه للقلاصاج وهو سخون باش ميتعبكش مع الخفق السريع
(السر في اضافة الفوندون انه يخلي القلاصاج طري مدة طويييلة)انا منضيفش الزيت دايما
وقلاصي القاطو نتاعك
واذا حبيتي تعملي خطوط فوق القلاصاج راهو يتباع لابوش آدوي عند محلات مستلزمات الحلويات 10 دج للواحد وانت تقصي بالحجم لي يعجبك وراهم هااايلين
والسر تاع اللمعة خلي القاطو حتى ينشف مليييح وجيبي البانسو رقم 0 او 1 هاذيك الصغيرة خلاااص كيما نتاع الرسم وجيبي البريون لي يجي غبرة(بودرة)يشبه للملون بصح هو يبرق .وادهني فوق القلاصاج غير بالشوي
والنتيجة رووعة
واختاري اللون لي يمشي مع لون القلاصاج لي درتيه وادهني
( تقرير عن مشاركة سيئة )، و الموجودة أسفل كل مشاركة .
2012-10-01, 10:50
العرض الشجري