هذا الموضوع لاحدى الاخوات في منتدى اخر
تارتولات بالفواكه
المكونات
عجينة الصابلي
300 غ فرينة
175 غ زبدة او مارغارين بدرجة حرارة الغرفة
3مغارف كبار سكر ارطب
رشة ملح
2 صفار بيض
الكرام باتيسيير
حبة بيض
مغرف كبيرة ونص سكر
فانيلا
مغرف كبيرة ونص نشا
كاس حليب
مغرف كبيرة زبدة
الطريقة
نحضر العجينة ونبسطها مباشرة في القوالب مانحلوهاش بالحلال ( العجينة هشوشة ياسر وتتفتت)
ونثقبها بالشوكة وندخلها لفرن مسخن مسبقا على 200 ونراقبها كي تحمار نخرجها من الفرن وبعد ماتبرد ننزعها من القوالب
نخبط حبة البيض مع السكر والفانيلا والنشا بالفوي ومن بعد نسخن كاس الحليب ونضيفو تدريجيا لخليط البيض ونعاود نرجعو للنار كي تبدا تتماسك نبعدها من على النار ونحطها في وعاء عادي ونضيفلها مغرف زبدة ونواصل الخلط باش تجي خفيفة
نعمر التارتولات بالكريمة ونزيتها بالفواكه على حسب الرغبة وندهن الفاكهة بقطر مركز او لا جولي باش ماتسودش
ملاحظة بمقادير العجينة تجيك كمية كبيرة تقدري تديري النص فقط او تخبيها في المجمد ونهار تحتاجي العجينة تعاودي تجبديها ما يصرالها والو
آمل ان اكون قد ساعدتك
ماتنساينيش عرضيني للعرس ههههه
ربي يفرحك و يهنيك ان شاء الله
( تقرير عن مشاركة سيئة )، و الموجودة أسفل كل مشاركة .
2012-09-20, 19:21
العرض المتطور
