كل مايخص الخدمة الوطنية نجده هنا

[djalel3000]

انا من مواليد 12-02-1989 عندي ماستر 2وتأجيل حتى ديسمبر وعندي 2استدعائات قدم كاش حل عندي خويا نفس الحالة مي من مواليد 1987 وخدام هو وانا عندي شهادة العمل

[blankouse]

اخي الكريم انا جاتني لوردابال للمدرسة التطبيقية لمدفعية الميدان بابوسعادة اخي الكريم ماهي نسبة الاعفاء عندي مع العلم بااني ضعيف فالنظر -5-5 انا عندي نظرات المشكلا انوا صاحبي قالي بلي اصحاب النظرات راهم يدوهم هل نروح بلا نظرات و لا نديهم و هل تكون فيها امكانية الحصول عل اعفاء من عند طبيب المدرسة

[ghimouz]

ايها الاخوة اريد اعانة منكم ....... انا خرجلي استدعاء الاول في 22/09/2012 لبوسعادة......... و بما اني مشارك في عدة مسابقات قررت مانروحش ولكن حاب نعرف اذا مانجحتش هل استطيع الذهاب اليهم باش اخرجولي استدعاء اخر في مارس مع العلم انا متخرج 2011 و مانيش حاب نضيع الوقت....... اجيبوني من فضلكم باسرع وقت و شكرا هناك امر اخر انا درت عملية جراحية على الركبة و السيكاتريس كبيرة 22 حبة و عندي الوثائق تاع العملية كاملة و لكن خايف لا نروح نريسكي و يحكموني ماهي نسبة الاعفاء في مثل حالتي و بارك الله فيكم و ربي يفرج على الجميع ان شاء الله

[youcef_1989]

السلام عليكم
عندي سؤال وهو هل يمكن قبول ملف الاعفاء من الخدمة الوطنية بعد مجيء الاستدعاء الثاني مع العلم ان معه امر بالالتحاق

[الربيع الزاحف]

المشاركة الأصلية كتبت بواسطة ghimouz

ايها الاخوة اريد اعانة منكم ....... انا خرجلي استدعاء الاول في 22/09/2012 لبوسعادة......... و بما اني مشارك في عدة مسابقات قررت مانروحش ولكن حاب نعرف اذا مانجحتش هل استطيع الذهاب اليهم باش اخرجولي استدعاء اخر في مارس مع العلم انا متخرج 2011 و مانيش حاب نضيع الوقت....... اجيبوني من فضلكم باسرع وقت و شكرا هناك امر اخر انا درت عملية جراحية على الركبة و السيكاتريس كبيرة 22 حبة و عندي الوثائق تاع العملية كاملة و لكن خايف لا نروح نريسكي و يحكموني ماهي نسبة الاعفاء في مثل حالتي و بارك الله فيكم و ربي يفرج على الجميع ان شاء الله

العملية الجراحية ماراحش يدوك كون مهني ادي دوسيي لمركز الخدمة الوطنية باش دير كونتر فيزيت وزيد عليها العبها ما تمشيش مليح و راهي توجع فيك يتلقوك 100/100

[imad3400]

سالتحق بالثكنة في 22سبتمبر وعندي ملف طبي نقص الرؤية هل اخذ معي النظارات الطبية ام لا لأن رؤيتي -5/10 ارجو منكم اجابة عاجلة لان الوقت لم يبقى الا ايام والتحق

[ghimouz]

المشاركة الأصلية كتبت بواسطة الربيع الزاحف

العملية الجراحية ماراحش يدوك كون مهني ادي دوسيي لمركز الخدمة الوطنية باش دير كونتر فيزيت وزيد عليها العبها ما تمشيش مليح و راهي توجع فيك يتلقوك 100/100

شكرا اخي على الاجابة ولكن هل تقصد الثكنة لي بعثوني ليها ولا مركز الخدمة الوطنية لانو في هذه الاخيرة راح اقولولي او خرجلي استدعاء روح ادفع الملف تاعك في الثكنة لي بعثوك ليها و انا اصلا مادرتش الفح الطبي الاول...... بماذا تنصحني اخي نتكل على ربي و نروح للثكنة ندفع الدوسي؟ ام ماذا... و بارك الله فيك

[BigM60]

سؤال

هاتف نقال كي دخل التكنة يدوه عليك ختى انقضاء مدة تدريب و لا يخلوه عندك انصحوني

[instrumentiste]

أنضر 2/10 هل أستفيد من الإعفاء
لقد حصلت على شهادة مهندس في جوان 2012
أستفيد من تأجيل إلى غاية 31 / 12 / 2012

[general major]

المشاركة الأصلية كتبت بواسطة bigm60

سؤال

هاتف نقال كي دخل التكنة يدوه عليك ختى انقضاء مدة تدريب و لا يخلوه عندك انصحوني

سؤال مهم نرجو من الاخوة الاجابة

[oukikou1]

انا جاوني 2 لوردابال بصح راني نقرا ودرتلهم سورسي دوك نقدر ندير كفالة على الجدة ديالي
الله يجازيكم ا

[h4ni]

المشاركة الأصلية كتبت بواسطة oukikou1

انا جاوني 2 لوردابال بصح راني نقرا ودرتلهم سورسي دوك نقدر ندير كفالة على الجدة ديالي
الله يجازيكم ا

الكفالة لا توجد على الجد او الجدة
فقط الوالدين و الاخوة

[BigM60]

المشاركة الأصلية كتبت بواسطة general major

سؤال مهم نرجو من الاخوة الاجابة

افيدونا هل تسطيع استعمال هاتف و لا لا

[ghimouz]

اخي هاني اجبني من فضلك..... جاني استدعاء في سبتمبر هذا و هو الاول و انا عندي عملية على الركبة و الاثر واضح و كبير هل تنصحني ان اذهب و اضع ملفي في الثكنة التي ارسلوني ليها ولا انتظر حتى اكتوبر مع العلم اني لم اقم بالفحص الطبي كي دارو الاعلان......... اجبني من فضلك و بارك الله فيك اخي

[mus000]

المشاركة الأصلية كتبت بواسطة bigm60

افيدونا هل تسطيع استعمال هاتف و لا لا

هاتف في مدة التدريب القاعدي 45 يوم تقريبا ممنوع يأخودون هاتف عليك
هناك بعض ثكنات بمجرد دخولك للثكنة يأخد منك الهاتف و هناك بعض ثكنات حتى تلبسو يأخدون الهاتف