عشق من نوع اخر

[الحطاب سهام]

الله الله الله هذا هو الحب الي ولى في هذا الزمان الحب المستحيل نتاع الصح .ماشي كيما وحدا تقولي نحبو في الهاتف ونحبو في المنتدى ....هاو ليك النساء ارواحو تعلمو منهم
اختي مازلتي صغيرة وعندك الحق تدللي وتتقلشي في لحلال والان راكي تقولي ولادك كبرو من حقك تعيشي حياتك وتتصرفي مع زوجك كمراهقة او اكثر لانو حلالك. ابدا ابدا الخلل ماراهش فيك الخلل راهو في راجلك الي ان شاء الله ربي يهديك ويحس بالنعمة الي ربي عطهاله .هذو الرجال ماعلاباليش شاراهم باغيين؟؟؟منين الزوجة تحس بالحب والحنان اذا ماشي انتوما الي تعطوهلها .؟؟؟...راجلك راو عندو زهر كبير كون وحدا اخرى في مكانك لا قدر الله كون راهي انحرفت وراحت تحوس على التعويض في مكان اخر والعياذ بالله
شوفي يا ميمتي اتزيني وتعطري والبسي اغلى ماعندك وكي يجي زوجك حاولي تكبتي عواطفك وماتجريش عنده قابليه عادي بابتسامة ...يعني نورمال ...وحاولي شويا تباعدي عليه يعني ماتقعديش لاسقا فيه وين يروح كي تقومي بواجباته روحي مثلا اقعدي مع اولادك او روحي للمطبخ ديري شغلك ....هكا يا ميمتي هو رايح يولي يحس بتغيرك ويبدا ينتبه بتغييرك وهنا رايح يحس بالنعمة الي كان فيها وراهو يفقد فيها
ميمتي واذا عندك قدرة على الاقناع واجهيه واطرحي فكرتك وانو تصرفاته معاك راهي تبكيك وتغيضك وانك تحبيه وتحتاجي لحبه .......اتمسكني قدامه وطيحي الدموع بلاك يحس
ادعي ربي في اليل وفي صلاتك ربي يرقق قلبو ويحنان عليك

يا ميمتي يا لعزيزة الراجل ولا يحوس على الحب في المغامرات المحرمة ومع مرته يمتنع ويقوللها عيب ....والله شيءغريب
نحييك يا ميمتي والله يكثر من امثالك وماتخافيش والله ربي مايغبنك ذكا ربي يهدي راجلك وينتبه لشا راه يدير