ميزانية الفقير - الصفحة 2

مريم الصابرة · 2012-09-23, 21:40

اقتباس:

المشاركة الأصلية كتبت بواسطة الباديسي

السلام عليكم اخي الباديسي شكرا
كلام رائع ربي مع الزوالي وما يخليش عليه حتى لو مبلغ بسيط لكن فيه البركة لأانو مال حلال بارك الله فيك

soso sirin · 2012-09-23, 21:49

ملي ولينا نقسمو في الشهرية و نديرو الحسابات الدراهم ماولاوش يكفو تقول حنا نحسبو و هوما ينقصو .حنا الحمد الله يا ربي كامل خدامين مي بابا قالهم ماتصرفوش معايا لمو دراهمكم و اشرو ديار و خرجو و هكا تتهناو و تهنوني. والله يا ليليا تعياي ديري في الميزانيات تتخرب تتخرب في التالي و ماعلاباليش علاه سوغتو كي يقواو الخدامين لانو هكا يا يولو يصرفو كامل يا يولي واحد يصرف و لخرين لالا.اصلا بابا قالنا انا كي ماكانش عندي مادرتش حسابي ضروك كي راني الحمد الله ندير حسابي قالنا هاذي طبقوها في دياركم ان شاء الله. منا للقدام بلاك ندير مميزانية في داري لانو انا حاجة مانكرهاش في حياتي قدما نقول لواحد مدلي الدراهم و يقولي ماعنديش هاذي الكلمة مانحملهاش يقولي اي حاجة الا كلمة ماعنديش .و الواحد يخليها على ربي و زيد اي واحد عندو شهرية يقول الحمد الله لانو راه خيرمن الف واحد امالا الي ماعندوش يروح يموت و لا واش

عميروش الحر · 2012-09-23, 21:53

هناك رد اخر
↓
↓

عميروش الحر · 2012-09-23, 21:54

احنا فالبيت حقيقة حوالي 4 ملايين تكفينا (2ملايين) فالكراء(مسكن البيع بالايجار) وفاتورات الماء والكهرباء و 2 ملايين للمصروف اليومي والمصاريف الاخرى .. كل مرة و كيفاش ولكن ربي فارجها حتى بدون ما نرتبو الميزانية ونديرو حسابات يعني ازدم برك..
.ولكن فالاكل قانعين الحمد لله يعني ناكلو عادي ماكانش تع اللحم والدجاج و مشتقاته و ما نشرطوش (مقارون سباغيتي لوبيا عدس وخلاص) و الا اذا ما كنتش حاب هاذيك الماكلة عندي 5 الاف نروح ناكل حاجة برا وما نقوللهمش علاش ما درتوش هادي ولا هادي ...
...ولكن كلنا متعاونين فالمصروف حتى انا لي ماشي خدام و الحمد لله جامي ما اقترضنا من الغريب و العكس من ذلك نعرفو واحد يخلص فالشهر اكثر من 10ملايين ويجي يقترض من عندنا هههههههه و نسلفولو ونقولولو اذا سحقيت ما تحشمش ههههههه
سبحان الله هاذي هي الدنيا

لينا الجنة · 2012-09-23, 23:39

السلام عليكم واش راك ليليا ختي لاباس

المشكل في مايعرفوش يسيروا و زيد تخلاج مصاريف مشها موجودة في الميزانية و كيما يقول المثل كل واحد ياكل على قد المغرف ( الملعقة ) نتاعه و انا شخصيا نحير في عائلات محدودة الدخل تحب تعيش كيما الميسورة و تحصل مع الدين و الامثلة كثيرة

و البركة في لقليل يعني ربة البيت دير ميزانية خاصة بالبيت و كل محتياجاته تاع الشهر و تحاول تقتصد و تستغني على الكماليات في الاكل و لا الحفاافة و لا حوايج من هكا و الحمد لله ناس زوالية عايشة خير من اللي لاباس عليهم

مسلم سني · 2012-09-24, 00:31

اقتباس:

المشاركة الأصلية كتبت بواسطة مبغض العلمانيين

كي يزيد نسميه بوزيد الحين انا عاطل و ليس لدي دخل و الحمد لله على كل حال واش راح ندير غير الصبر لي بقالي

السلام عليكم
ربي يفرج عليك إن شاء الله زيد اصبر ربي مافيه إلا الخير
احترماتي

مسلم سني · 2012-09-24, 00:34

السلام عليكم
لوكان الواحد يركز على الأمور الأساسية أكثر من الثانوية وكان قانعا بما لديه لربما لم تذمر ويتأفف ويقول المصروف ما يكفيش والله أعلم
أتمنى أن تكون أمورك بخير والوالدة الكريمة
احترماتي

karimblida · 2012-09-24, 01:21

الصوارد الحلال +العقلانية و عدم التزوير=البركة و الكفاية و الحمد لله على كل حال

مريم الصابرة · 2012-09-24, 09:41

اقتباس:

المشاركة الأصلية كتبت بواسطة soso sirin

ملي ولينا نقسمو في الشهرية و نديرو الحسابات الدراهم ماولاوش يكفو تقول حنا نحسبو و هوما ينقصو .حنا الحمد الله يا ربي كامل خدامين مي بابا قالهم ماتصرفوش معايا لمو دراهمكم و اشرو ديار و خرجو و هكا تتهناو و تهنوني. والله يا ليليا تعياي ديري في الميزانيات تتخرب تتخرب في التالي و ماعلاباليش علاه سوغتو كي يقواو الخدامين لانو هكا يا يولو يصرفو كامل يا يولي واحد يصرف و لخرين لالا.اصلا بابا قالنا انا كي ماكانش عندي مادرتش حسابي ضروك كي راني الحمد الله ندير حسابي قالنا هاذي طبقوها في دياركم ان شاء الله. منا للقدام بلاك ندير مميزانية في داري لانو انا حاجة مانكرهاش في حياتي قدما نقول لواحد مدلي الدراهم و يقولي ماعنديش هاذي الكلمة مانحملهاش يقولي اي حاجة الا كلمة ماعنديش .و الواحد يخليها على ربي و زيد اي واحد عندو شهرية يقول الحمد الله لانو راه خيرمن الف واحد امالا الي ماعندوش يروح يموت و لا واش

السلام عليكم اختي شكرا على المشاركة الطيبة
اكيد وسيلة هي لما تكوني في دار كبيرة وتحسي روحك مسؤولة ما تقدريش تتحكمي في ميزانية الجميع على الأقل في ميزانيتك تقدري وحتى في داركم تقدري تستغناي على الكماليات وتركزي على الضروريات والمرا الشاطرة تقدر توغر من مصروف دارها ما تحرم روحها وولادها وما تبذر المهم تعرف كيفاه توفر منهم على الأقل تعاون الزوج نتاعها بالستحفيظ على دراهم تعبو التبذير حرام ربي يوفقك ويرزقك الزوج الصالح

مريم الصابرة · 2012-09-24, 09:44

اقتباس:

المشاركة الأصلية كتبت بواسطة عميروش الحر

احنا فالبيت حقيقة حوالي 4 ملايين تكفينا (2ملايين) فالكراء(مسكن البيع بالايجار) وفاتورات الماء والكهرباء و 2 ملايين للمصروف اليومي والمصاريف الاخرى .. كل مرة و كيفاش ولكن ربي فارجها حتى بدون ما نرتبو الميزانية ونديرو حسابات يعني ازدم برك..
.ولكن فالاكل قانعين الحمد لله يعني ناكلو عادي ماكانش تع اللحم والدجاج و مشتقاته و ما نشرطوش (مقارون سباغيتي لوبيا عدس وخلاص) و الا اذا ما كنتش حاب هاذيك الماكلة عندي 5 الاف نروح ناكل حاجة برا وما نقوللهمش علاش ما درتوش هادي ولا هادي ...
...ولكن كلنا متعاونين فالمصروف حتى انا لي ماشي خدام و الحمد لله جامي ما اقترضنا من الغريب و العكس من ذلك نعرفو واحد يخلص فالشهر اكثر من 10ملايين ويجي يقترض من عندنا هههههههه و نسلفولو ونقولولو اذا سحقيت ما تحشمش ههههههه
سبحان الله هاذي هي الدنيا

السلام عليكم اخي
والله شكرا على ثقتك وصراحتك هذي هي حياتنا اليومية العجاجن والعدس واللوبيا ومنين ذاك جاج او لحم يعني مرة فالشهر او فالشهرين ممكن لانو انا نباتية و ما ناكلش اللحم ومشتقاته وكيما قلت اللي يخلص 10 ملاين يروح يتسلف على مول المليون والزوالي اللي تاعب في مالو ربي مطيح فيهم البركة ويكفوه كامل الشهر هي صح مخصوصة لكن الحمد لله عايشين وشعال اسر رباو ولادهم بالقليل وخرجو اطباء وأستاذة الله يبارك المهم الواحد يحمد ربي شكرا

مريم الصابرة · 2012-09-24, 09:46

اقتباس:

المشاركة الأصلية كتبت بواسطة لينا الجنة

السلام عليكم واش راك ليليا ختي لاباس

المشكل في مايعرفوش يسيروا و زيد تخلاج مصاريف مشها موجودة في الميزانية و كيما يقول المثل كل واحد ياكل على قد المغرف ( الملعقة ) نتاعه و انا شخصيا نحير في عائلات محدودة الدخل تحب تعيش كيما الميسورة و تحصل مع الدين و الامثلة كثيرة

و البركة في لقليل يعني ربة البيت دير ميزانية خاصة بالبيت و كل محتياجاته تاع الشهر و تحاول تقتصد و تستغني على الكماليات في الاكل و لا الحفاافة و لا حوايج من هكا و الحمد لله ناس زوالية عايشة خير من اللي لاباس عليهم

السلام عليكم اختي لينا والله بخير الحمد لله وإنت واهلك؟
راني معاك المصروف والميزانية في يد ربة البيت كان كانت المرا شاطرة تقدر توصل الشهرية حتى آخر الشهر بلاما يزيد راجلها يتسلف يعني يسبقو بالضروريات والتوفير فالماكلة يطيبو قيسهم ماكان لاه الماكلة هذيك حتى تروح للزبل حاشاك خسارة وحرام من فوق يعني توفر طيب على قد ما يقدرو ياكلو وتوفر وماكان لاه هذوك الكماليات التافهين بلا سبب ربي يرزقنا الصحة اسبق من كل شي شكرا

مريم الصابرة · 2012-09-24, 09:52

اقتباس:

المشاركة الأصلية كتبت بواسطة مسلم سني

السلام عليكم
لوكان الواحد يركز على الأمور الأساسية أكثر من الثانوية وكان قانعا بما لديه لربما لم تذمر ويتأفف ويقول المصروف ما يكفيش والله أعلم
أتمنى أن تكون أمورك بخير والوالدة الكريمة
احترماتي

السلام عليكم اخي اتمنى انك بخير والشاب يكون يتماثل للشفا كاش جديد على حالتو ؟
هذي هي لازم الأساسيات والميزانية في يد المرأة لأانو الراجل مهما يدير ما يعرفش يتصرف كيما المرا هي تعرف دارها مليح وتعرف طيابها ومقدروتها على هذا المرا الشاطرة حتى من مصروف الدار تخبي دير حساب للمرض وحساب الموت اللي يجي على غفلة يعني عيب الميت فالدار وتتسلف على الناس باه يتكفن لا الإنسان يدير حساب كل شي والمرض خاصة اللي عندو اطفال صغار فالدار يعني المرض يجي فجأة لو النسا فقط يستحفظو ويعاونو رجالهم هكذا تكون الميزانية معقولة
والله بخير خويا شويا يمى مريضة والله ما راني مليحة لو انا عادي والفت المرض لكن هي تمرض ما قدرتلهاش هذي ربي يكون فالعون شكرا اخي وراهي تبلغك السلام ودايما تسقسيني على وليد خوك ربي يشفيه إن شاء الله.

السي محمد · 2012-09-24, 09:53

انا بطال و اخي موظف و زوجته موظفة ايضا

ولكن هو يستلف مني

والغريب في الامر انه عندما يطلب يجد عندي مليون مليون و نص؟؟؟؟

ههههه

=========

عندما ازوره في بيته اجد كُل ما طاب و لذّ

و هذا الامر غير موجود في بيتنا

لن اخجل من قول انه لولا الضيوف و رمضان و العيد

لا نشتري الدجاج و اللحم إلا نادرا

مريم الصابرة · 2012-09-24, 10:04

اقتباس:

المشاركة الأصلية كتبت بواسطة karimblida

الصوارد الحلال +العقلانية و عدم التزوير=البركة و الكفاية و الحمد لله على كل حال

السلام عليكم اخي
هذي هي المعادلة بارك الله فيك شكرا.

مريم الصابرة · 2012-09-24, 10:07

اقتباس:

المشاركة الأصلية كتبت بواسطة السي محمد

انا بطال و اخي موظف و زوجته موظفة ايضا

ولكن هو يستلف مني

والغريب في الامر انه عندما يطلب يجد عندي مليون مليون و نص؟؟؟؟

ههههه

=========

عندما ازوره في بيته اجد كُل ما طاب و لذّ

و هذا الامر غير موجود في بيتنا

لن اخجل من قول انه لولا الضيوف و رمضان و العيد

لا نشتري الدجاج و اللحم إلا نادرا

السلام عليكم خويا محمد هههههههههه والله ضحكتني ربي يجازيك
شفت هذي هي ميزانيتهم التلفانة يعني في زوج يخدمو وما يكفوهمش ويتسلف عليك وزيد ياكل اللحم دايما على هذا ما تكفيهش شرهيتو صح لوما الضياف ما ناكلوش اللحم غير منين ذاك وانا نكره اللحم بزاف على هذا يمى برك ومنين ذاك تنفحلها في كاش ماكلة وتاكلها هي برك ههههههههه وانا حشيشة طالة معيشة يعني نورمال ناكل أي حاجة وشويا برك يعني الحمد لله حاجة الميزانية حتى لو ماكانش مي لما ربي يرزقك يكفونا نقسموهم حتى يكفونا كامل الشهر المشكل فالتريسيتي والما موفق ضحكتني ربي يرزق خدمة مليحة يا رب ويعوض عليك