تفضلو مرحبا بيكم عندي

وفاء سعاد · 2012-09-08, 07:37

الله يبارك الصالو نتاعك يهبل زيديلو ليفينق برك في الشوكة وخلاص وحابة نسقسيك علي الكاش ريدو لكان خيطتيه ولا شريتيه وبقداه سقاملك ولكان شريتيه منين وشكرا

ام احمد وصال · 2012-09-12, 11:32

اقتباس:

المشاركة الأصلية كتبت بواسطة وفاء سعاد

الله يبارك الصالو نتاعك يهبل زيديلو ليفينق برك في الشوكة وخلاص وحابة نسقسيك علي الكاش ريدو لكان خيطتيه ولا شريتيه وبقداه سقاملك ولكان شريتيه منين وشكرا

وفيك بركة عندك الحق انا حابة نزيد فيه مكتبة في الحيط المقابل للفوتاي وكذلك وحدة تاع التلفاز و طابلة تاع اربع كراسة في النصف ربي يقدرنا على هذو الحوايج وحدة بوحدة انشاء الله اما بخصوص الكاشريدو شريتو او بالاحرى خيطتو عند وحد الحانوت هنا في سطيف في حي 500 مسكن هو والريدو كلش من عندو اي الكاشريدو و الريدو مخيطين واجدين وسومة الواحد مليون و ثلاثمائة نتمنى راني جاوبتك وفهمتي اسمحيلي لاني طولت عليك و الله غير مرضلي الطفل وشيطني معاه راه ينبت في الضروس ربي يشفيه انشاء الله

وفاء سعاد · 2012-09-12, 11:40

يعطيك الصحة اختي اماني درك نشوف هنا في قسنطينة ونخدم كيفو وربي يكملك وتعمري الصالو انتاعك وابنك اصبري عليه لانهم كي يعودو ينوضو في الضروس النفسية انتاعهم تتبدل وبوليو غير يبكيو من الالم اللي يعانيو فيه شبعيه حنان ومع الدواء باش يقدر يقاوم وكلش يفوت وربي يشفيه وشكرا

ام احمد وصال · 2012-09-12, 13:51

اقتباس:

المشاركة الأصلية كتبت بواسطة وفاء سعاد

يعطيك الصحة اختي اماني درك نشوف هنا في قسنطينة ونخدم كيفو وربي يكملك وتعمري الصالو انتاعك وابنك اصبري عليه لانهم كي يعودو ينوضو في الضروس النفسية انتاعهم تتبدل وبوليو غير يبكيو من الالم اللي يعانيو فيه شبعيه حنان ومع الدواء باش يقدر يقاوم وكلش يفوت وربي يشفيه وشكرا

انشاء الله وليك انت ثاني هادو هوما الاولاد وكيما يقول المثل مايكبر راس حتى يشيب راس راني معاه ساعة نحنن عليه و ساعة نتقلق وزيد وحدي ماكانش الي يعاوني فيه ومع اختو ثاني ربي يجيب الصبر انشاء الله حبيت نقدملك نصيحة لكان خيطتي مثل هذا المودال ننصحك مديريش الحاشية كيما نتاعي ديريها سامبل اي بالفتول لانو تاعي نصهم طارو وزيد معاهم مشكل عند الغسيل

وفاء سعاد · 2012-09-12, 17:55

اقتباس:

المشاركة الأصلية كتبت بواسطة اماني السلام

انشاء الله وليك انت ثاني هادو هوما الاولاد وكيما يقول المثل مايكبر راس حتى يشيب راس راني معاه ساعة نحنن عليه و ساعة نتقلق وزيد وحدي ماكانش الي يعاوني فيه ومع اختو ثاني ربي يجيب الصبر انشاء الله حبيت نقدملك نصيحة لكان خيطتي مثل هذا المودال ننصحك مديريش الحاشية كيما نتاعي ديريها سامبل اي بالفتول لانو تاعي نصهم طارو وزيد معاهم مشكل عند الغسيل

عندك الحق علي الحاشية انا تاني عندي غلافات تاع المطارح كل دقيقة يطير منهم الخيوط كرهوني خاصة وانو تاع الدار يحبو يقعدو في الصالون رادوهولي مايشافش وهدا كامل باباهم حاطلي الميكرو انتما رغم انه عندي البيوت بزاف وربي يعاونك انا كي كانو ولادي مراض نروح لدارنا باش يعاونوني فيهم وشكرا