عرسكم بلا غناء !!!!!!!!!!!

عطر الملكة · 2012-08-22, 20:25

يا اختي بصراحة اعراسنا احنا فيها الغنا و الكثير الكثير من النايلي على سطايفي على شوية حوزي و راي و قبايلي و كاين الي يكملوا السهرة بالغايطة و البندير و الرقص النايلي للصباح و كاين عندنا حتى الي يجيب قروب مثل بن شريك و حميدة و جماعتهم
علاش الكذب
و مرة وحدة فاميلتنا عملت عرس على الطريقة نتاع السلفيين يعني اناشيد دينية تقريبا واحد ما حضر عرسها الا اهلها و اهل راجلها انا وحدة من الناس رحت قصرت عندهم في السهرة برك
هذي اعراسنا ما عندي ما نقول ربي يهدينا برك
شكرا على التوبيك النايس

و.وحيد · 2012-08-22, 20:28

اقتباس:

المشاركة الأصلية كتبت بواسطة عطر الملكة

و مرة وحدة فاميلتنا عملت عرس على الطريقة نتاع السلفيين يعني اناشيد دينية تقريبا واحد ما حضر عرسها الا اهلها و اهل راجلها انا وحدة من ا

نسقسيك
انشيد دينية بالموسيقى ؟

ان كانت بالموسيقى فهم ليسوا "سلفيين" ولا ملتزمين
........................
فقط اطلب من صاحبة الموضوع
ان تعيد كتابة بعض كلماته في الموضوع بالعربية الفصحى

عطر الملكة · 2012-08-22, 20:33

اقتباس:

المشاركة الأصلية كتبت بواسطة * وحيد الجزائري *

نسقسيك
انشيد دينية بالموسيقى ؟

ان كانت بالموسيقى فهم ليسوا "سلفيين" ولا ملتزمين

لالالا سلفيين سلفيين جاية اناشيد تشبه هذاك الانشاد نتاع فرق غرداية اعذرني ليس لدي علم كبير بالانشاد لكنه من غير موسيقى و تقريبا كانت نفس الاناشيد تدور
و نزيدك حاجة في عرس هذ السيدة الي هي في الحقيقة كانت زميلتي في الدراسة و قريبة من بعيد جات ضرتها الي هي ثاني سلفية مي شوية كبيرة وعندها عيال هي الي خطبتها لزوجها و غادية وتوصي فيها باش تتلى فيه واش نقلك وحد المعاملة بينهم شغل خيات
و هوما في زوج من عائلات سلفية نورمال و كان اول عرس سلفي نحضرو راق لي حتى و لم يكن هناك رقص و امبيونص
كانت قعدة عائلية رائعة

Mireya · 2012-08-22, 21:07

اقتباس:

المشاركة الأصلية كتبت بواسطة عطر الملكة

يا اختي بصراحة اعراسنا احنا فيها الغنا و الكثير الكثير من النايلي على سطايفي على شوية حوزي و راي و قبايلي و كاين الي يكملوا السهرة بالغايطة و البندير و الرقص النايلي للصباح و كاين عندنا حتى الي يجيب قروب مثل بن شريك و حميدة و جماعتهم
علاش الكذب
و مرة وحدة فاميلتنا عملت عرس على الطريقة نتاع السلفيين يعني اناشيد دينية تقريبا واحد ما حضر عرسها الا اهلها و اهل راجلها انا وحدة من الناس رحت قصرت عندهم في السهرة برك
هذي اعراسنا ما عندي ما نقول ربي يهدينا برك
شكرا على التوبيك النايس

شكرا على مرورك

أفهم من كلامك انك موافقة و لكن أقصد لا موسيقى في الزفاف

عطر الملكة · 2012-08-22, 21:14

اقتباس:

المشاركة الأصلية كتبت بواسطة mireya

شكرا على مرورك

أفهم من كلامك انك موافقة و لكن أقصد لا موسيقى في الزفاف

اي موافقة طبعا صعب اهضم عرس بلا اموبيونص و رقص انها ليلة العمر و حتى لو انا هضمت الامر البقية ما يهضموهش عندنا غاشي غير نتاع رقص و غايطة
عرسي درت فيه الديجي و كان اغلبه نايلي و سطايفي على شوية راي و عندنا من تحب الشرقي دارولها قوسطوها من الشرقي
الا انه كان عرس بسيط سهرة عائلية فقط ما فيهش كثر زحمة و ناس غير نسوان العائلة برك
يسمى واش حب يقول نكذب على ربي و لا على روحي و لا عالغاشي
هذا هو واقع الحال
عرس بلا غناء و رقص نايلي مش عرس

biba_g · 2012-08-22, 21:42

سؤالك في محلو

وانا كذلك اوجهه الى السلفيين

وانا راي والله مزال مانعرف

ayoub.ar · 2012-08-22, 21:56

اقتباس:

المشاركة الأصلية كتبت بواسطة biba_g

سؤالك في محلو

وانا كذلك اوجهه الى السلفيين

وانا راي والله مزال مانعرف

هل على سؤالي انا هو الذي تطرحه على السلفيين فانا طرحته فهم لا يقبلون النقاش يقولو حرام حرام فقط انا هاؤلاء الذي سالتهم هكذا اما الاخرين لا اعرف

biba_g · 2012-08-22, 22:45

اقتباس:

المشاركة الأصلية كتبت بواسطة ayoub.ar

هل على سؤالي انا هو الذي تطرحه على السلفيين فانا طرحته فهم لا يقبلون النقاش يقولو حرام حرام فقط انا هاؤلاء الذي سالتهم هكذا اما الاخرين لا اعرف

نعم عندهم الحق عطاوك رايهم حرام يعني عرس دون غناء

في الحقيقة انا ثاني نحب العراس بلا غنى خاصة الغناء نتاع هاذ العوام نتاع الجاهلين

imi02i · 2012-08-23, 06:59

السلام عليكم
عرس بلا غنـاء عادي جدا
سبق وأن حضرت أعراس بدون غنـاء
ومرة حضرت أول يوم عرس كانت فيه قرآءة قرآنية بحضرة العروس وتقريبا الداعيات اللي في المدينة كامل حضرو العرس كانت فيه نصائح ومواعظ عن كيفية إقامة بيت مسلم وكان في القمـة ....
حنا في بيتنا كل واحد كف يحب
والأغلب نديرو أناشيد أعراس إذا تسمعي بيـها

الواثق · 2012-08-23, 12:01

اقتباس:

المشاركة الأصلية كتبت بواسطة عطر الملكة

اي موافقة طبعا صعب اهضم عرس بلا اموبيونص و رقص انها ليلة العمر و حتى لو انا هضمت الامر البقية ما يهضموهش عندنا غاشي غير نتاع رقص و غايطة
عرسي درت فيه الديجي و كان اغلبه نايلي و سطايفي على شوية راي و عندنا من تحب الشرقي دارولها قوسطوها من الشرقي
الا انه كان عرس بسيط سهرة عائلية فقط ما فيهش كثر زحمة و ناس غير نسوان العائلة برك
يسمى واش حب يقول نكذب على ربي و لا على روحي و لا عالغاشي
هذا هو واقع الحال
عرس بلا غناء و رقص نايلي مش عرس

الله يهديك يالنايلية ...............ماعليش راكي معروضة لعرسي وسأذكرك بذلك لانايلي لا والو راهم عندنا اصوات ماشاء الله البندير يكفيهم ههه

والله ربي يهدينا حتى اننا لم نقدر ان نبتعد عن اصغر المحرمات ورانا متكلين عليك بالمذكر والفطير ايام الحرب ............راني بديت نشك ههه

والله نصيحة من اخ لاخته في بعض الاحيان نقترف المعاصي ومجتمعنا الكل يعرف هذا لكن الكارثة اننا نجهر فالاولى ترك الجهر بالمعاصي ونكتفي بالدعاء هكذا افضل .............................والله اعلم

عطر الملكة · 2012-08-23, 12:07

اقتباس:

المشاركة الأصلية كتبت بواسطة الواثق

الله يهديك يالنايلية ...............ماعليش راكي معروضة لعرسي وسأذكرك بذلك لانايلي لا والو راهم عندنا اصوات ماشاء الله البندير يكفيهم ههه

والله ربي يهدينا حتى اننا لم نقدر ان نبتعد عن اصغر المحرمات ورانا متكلين عليك بالمذكر والفطير ايام الحرب ............راني بديت نشك ههه

والله نصيحة من اخ لاخته في بعض الاحيان نقترف المعاصي ومجتمعنا الكل يعرف هذا لكن الكارثة اننا نجهر فالاولى ترك الجهر بالمعاصي ونكتفي بالدعاء هكذا افضل .............................والله اعلم

يا اخي الواثق ربي يهدينا و الله الواحد راه يتحرى قدر الامكان في الابتعاد عن هذه الصغائر لكن بخصوص العرس شوف تعرفني صريحة
احنا عندنا اهلنا ولاد طعبة و النص الاخر اولاد عبيد الله ناس غير نتاع قايطة و بندير راك عارف لو يكون عرس ناشف و ما فيهش النايلي اسكت برك خلي البير بغطاه
عندنا شي عباد ترقص حتى تطيح دايخة
لو كان نوريك وحد الشخصية بيكون ابن عم والدتي و راضع معها يعني في مقام خالي ثمة تفهم واش راني نقول بالضبط
و عرسك ان شاء الله نحضروا و نرقص حتى نطيح دايخة كثر النايلي الله يسترك

الواثق · 2012-08-23, 12:15

اقتباس:

المشاركة الأصلية كتبت بواسطة عطر الملكة

يا اخي الواثق ربي يهدينا و الله الواحد راه يتحرى قدر الامكان في الابتعاد عن هذه الصغائر لكن بخصوص العرس شوف تعرفني صريحة
احنا عندنا اهلنا ولاد طعبة و النص الاخر اولاد عبيد الله ناس غير نتاع قايطة و بندير راك عارف لو يكون عرس ناشف و ما فيهش النايلي اسكت برك خلي البير بغطاه
عندنا شي عباد ترقص حتى تطيح دايخة
لو كان نوريك وحد الشخصية بيكون ابن عم والدتي و راضع معها يعني في مقام خالي ثمة تفهم واش راني نقول بالضبط
و عرسك ان شاء الله نحضروا و نرقص حتى نطيح دايخة كثر النايلي الله يسترك

صح هاذو العباد راهم في كل عرش وخلي برك ............لكن لن اقبل من احد ان يطبق عاداته السئة على اموري ............ةماتخميش كاين ناس يستغربو اعراس ملتزمة لكن فيها نكهة ماشاء الله ورايحين يرتاحو وهذا جربناه من غاشي يطيح في الحال من الرقص لكن ولى للطريق والحمد لله

وبصراحة ما اجمل الامور لما يكون فيها تحديات .........والحمد لله راهي نقصت شوي الامور ماشي كي بكري الجهل كيما هو

والحلول موجودة والحمد لله الفعلية والفيزيائية ...............

اما ولاد الطعبة وولاد عبيد الله راهم التزمو السنوات الاخيرة هههه .............احنا اولاد عبد القادر خاطينا يعجبك مطاوعين ههه

imi02i · 2012-08-24, 08:47

اقتباس:

المشاركة الأصلية كتبت بواسطة عطر الملكة

يا اختي بصراحة اعراسنا احنا فيها الغنا و الكثير الكثير من النايلي على سطايفي على شوية حوزي و راي و قبايلي و كاين الي يكملوا السهرة بالغايطة و البندير و الرقص النايلي للصباح و كاين عندنا حتى الي يجيب قروب مثل بن شريك و حميدة و جماعتهم
علاش الكذب
و مرة وحدة فاميلتنا عملت عرس على الطريقة نتاع السلفيين يعني اناشيد دينية تقريبا واحد ما حضر عرسها الا اهلها و اهل راجلها انا وحدة من الناس رحت قصرت عندهم في السهرة برك
هذي اعراسنا ما عندي ما نقول ربي يهدينا برك
شكرا على التوبيك النايس

بصحتكمـ ....
وربي يهدينا كــــــامل .
على خاطـر الأعراس تاع هذا الوقت راها تسمى كامل كما هكذا
كوكتال وديجي وكاين حتى اللي تكون آعراسهم ميكست وهذي الكـآرثـة تاع الصح
هات الواحد يشد سابعو ويبطل الأعراس ويحكم في عرسو برك

عطر الملكة · 2012-08-24, 10:53

اقتباس:

المشاركة الأصلية كتبت بواسطة imi02i

بصحتكمـ ....
وربي يهدينا كــــــامل .
على خاطـر الأعراس تاع هذا الوقت راها تسمى كامل كما هكذا
كوكتال وديجي وكاين حتى اللي تكون آعراسهم ميكست وهذي الكـآرثـة تاع الصح
هات الواحد يشد سابعو ويبطل الأعراس ويحكم في عرسو برك

ربي يهدينا

هذا هو واقع الحال
شوفي حكاية ميكست اودي حنا من بكري تدور هذ العقلية مش من الوقت الحالي برك نقلك علاش
لانو غير من سنوات التسعينات تقريبا بدات الحالة تتغير بعرشنا بكري في الزواج لا يسمح بالزواج من خارج العرش شوي عقلية تعصب و لذلك تجدين اهل العرس احنا في احنا ما كانش البراني خارج العرش يعني العرس كامل بني عم و تلقاي مثلا في السهرة كي يديروا الغايطة و البندير كل سيدة تخرج بزملتها ترقص مع زوجها عادي نورمال
اما حاليا فتوجد اعراس ميكست لكن بوجود اشخاص غرباء عن العائلة من عرش غير العرش
و في كل الاحوال كل منطقة و كل عرش و كل عائلة لها خصوصيتها في الاعراس

imi02i · 2012-08-24, 18:25

اقتباس:

المشاركة الأصلية كتبت بواسطة عطر الملكة

ربي يهدينا

هذا هو واقع الحال
شوفي حكاية ميكست اودي حنا من بكري تدور هذ العقلية مش من الوقت الحالي برك نقلك علاش
لانو غير من سنوات التسعينات تقريبا بدات الحالة تتغير بعرشنا بكري في الزواج لا يسمح بالزواج من خارج العرش شوي عقلية تعصب و لذلك تجدين اهل العرس احنا في احنا ما كانش البراني خارج العرش يعني العرس كامل بني عم و تلقاي مثلا في السهرة كي يديروا الغايطة و البندير كل سيدة تخرج بزملتها ترقص مع زوجها عادي نورمال
اما حاليا فتوجد اعراس ميكست لكن بوجود اشخاص غرباء عن العائلة من عرش غير العرش
و في كل الاحوال كل منطقة و كل عرش و كل عائلة لها خصوصيتها في الاعراس

معك حـق
في وقت مـضى تحكيلي والدتي تقول بلـي الرجـل ميخليش مرتو تخرج في النهار
وإذا عاد ماديها لدار والديها يديها في الليل ولا وقت الفجـر ، غير في الظلام برك
لكن كي يلحق نهار العرس تخرج ترقص الغايطـة
أنا هذي حيرتنـــــي بزاف ومالقيت لها حتى تفسير
أما أعراس الميكست ذرك راها أهل وأصحاب وجيران ولا حرمـة ولا هم يحزنون
تخلاط xتخلاط ومكانش اللي يهدر ويقول راه عيب ولا حرام
ربي يهدينا يا أخيتي للطريق الصواب