كيف تختارون مواضيعكم التي تكتبونها في المنتدى ؟؟؟؟

[مريم الصابرة]

السلام عليكم اخي عميروش راك تسهر الله يبارك عليك
والله انا مواضيعي نكتبها من عندي مرات حالات نعيشها ومرات نشوف حاجة ونسقسي روحي ولما ما نلقاش إجابة نجي نشوف ردودكم ومن نهار بديت نكتب المواضيع جامي نقلت موضوع او رد نكتب كل شي من عندي وحتى باللهجة العامية حتى يفهموني شكرا على موضوعك وقولي الصح موضعك نقلتو وإلا من عندك هههههههه.

[عميروش الحر]

المشاركة الأصلية كتبت بواسطة مريم الصابرة

السلام عليكم اخي عميروش راك تسهر الله يبارك عليك
والله انا مواضيعي نكتبها من عندي مرات حالات نعيشها ومرات نشوف حاجة ونسقسي روحي ولما ما نلقاش إجابة نجي نشوف ردودكم ومن نهار بديت نكتب المواضيع جامي نقلت موضوع او رد نكتب كل شي من عندي وحتى باللهجة العامية حتى يفهموني شكرا على موضوعك وقولي الصح موضعك نقلتو وإلا من عندك هههههههه.

و عليكم السلام اختي

والله غير النعاس راه منايفني هاد اليامات و انا استغل الفرصة حتى ادخل الى المنتديات لما يفرغو و الكونيكسيون تكون خفيفة ...

والله يا اختي هاكذا نحب انا ..واحد يجيب موضوع من عندو و من الوسط الذي يعيشه فيه .. لأنو يكون حاس بهذاك الموضوع وذلك الراي او تلك الفكرة والفكرة لما يكتبها الشخص باحساسو راح توصل للمتلقي بدون عقد ..
وبخصوص الدارجة انا لما دخلت المنتدى جديد قريت القوانين و وليت نكتب غير باللغة العربية الفصحى .. واستخدم مصطلحات لم يكتبها عنترة بن شداد في شعره تقولي راني في قبيلة عبس ههههههههههه .. ولكن لما رأيت الناس يكتبو عادي بالعامية و خاصة انتي اختي قلت والله غير نعاندهم ..شوية عامية وشوية فصحى توصل الرسالة ....
و بخصوص الموضوع ربما نكون نقلتو هههههه لأني شفت موضوع اخر للأستاذ جريو يسال عن كيفية اختياركم لأسمائكم ؟؟ ... و فصلت هاذ الموضوع عليه و قلت كيف تختارون مواضيعكم ؟؟

شكرا اختي على المرور الطيب والمشاركة العطرة وجازاك الله خيرا