اختي و الله مهما تتعبي في لا ميدسين تحسي بالبنة ، صح صعيبة شوي و فيها خدمة ، مي اللي داروها مشي خير منك راكي ماشاء الله سنة 3 كيمياء + باك 16
يعني اكيد و باذن الله تقدري للطب و زيد منبعد كي تكملي قرايتك في لا ميدسين و نهار كي تجي تتخرجي و تأدي " قَسَم الطبيب" تحسي بالفخر و الفرحة و الطمأنينة ، بلا منهدرو على دعوات المرضى لك بالخير طبعا اذا كنتي طبيبة مخلصة بمعنى الكلمة و انت كذلك ان شاء الله
لذا اذا حابة تدي برايي و تقراي ميدسن ، لازم تسمحي في الشيمي اورغانيك و متخافيش اعتبرها تجربة ناجحة راح تفيدك في الطب، اختي مع القانون الجديد لازم تسجلي غير ب باك واحد pa plus , لهذا اسحبي باك الي سجلتي بيه شيمي و ابداي ميدسين على بركة الله
و الله انا بصراحة امنيتي دراسة الطب ، فوتت باك 2011 نظامي جبت 15.00 و هذاك العام كانت la moyenne d’accès في لاميدسين 15.64 مالا سجلت بيولوجي من باب انها مشابهة في دراستها للطب و في نفس لوقت درت باك حر 2012 و جبتو 15.40 و هذا العام LA moyenne d'accès ta3 la médecine 15.49 ، ايماجيني 0.09 ابعدني عن حلمي !!! قدر الله و ما شاء فعل ، وجهوني صيدلة و كي رجت نسجل قالولي اسحبي باك لي سجلتي بيه بيولوجي باسك ممنوع تسجلي ب 2 باك و لوكان يفيقولك ينحوهملك les 2 ، انا سمحت في الصيدلة لانها لم تكن يوما ضمن ميولي ، معلاباليش اذا تصرفت صح ، بصح مقدرتش نسمح في عام قراية و تعب في البيولوجي مقابل اني نقرا صيدلة الفرع الذي لم يخطر يوما على بالي ، بالاضافة الى اني منتقلة الى السنة 2 بيو ، و بصدد اعادة باك 2013 و لكني خائفة و مترددة نوعا ما ، من ان يحصل لي ما حصل منذ سنتين ، و مترددة من اجتياز الباك لثالث مرة على التوالي و خاصة مع الوزير الجديد
دعواتكم لي اخوتي في الله فدعوة المسلم لاخيه بظهر الغيب مستجابة باذن الله و هي صدقة لكم
وفقنا و وقفكم المولى الى ما يحبه و يرضاه
( تقرير عن مشاركة سيئة )، و الموجودة أسفل كل مشاركة .
2012-09-21, 13:40
العرض المتطور
