الخطيب و المناسبات

السي محمد · 2012-09-28, 10:35

اقتباس:

المشاركة الأصلية كتبت بواسطة النجمة القطبية

طيب اخى
هل ممكن بعد اذنك ان تضع لنا القصة الكاملة لقصة هذا الجد ان كان ذلك ممكن ونتعرف على كل العادات عن قرب فى موضوع منفصل
لو ممكن بعد اذنك طبعا

الله يعلم انا اعرف ان جدنا حدد المَهر ب ربعة دورو ذهب فقط

قيمتها الآن 8-10 مليون تقريبا

و ممنوع الهدايا او اللقاءات اثناء فترة الخطوبة

و لا يعطيها الذهب قبل العرس

و لي يخالف العُّرف يخلّصها

انتي في تيبازة من المفروض تعرفي او سمعتي بتقاليد سيدي معمر .... سقسي المعمّريات يجاوبوك افضل مني

مريم الصابرة · 2012-09-28, 10:49

اقتباس:

المشاركة الأصلية كتبت بواسطة السي محمد

الله يعلم انا اعرف ان جدنا حدد المَهر ب ربعة دورو ذهب فقط

قيمتها الآن 8-10 مليون تقريبا

و ممنوع الهدايا او اللقاءات اثناء فترة الخطوبة

و لا يعطيها الذهب قبل العرس

و لي يخالف العُّرف يخلّصها

انتي في تيبازة من المفروض تعرفي او سمعتي بتقاليد سيدي معمر .... سقسي المعمّريات يجاوبوك افضل مني

السلام عليكم اخي محمد وي نعرف عدااتهم وانا رحت مع صديقتي تزوجت نزن راجلها معمري قالونا نا تاكلو واو ثم فالعرسانا إنخلعت وشنو ما ناكلو والو قالك حتى من ذاك الغد تقدرو تاكل في دار العريس
وصح ماتاكل من عندو ولا تشرب من عندو وسمعت بالربعة دورو وما تتلاقاش بيه ولا يتلاقا بيها وايضا تخرج حافية ودير حاشية حمرا ههههههه الصح عجبتني العادة هذي ههههههههه

soso sirin · 2012-09-28, 14:17

[quote=السي محمد;11733744]
الله يعلم انا اعرف ان جدنا حدد المَهر ب ربعة دورو ذهب فقط

قيمتها الآن 8-10 مليون تقريبا

و ممنوع الهدايا او اللقاءات اثناء فترة الخطوبة

و لا يعطيها الذهب قبل العرس

و لي يخالف العُّرف يخلّصها

انتي في تيبازة من المفروض تعرفي او سمعتي بتقاليد سيدي معمر .... سقسي المعمّريات يجاوبوك افضل مني انا تاني معمرية مي ماناش مطبقين العرف نيشان في دارنا حتى المهر ماشي في جالو معنتها كي يكون الانسان مليح يبغو يسهلولو وخلاص و صح الذهب حنا حتا كي تروح عندو باه يمدلها ذهبها لانو ماشي جاية باه الذهب تاعو تديه من قبل تلبسو النهار الاول في دارو.اما من جهة ليكادو يمدلها عادي اذا كان هو باغي و حتى باه يشوفها اذا بغى الله يسهل عليه راح يشوفها في دارهم .ماتقوليش السي محمد انو صح تامن بعادات هذا العرف و راك مامن انو ممكن صح الي مايديرش واش قال راح يخلصها .انا مانعرف لا السي فلتان و لا السي علان الواحد يطبق الحاجات المليحة وخلاص و يا لوكان تكون في عرف قبيلة في ادغال افريقيا

اقتباس:

المشاركة الأصلية كتبت بواسطة مريم الصابرة

السلام عليكم اخي محمد وي نعرف عدااتهم وانا رحت مع صديقتي تزوجت نزن راجلها معمري قالونا نا تاكلو واو ثم فالعرسانا إنخلعت وشنو ما ناكلو والو قالك حتى من ذاك الغد تقدرو تاكل في دار العريس
وصح ماتاكل من عندو ولا تشرب من عندو وسمعت بالربعة دورو وما تتلاقاش بيه ولا يتلاقا بيها وايضا تخرج حافية ودير حاشية حمرا ههههههه الصح عجبتني العادة هذي ههههههههه

ههههههههههههههه ماتقولوليش ماكليتوش برك راكم ضعتو بالجوع .نهار ربي يكتب ارواحي كولي عندي و عندو ان شاء الله .يا ليليا حنا ناكلو عادي انا اختي الكبيرة متزوجة عند معمري كلينا عادي و اختي الزاوجة داها محمدي و كلينا تاني عادي ديجا الزاوجة كلينا قبل العرس لانو نهار عقدت جابلها عشاها .حنا ناكلو و نشربو امالا نروح عندهم و ندي ماكلتي هذا ماخص و تتلاقا بيه و يهدر معاها و نخرجو بلاغوب بلونش و البرنوس و الصباط في الرجلين و لاحاشية حمرا و لا صفرا .فكرتيني نهار جدتي تزوجت خاص غير تقولي يجيبوها فوق العود الله يعطيك النو ههههههههه مكانش الي راه شاد في هاذي العادات مرات نتناقر انا و ماما عليه نولي نهدر و هي مايعجبهاش الحال نقولها شكون هذا هو راجل دار واش قال الرسول و طبقها على بناتو امالا علاه راكم مكبرين الموضوع تقولي تسكتي و لا لالا لسانك مايطوالش في هذا الموضوع ماتبغوش طبقو حاجتك مي ماتهدريش عليه هههههههههههه و انا الصح نبغي نقلقها نقلها هو مات و شبع موت و نتوما تهبلو فينا

اسلام انس · 2012-09-28, 14:28

السلام عليكم انا نبغي الهدايا...................وندي الهدايا لصحابي وناس لي نبغيهم

شكــــــــــــرا للمــــــــــوضوع الجميل

soso sirin · 2012-09-28, 14:48

اقتباس:

المشاركة الأصلية كتبت بواسطة بن عمير 22

السلام عليكم انا نبغي الهدايا...................وندي الهدايا لصحابي وناس لي نبغيهم

شكــــــــــــرا للمــــــــــوضوع الجميل

واش راك خويا بن عمير هاذي غيبة .كيفاه كان الماجستار ان شاء الله مليح ستنيناك تدخل نسقسوك انت طولت هاذي المرة .ايا مليح مكانش الي مايبغيش الكادوات و مليح كي راك تمد الكادوات مي هكا راح تخرج فاييت للصحاب و الناس الي تبغيهم راهي ميزانية