هل أخطأت؟

[مريم تعود]

المشاركة الأصلية كتبت بواسطة sarl02

عموما كل شيء بالمكتوب لكن بصراحة اذا راطيتي هذه الفرصة راكي ضيعتي اي امل لك في تحسين حالك واحوالك.

السلام عليكم اخي اكيد كل شي بالمكتوب
لا علاش ضيعت فرصة لدنيا مازالها طويلة وانا قررت ما نتزوجش نعالج وإن شاء الله نبرا ونلقى خدمة ونعين امي وما نتزوجش نتكفل بنفسي وبأمي يكفيني شكرا

[مريم تعود]

المشاركة الأصلية كتبت بواسطة lidouch

يا مريومه واش بيك متعرفيش لبنات هذي باينه حابه تخرب بينكم مالا متعطيهاش فرصه و زيدي قوليلو على القصه

السلام عليكم اختي بارك الله فيك وشكرا
لا اختي واجهتو وما ننكرش وانا كنت نلقاه اوناتوند ويوقلي الخدمة ومرات نحكي معاه نسمع مرا تهدر معاه يقولي تخدم معايا خلاص اختي المكتوب حبس الله غالب بارك الله فيك

[السي محمد]

ايه عرفتك اختي مريم

و راني بعثت لك امانة صغيرة

الله غالب تعرفيني بدون عمل


في المساء تقدري تسحبي

[مريم تعود]

المشاركة الأصلية كتبت بواسطة بلقاسم 1472

الخير فيما اختار الله أختاه
ربي يتمم لك خيرا أو يعوضك خيرا
استعيني على أمرك بالدعاء

السلام عليكم اخي بلقاسم بارك الله فيك
اكيد ربي ما كتبش وربي يعوضلي بصحتي شكرا وربي يخليك

[مريم تعود]

المشاركة الأصلية كتبت بواسطة السي محمد

ايه عرفتك اختي مريم

و راني بعثت لك امانة صغيرة

الله غالب تعرفيني بدون عمل


في المساء تقدري تسحبي

السلام عليكم خويا محمد شكرا وباكر الله فيك لا علاش بعثت انا بعثتولك لانك قتلي نوكل عليك ربي كان تحتاجي لحاجة انا صح كنت محتاجة فاليوم اللي مرضت فيه الوالدة لكن الآن لا خلاص لذريق ساعدني ربي يخليك خويا والله ما لقيت ما نقولك المهم نخليهم عندي وإبعثلي رقم حسابك الخاص نردلهملك إنت راك بلا عمل والله لوما وكلت عليا ربي ما نبعثلك والله ما لقيت واش نقولك شكرا وربي يجازيك

[مريم تعود]

المشاركة الأصلية كتبت بواسطة لست بحاقد لكن سأنتقم

يا مريم لا تعمري راسك بالاوغاد

السلام عليكم اخي بارك الله فيك واش نديرو خويا الحمد لله عندنا رب عادل وحاكم وقادر عليهم شكرا

[سميحة.لد]

اختي الكريمه انت ادرى بطبيعة هذا الشخص ......اذا كان شايفه بلي يستاهل تكملي معاه كملي ويدا شايفه بلي ماهوش متمسك بيك صح وقادر مره اخرى يضيعك او يدوم في علاقتو معاها خاصة انها معاه في نفس المكان فالانسحاب احسن ....والي خلق مايضيع ... واستخيري ربي والله ميضيعك ...

[madoucha]

لا تفسخي تمسكي به اذا التمست فيه صفات جيدة بعض الرجال تلقاهم ملاح بصح النساء يدورو بيهم و علابالكم المراة نقطة ضعف الرجل لازم تحاولي تكسبيه
نزيد نقلك معظم الرجال خانو زوجاتهم مايبانش برك عليهم الامهم لا يصل الامر الى الخيانة الجسدية او الزنا و العياذ بالله

[warda16]

rayi houwa salat elistikhara

[amina2688]

المشاركة الأصلية كتبت بواسطة مريم تعود

السلام عليكم اختي امينة بارك الله فيك على ردك
صح هو خطبني وسقسيتو كان بموافقتو او امو فرضت عليه قالي باللي هو اللي طلب منهم يخطبوني لكن اختي خلاص واجهتو وقالي كنت معاها ونعرفها وتخدم معاه الثقة راحت وزيد يا اختي بعد ما خطبني كمل العلاقة معاها واش ندير بيه حتى لو فرضا هي فاسدة وما يحقليش نقول عليها هكذا ربي يسهل عليها لكن كان من المفروض يكون راجل وما يوصلش لهذوك المواقف وحتى وين توصل تجيني للدار خلاص ما بقا والو والله امي قالت الراي رايك وإنت حرة وأمو اليوم تجي واهلو نرجعلو خاتمو وخلاص ربي يهنيه وهكذا يروح ليها وكل شي بالمكتوب
بارك الله فيك اختي شكرا

واش راح نقلك اختي الغالية انت معايشة الظروف وادرى بيه

نقلك ربي يرشدك للطريق الي فيه الخير يارب،ويعوضك لما فيه خير لك

فهمت من بعض ردودك انك مريضة،ربي يشفيك ان شاء الله ونتمنى ما تكونش

حاجة كبيرة

.................................................. ..............

.................

سلامي الحار

[الملهمة]

كان الله في عونك اختي مشكلتك صح صعيبة اكيد انت اتخذتي قرارك اذا راكي متاكدة انو حتى بعد الخطبة كان لا يزال على علاقة بها ؟؟؟ماوضحتيش هو كيفاه دافع على نفسو ؟؟؟؟؟ اذا جات ليك هاذي الطفلة برايها بدون دفع منه فاعلمي انو حب يبعد عليها وهي حابة تفلط عليكم المهم احسن حاجة انك تسمعيلو تتحقي مليح ا....وانت وقدرة تحختيملك ...ربي يصبرك ا

[مريم تعود]

المشاركة الأصلية كتبت بواسطة ladji25

اختي الكريمه انت ادرى بطبيعة هذا الشخص ......اذا كان شايفه بلي يستاهل تكملي معاه كملي ويدا شايفه بلي ماهوش متمسك بيك صح وقادر مره اخرى يضيعك او يدوم في علاقتو معاها خاصة انها معاه في نفس المكان فالانسحاب احسن ....والي خلق مايضيع ... واستخيري ربي والله ميضيعك ...

السلام عليكم اختي
هو فالحقيقة نعرف اهلو مليح لاني كنت مخطوبة لخوه اللي مات وخطتي منو جات بعد إلحاح وظغط كم ظروفي لكن لما بديت نتعرف عليه لقيتو شخص مليح بزاف وكان صح داير النية معايا ومهتم باموري وقبل حالتي المرضية وكل شروطي قبلهم بدون تردد لكن إلا الخيانة جات وشفت الصور ومن المفروض اليوم يجي نفسخو كل شي لكنو رفض وقالب ما نفسخش الخطبة وما حبش يجي لدارنا ما فهمتش واش ندير معاه إتصلت لأمو طلبت منها تجيني ونحكي معاها لانها تحبني بزاف وانا ايضا نعزها ونحبها وما نرفضلها حتى طلب لكن حياتي أولى وكرامتي اهم من كل شي وربي ماكتبش الله غالب شكرا وبارك الله فيك

[مريم تعود]

المشاركة الأصلية كتبت بواسطة madoucha

لا تفسخي تمسكي به اذا التمست فيه صفات جيدة بعض الرجال تلقاهم ملاح بصح النساء يدورو بيهم و علابالكم المراة نقطة ضعف الرجل لازم تحاولي تكسبيه
نزيد نقلك معظم الرجال خانو زوجاتهم مايبانش برك عليهم الامهم لا يصل الامر الى الخيانة الجسدية او الزنا و العياذ بالله

السلام عليكم اختي بواش نتمسك اختي الراجل خانني بعد ايام من خطوبتنا ولما كنت نلقاه يحكي فالهاتف يقولي الخدمة وهي وراتلي التلفون وفالليل يحكي معاها على 12 نتاع الليل انا لما قالي رفضت اكيد ما رانيش من اللي يحكو فأنصاص الليالي حتى لو كان خطيبي نحكي معاه فالنهار نتعارفو على بعضانا وطلبت منو نفتحو حتى يكون زوجي و نبداو بداية بالحلال مي حال الدنيا الحرام رجع خير من الحلال كل شي بالدليل وهي جات دافع على راجل كان حقها وانا وين نعرف ما رانيش انا اللي يسلبو الراجل من النسا وربي يسهل عليهم انا قلتلها قلتلها لو هو كان حابك علاه ماجاش خطبك علاه جا ليا ربي يهديهم وربي وكيلو هذا واش نقول شكرا وبارك الله فيك

[مريم تعود]

المشاركة الأصلية كتبت بواسطة warda16

rayi houwa salat elistikhara

السلام عليكم اختي بارك الله فيك لا اريد ان أستخير لانني لا اريده سأستخير في امر آخر اما هو فلا قراري لا رجعة فيه كنت نظن رفم كل شي ظلمتو وإحتجت للآراء الأعضاء لكن كل شي بالدليل وما نكذبش عينيا معليش ربي ما كتبش شكرا

[مريم تعود]

المشاركة الأصلية كتبت بواسطة amina2688

واش راح نقلك اختي الغالية انت معايشة الظروف وادرى بيه

نقلك ربي يرشدك للطريق الي فيه الخير يارب،ويعوضك لما فيه خير لك

فهمت من بعض ردودك انك مريضة،ربي يشفيك ان شاء الله ونتمنى ما تكونش

حاجة كبيرة

.................................................. ..............

..........

سلامي الحار

السلام عليكم اختي ربي يخليك اختي مكتوبي راني رضيت بيه كيما رضيت بامور كثيرة وفالحقيقة عندي ظروف ما تخلينيش نتزوج وراني شادو في ربي الحياة الهانية ما راهيش للي كيما انا والحمد لله على كل شي
وي راني مريضة والحكاية طويلة اختي وحاجة كبيرة وإدعيلي ربي يشفيني