هل هي وقحة لو قالت لك أحبك ؟؟؟

[هشام مادي]

حدث لي هدا مند 3سنوات لما كنت في السنة 1 جامعي كنت نقرا في مدرج كبير تاع الحقوق منيش عارف فيه وحد 300 طفلة اما الدكور مايلحقوش 50
المهم خرجت من ليكور فادا بشخص يمسكني من الخلف دورت لقيتها بنت صدقيني لم اررها في حياتي قالتلي حبيت نعطيك هدي وجبدت ورقة ومدتاهلي قلتلها واش هدي قالتلي هدي ليك من من سكتت جيت نفتحها توترت قلتلها انتي تقراي معاي قالتي ايه انا تقريبا فهمت قلتلها معليش نقراها ونتلاقاو خطرا خلاف وراحت انا ماصبرتش مشيت خطوات وفتحت الورقة وبالفعل ماتوقعته وقاحة

قالتي/لاتعتبرها جراة مني لكني لم استطع ان انساك طيلة السنة مع اني مشفيتش عليها ثم كتبت اريد ان اقول لك كلمة واحدة اعبر فيها عن كل مافي داخي احبك
ثم باللغة العامية كتبت خمم مليح وردلي الخبر
تصدمت انا واش هدي الجراءة والوقاحة ومن هداك نهار وليت كي نشوفها فالمدرج ندير بروحي مشفتهاش باش تعرف بلي هدي وقاحة فعلا
ةهدي قصة حقيقية صراتلي 2008
وجوابي على موضوعك اختي نعم هي وقاحة الطفلة ادا كانت عنها حشمة متديش هدو لحوايج سلام.