العمل و البطالة و انعدام العدالة بين الذكر و الانثى

[MIWAKE]

المشاركة الأصلية كتبت بواسطة chahrazed-m

عندك الحق وانا معك في جل ما قلته

لكن تقول المراة تقبل باي عمل ولا يهمها الراتب اما انت بتشترط 3 ملايين
وين راح تصيب هاد الخدمة؟ اذا كلنا نشترطو 3 ملاين واحد ما يخدم الا لي عندو معرفة رانا نعرفو المسؤولين كيفاه راهم يخدمو حاشا البعض
تقدر تحكم خدمة ب2 ملاين والا حتى مليون ونص حتى وتبقا تحوس حتى تلقا الخدمة لي تناسبك وتناسب مستواك الدراسي
جل الشباب راهم يقولو اواه هاد الخدمة ماتناسبش مستوايا انا قريت وسهرت ودرت بصح هكا عمركم ماراح تخدمو رغم انو كلش بيد ربي سبحانو وهو قادر على كل شيء

2 بالنسبة للتفوق في رايي الذكور اذكياء ومتفوقين على البنات لكن باخلين رواحهم قليل لي تلقاهم صح يقراو ومتفوقين على البنات
لانو البنات حسب مانشوف رغم انهم ماهمش اذكياء بقدر الذكور لكنهن يجتهدن ليدرسن ويكن افضل ( وهنا مانيش نعمم راني نهدر وش راني شايفة طبعا)

3 فرص العمل بالنسبة للمتقدمين رجل وامراة بنفس المستوى هدا مثل ماقالت الاخت مريم للاسف راجع لدناءة وخبث ارباب العمل
وانا معك في ان الرجل اولى بالوظيفة او العمل ودائما اندد بهذا لان الرجل لازم يبني مستقبلو وكيما قلت انت دار وزواج وعائلة من بع
لكن المراة تتزوج الراجل هو لي يصرف عليها ويعيشها
واذذا ماشي متزوجة والديها
ودائما لكل قاعدة استثناء نستثنيو لي تخدم على عائلتها الفقيرة او الارملة والمطلقة

وبالنسبة لشرط العمل في الخطبة ليس قراءة نقص هدا في تفكيري لانه شرطي ايضا
حبا للعمل لاني اكملت دراستي ولا زلت اضيفف دراسات اخرى ارغب في العمل ليس تفكيرا في مشاكل بعد الزواج او الطلاق
فقط الرغبة في العمل بعد اتمام الدراسة وبعد انجابي للاولاد لن اعمل (هدا رايي ولكل رايه الخاص)

اعذرني على الاطالة

كلامك صحيح في حالة اذا كنت انسان محتاج من عائلة فقيرة او محتاجة لكن عائلتي عكس ذلك تماما و ظروف مادية جيدة و انا الحمد الله غير محتاج لكن لدي اصدقاء وجدوا صعوبات في ايجاد
عمل مناسب للاسباب المذكورة سابقا و لهدا كتبت الموضوع ولازم كونوا واقعيين اذا لم اكن محتاج واش راح ندير ب راتب مليون في شهر نخدم من الاحد الى الخميس من الساعة 8 الى 5 مساء من اجل مليون من يقبل هذا هو انسان محتاج الله غالب ليس له حل اخر
شكرا