سلام
اوك انا رج نقلك على عاداتنا
حنا العرس او الزواج بصفة عامة يكون على 3 مراحل نقدرو نخليو بين مرحلة واخرى المدة الي نبغيو بصح متكونش اقل من اسبوع
المرحلة الاولى
هي مثابة خطوبةنسميوها ثحبولت tahboult عندنا اهل العريس والاقارب يروحوعند دار العروس ياخدو الشيخ الامام ويقراو الفاتحة وقبل ميقراو ميكون حتى حس لعند بيت لعريس لعند العروس بعد ميخلص الشيخ يقدرو يزغردو ولا يغنيو وياكلو اكلة خاصة منعرف اذا موجودة عندكم حنا نقلولها ثحبولت ودرا العريس يرجعو يكملو اليوم بالغنا اذا حبو.... في هد المرحلة يوم واحد برك
المرحلة الثانية
نسميوه اعقدن a3eggenهي انو اهل العريس يعرضو الاقارب والي يحبو ويروحو عند بيت اهل العروس للغدا وياكلو كسكس والي ياكل يخرج يحط دراهم قد ميحب منبعد يشوفو العروس ويروحو والدراهم الي يجمعوهم يعطوهم للعروسة تجهز روحها بيهم
المرحلة الثالثة
في هاد المرحلة كاين 3 ايام
اليوم الاول نقولولو اسنسي assenssi في هاد اليوم ياخدو اهل العريس كبش لدار اهل العروس ويدبحوه تما يتغداو ويرجعو
وفي المساء يرجعو ياخدو حوايج للعروسة بالتحديد تكون 7 حوايج ويتعشاو ويرجعو
في الغد نقولولو ثكلي tikli تنوض العروسة تتحنى واهل العريس يروحو يجيبو العروسة وهناك ايضا عادات قبل متخرج العروسة تمر من العناية تع باباها تحت يدو ويشربلها كاس ماء وتروح لدار راجلها
كي توصل قبل متدخل للدرا ترمي الماء للور (ترش) وترمي الكاوكاو نقولولو الفال تع العروسة وتجي عجوزتها تشربلها كاس حليب منبعد تدخل لدارها و منبعد ميتعشا الضيوف تبدا السهرة وتصدر العروسة عدة لبسات اي تدير عرض ولا معلباليش كيفاه تقولو ويدوم حنى الصبح ويفرحو ويزهاو يغنيو ويصورو وهكا
في الغد نقولولو اقوسagousse في هاد النهار بعد الغدا تجي العروسة ويجي لوسها ولا كبير العائلة اولا يقطع من شعرها شوية من لميش حنا نقولو فريزي منبعد يديرلها سنسلة على خصرها نقولولها اقوس وهي تعطيلو كادو
وهكا يكون خلاص العرس
انا درتهم باختصار وكاين عادات مذكرتهمش وكاين الي تمحاو مع الوقت
ان شاء الله تستفيدي
صح فطوووركم
( تقرير عن مشاركة سيئة )، و الموجودة أسفل كل مشاركة .
2012-08-22, 11:53
العرض المتطور
