مازال واقفين - الصفحة 2

مريم الصابرة · 2012-09-02, 17:09

اقتباس:

المشاركة الأصلية كتبت بواسطة الورود المنسية

اولا لي الشرف اناكون اول من رد على موضوعك الاكثر من رائع
صحيح ما قلته ان الاوان لكشف الاقنعة
والصراحة انا الغناية تعجبني الموسيقى تاعها واللحن مي الكلمات نديها سخرية
لو كان جا فيها خير ما تغنيهاش وردة وبعدها تموت
بلا ما تزيد والوا وراها ربي يهدي ويصلح المفسدين في البلاد هذي

السلام عليكم اختي وانا نفخر بردودك والله يا اختي انا ما تهمنيش الغنية لو شكون اللي غناها وردة بينها وبين ربي ممكن دايرة خير ربي يسامحها على كل ما دارت هذيك علاقتها مع ربي وربي يتكفل بعبادو اللي يسامحو واللي يعاقبو
انا اللي يهمني فالحكاية كلها الزواليين الناس اللي تعبت وعيات ويزيد يقولك رانا واقفين شكون الواقفين الفنانين والسياسين أما الزوالي ما عندوش مكان إلا فالإنتخابات وقت يحتاجوهم يلقاوهم واقفين شكرا

مريم الصابرة · 2012-09-02, 17:13

اقتباس:

المشاركة الأصلية كتبت بواسطة الواثق

مازال واقفين ..............من العادة ان نقول ** قعدنا واقفين ؟؟؟**** فالقعود والوقوف عند الجزائريين سواء ................مازال واقفين او قاعدين

من ناحية الفساد وووو صح الامر محزن ومأساوي ..............لكن لو نرى الى زاوية اخرى حيث ظهر فيها الصالحون سنقول مازال واقفين ...............لو قسنا معيار الامراض التي مرت بنا لعلمنا اننا مازال واقفين .............الاستعمار والتخلف والجهل ............الارهاب وسفك الدماء ...............يعني ولو ..........مازالنا واقفين

السلام عليكم
اخي اكيد مازلنا واقفين صح لانو الجزائري مرت عليه الف محنة ودمو حار وعندو النيف ومازال واقف لكن من جهة لخرى تعبنا خويا من الوقفة في بلاد الحقرة والله ربي اعطانا بلاد شابة و بحر وجبال ومناظر وجو رحمنا ربي بيه لكن الفساد فالحكما وربي يجيب الخير إن شاء الله شكرا

مريم الصابرة · 2012-09-02, 17:16

اقتباس:

المشاركة الأصلية كتبت بواسطة soha1987

عند ك الحق مريم فواش قلتي ربي يجيبها لحكام هاد لبلاد لي جوعونا وخلاونا بلا خدما ويخدمو بالمعارف والرشوة ودارو قانون الفتنة قالك خدم الصغير وخلي لكبير زعما حنا شرفنا خلاص اااااااااااه راني قريب نتطرطق مريم راني ماربحتش لكونكور لقيت غير موضوعك نفرغ فيه وثاني واش نقولك ربي يقلبهااعليهم رام يذلونا بقصد مي حنا حاملين ملا خلي يبردو قلوبهم والحاجة لي مدوختني كامل الشباب زعما قارين مي ماهوم فاهمين فيها والو وزيد رانا شعب خواف يحمل برك ملا نكملو هاك وخلي حنا نرعاو وهوما يشربو حليب البقرة كيما قولتي وشكرا على الموضوع

السلام عليكم اختي ما تزعفي ما والو معليش اختي ربي يعوضك واش تحبي حنونة الله غالب هذو حكام بلادنا الخدمة بالمعرفة الكونكور ما نحكوش كل شي راهم يديرو المال والفيلات والسيارات من دم الناس والحمد لله كاين وين راحين يتعاقيبو انا لما نشوف وحدة مرت واحد مرفه او راجلها يخدم في مكان ونعرفو يدي الرشوة نقولها في وجها ما تحسبيش روحك خير مني انا وإنت رايحين لنفس الماكن للتراب وممكن إنت ربحت هنا وتمتعت ولكن الهيه يتنحاو من لحمكم قدام ربي
خلي ربي يحاسب كل واحد اختي موفقة وربي يعوضك حنونة

الكـ الطيبة ـلمة · 2012-09-02, 17:25

أهلا مريم واش الأحوال

اتمنى تكوني بخير

الوقوف يا أختي راه يعيي

انا صار شعاري وين نعيا لازمني نقعد حتى و لو على تروتوار

اللي وقفوا يموتوا و اللي قعدوا يموتوا

ليلى خانم · 2012-09-02, 17:51

السلام عليكم
نعم مازلنا واقفين يعني مازلنا صامدين صابرين ولا ننسى انه في الجزائر يوجد اناس عندهم ضمير ولو خليت خربت

مريم الصابرة · 2012-09-02, 18:50

اقتباس:

المشاركة الأصلية كتبت بواسطة مسلم سني

السلام عليكم
أختي مريم المشاكل تزداد يوميا
وإن لم توضع الحلول
فإن الضغط سيولد الانفجار
كلنا نحب هذا البلد ولا بلد لنا غيره
لكن تجاهل بعض الأمور الصغيرة من طرف المسؤولين عديمي الضمير
يمكن أن يوقعنا فيما لا نرضاه جميعا
شكرا لك

السلام عليكم اخي بارك الله فيك وشكرا على ردك المحترم
هي صح بلادنا والحمد لله رانا عايشين لكن نصف عيشة كل شي بالتعب وزيد يا ريت كاين نتيجة المشكل اللي مرتاح يدي اكثر من الشاقي وربي يجيب الخير شكر

مريم الصابرة · 2012-09-02, 18:51

اقتباس:

المشاركة الأصلية كتبت بواسطة sousou. Dz

السلام عليكم .........واش راكي مريومة ان شاء الله لاباس والولدة.............اما عن الموضوع.... يااختي ربي يهدي هدا مانقولو .............. باسكو ادا فتحنا هدا الموضوع مايخلصش ......... وان شاء الله ربي هو لي يخلص

السلام عليكم أختي بارك الله فيك على الرد وما تخافيش اختك مريم حطت الموضوع عني عندي معريفة صحيحة ما يدرونا والو ههههههه يا الخوافة

مريم الصابرة · 2012-09-02, 18:55

اقتباس:

المشاركة الأصلية كتبت بواسطة morad81

الناس تتقدم للقدام وحنا واقفين.

وكاين اللي راهم يطيروا كيما يقولوا وحنا مازال واقفين.

كلش كاين في لبلاد و حتى حاجة ما كاينة وحنا مزال واقفين ..

وطبعا اللي يطول من الوقوف لابد أنو يفشل و يطيح.

هذا ما نقدر نقول.

السلام عليكم خويا مراد
والله تعبنا وعيينا نحبو حقنا وبرك والعدالة هذا ماكان والباقي راه ليهم يا خويا نهار يموتو ما يدو والو راحين للحفرة ويا ريت هذا برك والعذاب ويا ويلهم اليوم الدراهم والفيلات وغدوى حفرة ونار ربي يسترنا شكرا وبارك الله فيك

مريم الصابرة · 2012-09-02, 18:58

اقتباس:

المشاركة الأصلية كتبت بواسطة فتـ حييةـاة

واش نقولك يا مريم ؟؟؟ الحمد لله هاكا ولا اكثر
اللهم احفظ الجزائر و اصرف عنها كل سوء

السلام عليكم اختي فتحية
اكيد الحمد لله ولكن والله كاين ناس مضرارة بزاف شوفي برك لما طاحت الشتا وقطات برك شوفي شعال ناس إنضرت وشكون الزاولية وبرك إما لخرين فالفيلات يتنعمو يا ختي وي الدنيا درجات وطبقات لكن ربي ما قالش كولو حق الناس شكرا

مريم الصابرة · 2012-09-02, 19:01

اقتباس:

المشاركة الأصلية كتبت بواسطة kamikaz30

البلاد يحفظها ربي إن شاء الله

بالصح غايضني بوتفليقة في 08 مــــارس 2015

نطلب من المسؤولين يعيطولوا عضو شرف

علابالي ما يقدرش يعيش يشوف واحد في بلاصتو في عيد المرأة

-----------------------------------------------------------------------------

لي هزوا النيف عليه غير ماكالاه ترد علي ما نيش راح نرجع للموضوع

السلام عليكم خويا شوف خلينا بوتفليقة ترونكل فالحقيقة والصراحة والله خدم البلاد المشكل فاللي معاه فاللي سلمهم البلاد أما هو والله لو يموت نخسرو حاجة كبيرة الصراحة ربي يخليهونا قول آمين
وانا إداني النيف عليه وراني رديت عليك وما ترجعش للموضوع على العكس هذا ما يمنعش إني نحترمك حتى لو نختلفو فالرأي شكرا

مريم الصابرة · 2012-09-02, 19:12

اقتباس:

المشاركة الأصلية كتبت بواسطة الباديسي

السلام عليكم خويا الباديسي كيف الحال؟
شكرا على الصور المعبرة صح دايما واقفين طارو رجلينا بارك الله فيك

اسلام انس · 2012-09-02, 19:22

اهلين وسهلين اختي مريم ...كيف اخبارك واحوال الوالدة اشاء الله لاباس

كانش نهــــــــــــــاؤ يخــــــــــــــرجولنا اغنبة مازال طايـــــــــــــــــــــــرين.......شكـــــرا اختي على الموضوع

اللؤلؤة مريم · 2012-09-02, 19:25

أهلا يا لولي نورتينا ؛و الله لا يجب أن ننكر ٱن هناك بعض الٱمور في بلدنا لا تسر لكن مازالت الدنيا بخير مشكورة ليليا

رقة الحياة · 2012-09-02, 19:32

اقتباس:

المشاركة الأصلية كتبت بواسطة اللؤلؤة مريم

أهلا يا لولي نورتينا ؛و الله لا يجب أن ننكر ٱن هناك بعض الٱمور في بلدنا لا تسر لكن مازالت الدنيا بخير مشكورة ليليا

من هي لولو و من اين اتت

mohamed160 · 2012-09-02, 19:40

سلام عليكم الاخت مريم صح واش راكى تحكى الاخت بصخ المشكل راه فى الشعب الجزائر هو لى راه سكت على حقوا