انا بين ماما و طموحي

مسلم سني · 2012-09-20, 23:45

السلام عليكم
لماذا داما تربطون المرأة العاملة بأنها ضيعت حقها في الزواج والإنجاب ولهذا لدي سؤال
ماذا تقولون في التي تمتاز باخلاق عالية ومستعدة عن تتخلى عن عملها لكن كما يقولو مكتوبها مازال هي تنتظر لكن لم يدق باب بيتها أحد رغم عفتها أليس العمل لها ضروريا مثلا؟
لست لا مدافعا ولا ضد عمل المرأة أنا مع ما أراه وما تفرضه الظروف أحيانا فهي لاتترك للواحد منا خيارا في كثير من الأحيان
أما التي تفضل عملها على الزواج فهن قليلات كوني متأكدة وفي كثير من الأحيان تتشبث المرأة بعملها لأن الفرصة التي جاءتها لم تخدمها كما ينبغي أم أنها ستقبل بأي واحد يطرق بابها؟
هذا رأيي والله أعلم
احترماتي لك أختي سوسوسيرين

soso sirin · 2012-09-21, 00:20

اقتباس:

المشاركة الأصلية كتبت بواسطة مسلم سني

السلام عليكم
لماذا داما تربطون المرأة العاملة بأنها ضيعت حقها في الزواج والإنجاب ولهذا لدي سؤال
ماذا تقولون في التي تمتاز باخلاق عالية ومستعدة عن تتخلى عن عملها لكن كما يقولو مكتوبها مازال هي تنتظر لكن لم يدق باب بيتها أحد رغم عفتها أليس العمل لها ضروريا مثلا؟
لست لا مدافعا ولا ضد عمل المرأة أنا مع ما أراه وما تفرضه الظروف أحيانا فهي لاتترك للواحد منا خيارا في كثير من الأحيان
أما التي تفضل عملها على الزواج فهن قليلات كوني متأكدة وفي كثير من الأحيان تتشبث المرأة بعملها لأن الفرصة التي جاءتها لم تخدمها كما ينبغي أم أنها ستقبل بأي واحد يطرق بابها؟
هذا رأيي والله أعلم
احترماتي لك أختي سوسوسيرين

و عليكم السلام.و الله يا خويا عبد الشافي الا راني شايفتهم قدامي الخدمة هي الاولى تحسب رايحة دخلها للجنة انا مانيش نهدر على الي الله غالب عليها مازال ماجاهاش مكتوبها هاذيك حاجة وخدخرى انا نهدر على بنات جاوهم رجال مي قاتلك انا مانحبسش الخدمة . و انا تاني ماهدرتش على الي عندها ظروف و لازم تخدم هاذيك تاني الله غالب عليها.مي مرات لبنات يضيعو من يديهم شي فرص نوغمالمو مايتضيعوش على جال الخدمة و المشكل كون غير خدمة مضمونة.و انا ضد فكرة انو الطفلة تتزوج غير باه يقولو انو تزوجت لانو هاذي حياة كاملة ماشي يومين و راجعة لدار باباها.والله نحترم رايك خويا و شكرا على الرد

assia81 · 2012-09-21, 00:29

نحمد ربي ونشكرو انو مدلي عمل محترم اعيش منه ولست مستعدة اني نتنازل عليه لناس مايستهلوش لحلب يخدم يروح يبيع الخضرة في السوق يعيش بها روحو ولي بلاها ربي وقبلت تزوج بيه

soso sirin · 2012-09-21, 00:40

اقتباس:

المشاركة الأصلية كتبت بواسطة assia81

نحمد ربي ونشكرو انو مدلي عمل محترم اعيش منه ولست مستعدة اني نتنازل عليه لناس مايستهلوش لحلب يخدم يروح يبيع الخضرة في السوق يعيش بها روحو ولي بلاها ربي وقبلت تزوج بيه

شكرا اختي اسيا على الرد و هاذي حاجة باينة الواحد مادام ربي مدلو نعمة يشكر ربي ليل و نهار عليها لانو راه اختارو من بين الناس كامل و مدهالو.مي باه تفهميني مليح تخيلي كون انتي و خوك للزوج قريتو في الجامعة و عندكم نفس المؤهلات فوتو كونكوغ انتي فتي و هو لالا انتي بديتي تخدمي و هو مسكين دايمن يفوت و مايربحش و يربحو غير لبنات هنا خوك كيفاش راح يحس زيديلها المشكل هذا ماشي غير تاع خوك تاع الرجال بصفة عامة .انتي درتي الدراهم و الحمد الله و هو مازال مادار حتا حاجة وصلتو لوحد الاج بعيد الشر عليك اختي هذا مجرد مثال و ان شاء الله ربي يرزقك براجل يصونك مي انتي مالقيتيش الراجل الي يوالمك لانو مكانش الي راه يربح من الرجال الا القليل و رنتي عندك الدراهم و الحمد الله و خوك ماصابش الي تقبل بيه لانو ماعندوش خدمة ثابتة .انتي واش ديري بالدراهم و هو واش ذنبو انو يبقى بلا خدمة.انا مانيش نقول انو النساء راهم هوما الي دارو ازمة البطالة مي هوما و السياسة العوجة تاع التوظيف باه تلقاي النسا كامل خدامات و الرجال مريحين هاذ=ي فيها ان و ماتقوليليش ماشي قاريين والله غير متخرجين من الجامعة

assia81 · 2012-09-21, 01:02

اقتباس:

المشاركة الأصلية كتبت بواسطة soso sirin

شكرا اختي اسيا على الرد و هاذي حاجة باينة الواحد مادام ربي مدلو نعمة يشكر ربي ليل و نهار عليها لانو راه اختارو من بين الناس كامل و مدهالو.مي باه تفهميني مليح تخيلي كون انتي و خوك للزوج قريتو في الجامعة و عندكم نفس المؤهلات فوتو كونكوغ انتي فتي و هو لالا انتي بديتي تخدمي و هو مسكين دايمن يفوت و مايربحش و يربحو غير لبنات هنا خوك كيفاش راح يحس زيديلها المشكل هذا ماشي غير تاع خوك تاع الرجال بصفة عامة .انتي درتي الدراهم و الحمد الله و هو مازال مادار حتا حاجة وصلتو لوحد الاج بعيد الشر عليك اختي هذا مجرد مثال و ان شاء الله ربي يرزقك براجل يصونك مي انتي مالقيتيش الراجل الي يوالمك لانو مكانش الي راه يربح من الرجال الا القليل و رنتي عندك الدراهم و الحمد الله و خوك ماصابش الي تقبل بيه لانو ماعندوش خدمة ثابتة .انتي واش ديري بالدراهم و هو واش ذنبو انو يبقى بلا خدمة.انا مانيش نقول انو النساء راهم هوما الي دارو ازمة البطالة مي هوما و السياسة العوجة تاع التوظيف باه تلقاي النسا كامل خدامات و الرجال مريحين هاذ=ي فيها ان و ماتقوليليش ماشي قاريين والله غير متخرجين من الجامعة

لو كان اخي لتنازلت له عن كل شيء اما باقي الرجال فلن افعل لانني لم اعد اثق في احد وهوما مستهلوش كل واحد يعوم في بحرو وانا وش راحا نديرلهم ان يتقوا الله يجعل لهم مخرجا

~~Terrified-dz~~ · 2012-09-21, 14:13

اقتباس:

المشاركة الأصلية كتبت بواسطة assia81

لو كان اخي لتنازلت له عن كل شيء اما باقي الرجال فلن افعل لانني لم اعد اثق في احد وهوما مستهلوش كل واحد يعوم في بحرو وانا وش راحا نديرلهم ان يتقوا الله يجعل لهم مخرجا

انت استادة جامعية و دو مستوى عالي تتكلمي بهده الطريقة و الله العظيم مستواك التربوي 0000000000
و النساء كيما انت يموتوا بايرات الرجل موجود و لكن ما يحوش على وحدة لسانها طويل

اسلام انس · 2012-09-21, 15:11

انا ضــــــــــــــــد عمل المــــــــــــــــراة........المراة بلاصتها في الــــــــــــــــدار وعند اولا دها

واش مــــــــــــن مــــــــــــــــــراة لي تـــــــــــــظل خارجه وداخــــــــــــــــــله.............ولالالالالالا لالالا

soso sirin · 2012-09-21, 15:55

اقتباس:

المشاركة الأصلية كتبت بواسطة السي محمد

الله يعلم انا كنت حاسبك عاطلة

لالا بحال نخدم

اقتباس:

المشاركة الأصلية كتبت بواسطة asosa

انا منعارضش فكرة عمل المراة ولكن لعمل المراة حدود ملازمش تتجاوزها يعني خدمتها لازم يكون راضي الزوج نتاعها عليها ومتكونش مهملة جانب على جانب اخر

عمل المراة يا اسوسة اختي كل واحد و كيفاه يشوفو مي والله كاين حالات الا يبكو الحجر و شكون هي الخاسرة المراة في الاول و الذراري تاني مساكن .المراة تولي تخدم خدمة الراجل و المراة في نفس الوقت و مايوليش عندها الوقت حتا روحها مسكينة سوغتو اذا تلاقات مع راجل راقد كامل في الخط و التالية تاعها يا تمرض يا تهبل من كثرة الضغوطات.و تاني الذراري والله الا يترباو في ليكغاش صح كاين الي يجو ماشاء الله مي كاين حاجة ناقصة عندهم.ربي يهدينا للشي الي فيه الفايدة ان شاء الله

اقتباس:

المشاركة الأصلية كتبت بواسطة بن عمير 22

انا ضــــــــــــــــد عمل المــــــــــــــــراة........المراة بلاصتها في الــــــــــــــــدار وعند اولا دها

واش مــــــــــــن مــــــــــــــــــراة لي تـــــــــــــظل خارجه وداخــــــــــــــــــله.............ولالالالالالا لالالا

ايه المراة بلاصتها في الدار و حتا و تكون عندها شهادات بالجملة مي لازم الراجل يدير الي عليه تاني و مايحسسهاش انو راه داير فيها خير لانو المراة الشي الي تمدولها رايحة ترجعولك معنتها اذا مديتلها الامان و الثقة رايحة تمدلك دار فيها الاستقرار و ذراري ماشاء الله و العكس ماشي معنتها يدير المراة في الدار و هو يخرج وقت مابغى و يدخل وقت مابغى و مايقيمهاش كامل .الشي الي راه صاري ضروك بين المراة و الراجل سبابو انعدام الثقة

فتـ حييةـاة · 2012-09-21, 00:50

اقتباس:

المشاركة الأصلية كتبت بواسطة assia81

نحمد ربي ونشكرو انو مدلي عمل محترم اعيش منه ولست مستعدة اني نتنازل عليه لناس مايستهلوش لحلب يخدم يروح يبيع الخضرة في السوق يعيش بها روحو ولي بلاها ربي وقبلت تزوج بيه

تصدقي لو نقولك اني نقبل نتزوج بواحد يبيع الخضرة ويقولي ريحي فالدار ومانقبلش بدكتور فالجامعة ويقولي لازم تخدمي ؟؟؟
كل وحدة وكيفاش تشوف للموضوع هذا لايعني اني لم احترم رايك وانما مابغيتش منك كلمت بلاها ربي
كاين بزااف نساء متزوجين بلي يبيعو الخضر وعايشين ومستورين ولله الحمد ::::::::: لما يكون زوج صالح ويخاف ربي فيها صدقيني حتى لو كان بطااال تعيش معاه زوجته السعادة
لهذا مالازمش نحكمو على الناس من خلال مناصبهم فقط
في امان الله اختي

assia81 · 2012-09-21, 01:10

اقتباس:

المشاركة الأصلية كتبت بواسطة فتـ حييةـاة

تصدقي لو نقولك اني نقبل نتزوج بواحد يبيع الخضرة ويقولي ريحي فالدار ومانقبلش بدكتور فالجامعة ويقولي لازم تخدمي ؟؟؟
كل وحدة وكيفاش تشوف للموضوع هذا لايعني اني لم احترم رايك وانما مابغيتش منك كلمت بلاها ربي
كاين بزااف نساء متزوجين بلي يبيعو الخضر وعايشين ومستورين ولله الحمد ::::::::: لما يكون زوج صالح ويخاف ربي فيها صدقيني حتى لو كان بطااال تعيش معاه زوجته السعادة
لهذا مالازمش نحكمو على الناس من خلال مناصبهم فقط
في امان الله اختي

ربي يرزقك الزوج لي بيع الخضرة وتوكوني معاه هانية
مع انني لم اعب المهنة بل عبت الرجال الذين ضاعت رجولتهم

~~Terrified-dz~~ · 2012-09-21, 01:51

اقتباس:

المشاركة الأصلية كتبت بواسطة assia81

ربي يرزقك الزوج لي بيع الخضرة وتوكوني معاه هانية
مع انني لم اعب المهنة بل عبت الرجال الذين ضاعت رجولتهم

واش بيه ليبيع الخضرة يا استادة حتى لي يعرق بجبينو تعايبوه منك لله على هدا الكلام اما الرجال موجودين و لكن لا تستاهليهم لان الرجل لا يرى الخير في العاملة المختلطة بالرجال
راكي ربحتي دعوة من عندي ان شاء الله ................علجال تحقيرك للرجل و بائع الخضر

فتـ حييةـاة · 2012-09-21, 14:50

اقتباس:

المشاركة الأصلية كتبت بواسطة assia81

ربي يرزقك الزوج لي بيع الخضرة وتوكوني معاه هانية
مع انني لم اعب المهنة بل عبت الرجال الذين ضاعت رجولتهم

آآمين وانا هذاك علاش نحوس الهنا هو كلشيء ::: شكرا

الواثق · 2012-09-21, 14:56

اقتباس:

المشاركة الأصلية كتبت بواسطة فتـ حييةـاة

تصدقي لو نقولك اني نقبل نتزوج بواحد يبيع الخضرة ويقولي ريحي فالدار ومانقبلش بدكتور فالجامعة ويقولي لازم تخدمي ؟؟؟
كل وحدة وكيفاش تشوف للموضوع هذا لايعني اني لم احترم رايك وانما مابغيتش منك كلمت بلاها ربي
كاين بزااف نساء متزوجين بلي يبيعو الخضر وعايشين ومستورين ولله الحمد ::::::::: لما يكون زوج صالح ويخاف ربي فيها صدقيني حتى لو كان بطااال تعيش معاه زوجته السعادة
لهذا مالازمش نحكمو على الناس من خلال مناصبهم فقط
في امان الله اختي

ومن قال ان بيع الخضرة لايدر مالا ...................ماصحتناش برك ................احنا ثاني نحوسو على وحدة تعرف تنقي الخضرة ماشي تمسح السبورة

assia81 · 2012-09-21, 18:34

اقتباس:

المشاركة الأصلية كتبت بواسطة الواثق

ومن قال ان بيع الخضرة لايدر مالا ...................ماصحتناش برك ................احنا ثاني نحوسو على وحدة تعرف تنقي الخضرة ماشي تمسح السبورة

فعلا اضحكني ردك
وشكون لقالك بلي لتمسح السبورة متعرفش تنقي الخضرة لمعلوماتك فانا اتقن اعمال البيت والطبخ احسن من الماكثات في البيت ماجتش في قعدة تاع الدار جات في الاتقان وكثيرات من هن ماكثات في البيت لا يتقن عملهن

سعاذ · 2012-09-21, 20:29

السلام عليكم
اختي انا حبا نهدر على عدة نقاط
اولا على لي يقولوا بلي كي تتعلق لاليست تاع الناجحين طفلة ديما هي لي تنجح خاطر هي طفلة انا نقول صح ذكور راهم مصعبيله في الخدمة على جال العسكر و هذي حجا صح تغيض و انا واحدة نتمنى ديما نشوف لولاد يخرجوا في لاليست اكثر من لبنات
بصح حبيت نقول بلي لوكان تشوفوا كي يحطوا الدوسي او كي يعقبوا تلقاو في 50 مراة 1 رجل فمن الطبيعي ان نصيب لبنات يكون اكثر
حجا الثانية انا منى مع مراة العاملة او الماكثة في البيت كل واحدة و قنعتها و طريقة تفكيرها و ظروفها,انا واحدة من الناس الخدمة ضرورية بالنسبة ليا قبل الزواج اما بعد الزواج على حساب الظروف فمن المستحيل نهمل اسرتي و اولادي او نعادي زوج تاعي على جال الخدمة
والحمد الله هذا الشرط مرهوش في القائمة الشروط المهم الرجل الصالح لي يخاف ربي فيا
دمتم في رعاية الله و حفظه