تصور بسيط للقضاء على البطالة .....

[MIWAKE]

المشاركة الأصلية كتبت بواسطة كاميلا

السلام عليكم ورحمة الله تعالى وبركاته
موضوعي هذا وددت ان اتشارك فيه معاكم اخوتي الكرام "البطالة " والمشاكل التي تواجه الشباب عند نهاية المسار الدراسي
حسب تفكيري للموضوع رغم انني فتاة حاولت ايجاد حل بسيط يتطلب صبر كبير لكنه مجد وفعال

الدراسة الاولى بالنسبة للشباب الذين لم يكملوا دراستهم ستكون الخطوات اسهل قليلا ولكن حسب المكان الذي سيشتغلون فيه
الدراسة الثانية موجهة للشباب المتعلم وخاصة بعد الحصول على الشهادة بصح ماشي شرط حتى تحصل عليها ممكن العمل والدراسة شيء ليس صعب

النقطة الاولى
-ايجاد العمل عند الخواص سواء مقهى انترنت او محل بيع حلويات او واد غذائية او مؤسسة خاصة او grossiste او محام او طبيب الخ هذا يتوقف على حسب الوقت حسب ما يحتاج اللي رح يشغل هاد الانسان عمل نصف نهار او يوم كامل

-المرحلة الثانية ان كان العمل نصف نهار لابد من ايجاد عمل آخر

-النقطة الثانية ميهمكش الدخل اخدم ومتقعدش عاطل وتمد يديك لانه والله العظيم رح يباركلك ربي فيها ومتتصورش كيفاش

-النقطة الثالثة مرحلة التحصيل "التحويش " يعني تخبي الدراهم وتحط في بالك راح توصل الى حد معين من التحصيل هاد الحد على حسب ورح نولي لهاد النقطة ونشرحها


المرحلة الثانية رغم انها في الاصل هي الاولى وتدخل ضمن الافكار المسبقة والتخطيط تحط في بالك واش راح الدير تبدا بمحل مواد غذائية صغير او كشك صغير او مقهى انترنت الخ من انواع الاعمال

اذا واصلت على هذا المنوال لمدة 5 سنوات او 6 سنوات صدقني راح توصل الى مبتغاك وتفتح مشروعك الصغير بالطبع مع امكانية تدخل شريك بنسة معينة
بالطبع ضمن هذه المرحلة لازم تعرف كيفاش تسير مصارفك يعني لابذخ في الاكل يعني كي تخلص تروح تاكل في كرشك اياك وهذا الدراهم يروحو غير في شوارمة وقهوة وجريدة يعني اصرف بالمعقول
والشيء الاهم الصبر والصبر

تقولي منقدرش نلم الدراهم نقولك اشري حصالات وخبي فيهم او الطريقة اللي تلقاها آمنة لك وراني نتكلم بجدية

المرحلة الاخرة بعد ما شقيت وتعبت ولميت وانت داير في حسابك واش راح دير
تحط في راسك قبل ما تنتهي وتلم الدراهم اذا كنت راح دير محل حلويات لازمك تكوين خاص في هذا يعني روح للتكوين المهني ودير التكوين المهم على حسب واش راح الدير اعرف باللي لازمك سجل تجاري وجد روحك للمرحلة هادي مليح

-لازمك ايضا دراسة جدوى صغيرة تعرف فيها كل شيء اذا كنت متعرفش استعن باهل الخبرة او تقدر تلقى دراسات جدوى في الانترنت على حسب واش الدير

المرحلة الاخيرة تحقق مشروعك وتدخل للسوق ولازمك هنا شجاعة وثقة بالنفس واصرار على النجاح

اريد اثراء الموضوع اخوتي وماهوش كوبي كولي انا اللي كتبته في محاولة لي ان اساعد الشباب واوجههم لازم يحطو روهم في الصورة وانهم في مواجهة البطالة ولازم يتأقلموا مع الاوضاع ويتغلبو عليها اذا جا البوست تاع الدولة من عند ربي مرحبا اذا مكانش متبقاوش تسناو وتضيعو الوقت خموا شوية
ارجو التفاعل وشكرا تقبل الله صلاتكم

ولي عودة لانوه الى بعض الايجابيات الخفية وشكرا جزيلا

بارك الله فيك اختي لدي فقط بعض التعقيبات فقط
1-انت ركزت كثيرا على جلب المال صحيح الحصول على المال هو الهدف من العمل و لكنه ليس كل شيء هناك الاهداف و الطموحات و حتى الاحلام التي يسعى الانسان الى تحقيقها فانا شخصيا افضل ان اعمل في مجال احبه و استطيع الابداع فيه و لو ان المال فيه قليل بدل ان اعمل في المجال ليس تخصصي او اكرهه و لكن فيه المال اكثر
2- كذلك التخطيط للمستقبل يجب ان يكون قائم على المنطق ماذا اقصد
مثلا شخص له شهادات عليا في الاقتصاد الجزئي هدفه او حلمه ان يعمل في احدى الشركات الجزائرية او الاجنبية في الجزائر مثلا HP-algerie ou samsung algerie
بحث عن منصب عمل في هده الشركات كمختص اقتصادي لكن لم يجد سواء لان هده الشركات لم تفتح مناصب جديدة او هناك مناصب لكن لازم المعريفة لكن تم اقتراح عليه منصب عمل لكن ليس كمختص في اقتصاد و انما كملحق اداري بسيط و هنا في راي هذا الشخص من الافضل ان يقبل هذا المنصب لماذا لانه بقبول هذا المنصب الاداري و لو هو منصب اقل من مستواه و مختلف عن اختصاصه لكنه سيضع رجليه في الشركة التي يتمنى العمل فيها و هذا سيسمح له بالتعرف على موظفي الشركة و على مدير الموارد البشرية و على مديرها العام اي ادير المعارف و اليوم الذي يتم فيه فتح منصب عمل الذي يريده ستكون له الاولوية و له كذلك المعريفة
لكن اذا نطبق اقتراحتك اختي شخص له شهادات عليا في الاقتاصاد يذهب للعمل في محل تجاري و يجمع المال ثم يقوم بكراء محل وووووووو ربما اذا كان فقير او هو العون الوحيد لعائلته فهو مجبر على ذلك لكن شخص ليس فقير لان عمل في محل تجاري لن يحقق اهدافه ابدا
1-الدراسة و الشهادات و كل تعب و الاجتهاد راح في الهوى و الريح
2-الانسان عندما يتخلى عن اهدافه و احلامه راح يعيش حزين
3-الانسان عندما يفعل شيئ يحبه فانه سيبدع و يجتهد فيه فهو يفيد و ستفيد
4-عمل في محل تجاري لن يحقق اهدافه ابدا
ولي عودة انشاء الله الموضوع طويل شكرا لك اخي تقبل احترماتي

[كاميلا]

المشاركة الأصلية كتبت بواسطة MIWAKE

بارك الله فيك اختي لدي فقط بعض التعقيبات فقط
1-انت ركزت كثيرا على جلب المال صحيح الحصول على المال هو الهدف من العمل و لكنه ليس كل شيء هناك الاهداف و الطموحات و حتى الاحلام التي يسعى الانسان الى تحقيقها فانا شخصيا افضل ان اعمل في مجال احبه و استطيع الابداع فيه و لو ان المال فيه قليل بدل ان اعمل في المجال ليس تخصصي او اكرهه و لكن فيه المال اكثر
2- كذلك التخطيط للمستقبل يجب ان يكون قائم على المنطق ماذا اقصد
مثلا شخص له شهادات عليا في الاقتصاد الجزئي هدفه او حلمه ان العمل في احدى الشركات الجزائرية او الاجنبية في الجزائر مثلا HP-algerie ou samsung algerie
بحث عن منصب عمل في هده الشركات كمختص اقتصادي لكن لم يجد سواء لان هده الشركات لم تفتح مناصب جديدة او هناك مناصب لكن لازم المعريفة لكن تم اقتراح عليه منصب عمل لكن ليس كمختص في اقتصاد و انما كملحق اداري بسيط و هنا في راي هذا الشخص من الافضل ان يقبل هذا المنصب لماذا لانه بقبول هذا المنصب الاداري و لو هو منصب اقل من مستواه و مختلف عن اخصاصه الا و الاقتصاد لكنه سيضع رجليه في الشركة التي يتمنى العمل فيها و هذا سيسمح له بالتعرف على موظفي الشركة و على مدير الموارد البشرية و على مديرها العام اي ادير المعارف و اليوم التي يتم فيه فتح منصب عمل الذي يريده ستكون له الاولوية و له كذلك المعريفة
لكن اذا نطبق اقتراحتك اختي شخص له شهادات عليا في الاقتاصاد يذهب للعمل في محل تجاري و يجمع المال ثم يقوم بكراء محل وووووووو
1-الدراسة و الشهادات و كل تعب و الاجتهاد راح في الهوى و الريح
2-الانسان عندما يتخلى عن اهدافه و احلامه راح يعيش حزين
3-الانسان عندما يفعل شيئ يحبه فانه سيبدع و يجتهد فيه فهو يفيد و ستفيد
ولي عودة انشاء الله الموضوع طويل شكرا لك اخي تقبل احترماتي

هذه النقطة عرفت باللي تقولولي عليها رانا كامل قرينا بالبنات والذكور وعندنا دراسات عليا لكن اخي لازم نقف امام نقاط راهي اصبحت امر واقع مشكل المحسوبية والمحاباة والرشوة هادي مشاكل كاينة ومكانش اللي خلص وخدم تحسبهم على صباعك والمناصب ايضا تعد على الاصابع
كيفاش يبقى هاد الشاب يستنى في المنصب الذي يلائمه ويضيع سنوات وسنوات وهو يتكبر على البريفي ويسنى في الدولة حتى يلقى روحو في 30 فا فوق والله يعني كارثة بكل المقاييس انا حبيت نوجه الشباب باش يستغل وقته وكما اسلفت في نفس الوقت يدير المسابقات واذا جاه المنصب مرحبا بيه

اذا لا بد مواجهة الظرف اللي رح يتحط فيه الا وهو البطالة مباشرة بعد التخرج
ثانيا اخي كي يكون تجارة ويخدم هذا المصدر المالي رح يفتحله آفاق جديدة يكمل دراسته يقدر يدير تكوينات وتربصات ترفع من مستواه
-متقوليش المال ماهوش هدف انا اتحدث عن شباب بطال حابين يخدوا ومن بعد يتزوجوا ومسؤولية الزواج ليست بالهينة مصاريف الاولاد ماهيش حاجة ساهلة ابسط حاجة عيشة متوسطة الماكلة وغلات يا اخي لازم نكونوا واقعيين اني ناقش في مشكلة البطالة

ما ادراك يا اخي هاد الشاب اذا ما نجح مشروعه من بعد يقدر يؤسس شركة وتنجح ويقدر يشتغل في مجاله ويبدع فيه

جاوبني اخي ماشي احسنله يدير هكدا في 6 سنوات +22 سنة كي تخرج وكي يوصل لل 30 يلقى روحو لاباس بيه ومن تم يوصل الى اهداف اخرى توصله الى مستوى اللي حابه احسن من ان يبقى 10 سنين وهو بطال يندب حظه واللي كيفه خدمو ويبقة يقول انا مخدمتش بسبة الدولة والنساء ؟ جاوبني
شكرا جزيلا للمداخلة التي اثرت النقاش