@ @@ أقولها صراحة التوريث عن بعد حتى الحفيد الثالث في الجزائر

[مصطفى قاسمي]

المشاركة الأصلية كتبت بواسطة عطر الملكة

يا خاوتي لو كان نبدى نحكيلكم عن 1 %% من الحقائق و الله غير صدمة
نعطيكم امثلة و انتم خمموا مليح
مثلا مثلا
والدتي تعاني من فترة طويلة من اعراض الروماتيزم راكم عارفين برد الجلفة فانا ما نعرف كيفاش جاتني الفهامة فجأة تذكرت ان ارملات المجاهدين من حقهم الاستفادة من الحمامات المعدنية
كان ذلك في صائفة 2009 توجهت والدتي لمديرية المجاهدين و جابت الاستمارة انا شفت قائمة طويلة لمراكز الراحة من بينها المعالجة بمياه بحر القالة اخترت القالة قلت مكان مليح منها استجمام منها علاج (( زعما تنلعبها فاهمة ))
بعد مدة عيطولها و قالولها هذي مياه القالة مش من حقك راكي رايحة تعالجي ولا تستجمي و حد الكلام و اعذار لا منطق لها و لا اساس
و عاودولها استمارة اخرى دارولها حمام عادي و مكتبونيش معاها انا وقتها ما رحتش وهو المفروض يكتبوا معها شخص آخر كمرافق بحكم انها امرأة كبيرة و تحتاج لمرافق للعناية بها علما اني في الاستمارة الي رفضوها مركيت روحي معاها
يسمى لعبولها لعبة عارفينها مراى كبيرة و ما تفهمش بعض الامور
المهم
تخيلوا من سنة 2009 ما جاش الرد نتاع وزارة المجاهدين الموقرة لهذ العام يعني بعد 3 سنوات احنا نسينا كامل الحكاية و تفاجئنا بالاستدعاء و قتاش تخيلوا في عز جانفي
يرحم باباكم سيدة كبيرة رايحة تتعالج و تنحي البرد يبعثولها في جانفي ؟؟؟؟!!!!!!!!
زيد لم ذهبنا هناك واش نقلكم يقال عنه سونتر مجاهدين لكن لا معاملة جيدة لا اكل جيد اكل المحابسية خير منه الغرف باردة صباح ربي مع 7 نتاع الصبح يادوا هذوك المغبونين نتاع المجاهدين للحمام بعد ما يشبعوا برد نتاع الصبحة و كاين مجاهدين مساكن صحتهم قليلة فيهم حشاكم الي يتبول على روحوا
و تخيلوا الطابق العلوي للسونتر فارغ كامل و كاين بينقالوات فارغين و انا لما كنت معاها و منيش مسجلة كمرافقة دارولنا فيلم مزية كاين وحد الطبيبة رأفت بحال والدتي و حطتني معاها في بطاقة العلاج و قالت انو السيدة تحتاج مرافق يعتني بها
و لما مرت الايام و صرت منين من ذاك نتجول في السونتر هناك حركة غريبة في هذوك لي بينقالوا لا اريد ان ابني كلامي على اتهامات لكن بنسبة 70 %%% تستخدم في اغراض مشبوهة ربي يلطف راكم فاهمين بلا ما نفسر
من بعد عرفت انو الاماكن الراقية محتكرة عند اتباع فرنسا برك اما المجاهدين الحقيقيين واخذين غير الهدرة و الاشاعات
زيدوا
هذ الشيخ نتاع المنظمة بينوا و بين القبر خطوات تخيلوا لما راحت الوالدة تهدر على حقها و الله ما كان يخزر فيها زعم الوالد كان صديقوا وقت الحرب و اكلين ملح مع بعض و متقاسمين ظروف صعبة
و مرة من المرات كنت مارة من هناك طلبت مني الوالدة نفوت معاها و اش نحكيلكم الشيخ اصبح يضحك من عينيه واشمن استقبال و اشمن جونتياس السيد استقبلنا بمكتبوا و ما كانش كامل حاب يطلقنا (( وانتي راكي بنيتو الله يبارك الله يبارك ما كنتش عارف عندو طفيلة هاك ...........الخ )) كلام لا يصدر من شيخ كبير حاج بيت ربي

لما خرجنا من عندو قاتلي ماما و الله عجب مش موالف السيد يستقبلني هاك موالف غير يلقاني انا و ارملات المجاهدين عند باب المنظمة تقول يخبطوا جن
و عندنا قريبنا الكل يعرف انه بكري كان حركي
اليوم من كبارات المجاهدين و لو كان تقول كان حركي اسكت احتمال يدوك لسركاجي

قد ما نحكيلكم تتعجبوا
ربي يلطف هذا القليل من ذاك الكثير

اه اختي يمكن رميت شباكي خارج البحر فلم امسك الى بمن هم على الرمال

والمثل يقول جيت ياعبد المعين تعني طلعت ياعبد المعين تتعان

كم تمنيت ان يحذف الموضوع مالي والجبير

سبحان الله ارجو ان لااكون قد عكرت صفوك

[عطر الملكة]

المشاركة الأصلية كتبت بواسطة مصطفى قاسمي

اه اختي يمكن رميت شباكي خارج البحر فلم امسك الى بمن هم على الرمال

والمثل يقول جيت ياعبد المعين تعني طلعت ياعبد المعين تتعان

كم تمنيت ان يحذف الموضوع مالي والجبير

سبحان الله ارجو ان لااكون قد عكرت صفوك

لالالالالالا
يالعكس تماما لا اراه الا موضوع يستحق النقاش بكل المقاييس فلا ربما النقاش يغير بعض الا فكار و المفاهيم
امور كثيرة مغلوطة بخصوص فئة المجاهدين و ابنائهم يجب ان تصحح
راها دولة نتاع باطل
ربي يهدي