خويا سامحني مي راك غالط انا عنابي مقطر و taxieur en plus
حاب نقولك بللي أمبوسيبل في هدرتنا نقولو لواحد راجل أنتي عجبتيني؟؟؟؟؟ يقدر يقولو عجبتيني صح مي (أنتي) ماكانش منها لآن التأنيث الا في الفعل (أنت عجبتيني، وللأنثي أنتي عجبتيني)
حنا كيما نهدرو للذكر و الأنثى بصيغة الأنثى غير في الفعل الماضي في ضمير المتحدث متلا كليتي شربتي جعتي رحتي ركبتي عييتي يعني كي تعود تهدر مع العبد أداك أون ديراكت مي كي تعود تهدر عليه في الغايب نستعمل صيغة المذكر عادي مثل كلا شرب راح جا ركب
لكن في المضارع و المستقبل نهدرو نورمال نقول آك تاكل آك تشرب (للتوضيح آك ينطقوها راك في ولايات أخرى)
أما الانثى فتقلب ذكر الا في صيغة الأمر وعندما يكون الفعل في أول الجملة مثلا (قول أشرب أرواح أطلع أهبط) ولكن اذا تبعت بفعل آخر خلف الفعل الأول فتصبح عادي بصيغة الأنثى مثل (روح ومبعد أرواحي ، قول وش هدرتي ، أطلع للدار هبطيلي القضية )
هادي الهدرة حبيت نفهمك بيها خويا بللي أمبوسيبل واحد عنابي يهدر مع راجل يقولو أنتي عجبتيني هذا آني sure خاطي عنابي وقالكم أني عنابي surement من ولاية أخرى
mais عجبتني ياسر تع (كان شوية راح يضربو)... آك رجعتينا خرفان ضهرتلي؟؟؟
و شكرا
( تقرير عن مشاركة سيئة )، و الموجودة أسفل كل مشاركة .
2012-09-03, 04:06
العرض الشجري