أنا شاوية و باه نتكلمو على عاداتنا لازم كتاب ب 1000 صفحة أو أكثر المهم المعروف علينا مثلا في الأعراس، عندنا العرس يدوم 7 أيام أو أكثر ونعرضو كامل الناس اللي نعرفوهم والأقارب من بعيد أو قريب ولازم نقومو بيهم حتى يروحو.و في الأعراس نحاولو تطبيع وتوطيد العلاقات مع أهل العروسين وهادي عادة ماشفتهاش عند بقية المناطق فمثلا أهل العريس يروحو 4 أيام متتالية عند أهل العروسة، اليوم الأول يروحو يديو النعجة ويجيبوا الشورة و الجهاز نتاع العروس، واليوم الثاني يروحو يحنيو على العروس ويديو شوية غاشي معاهم، واليوم الثالث اللي هو نهار العرس يروحو يجيبو العروس وماليها للدار أو la salle المهم وين دارو العرس، ويزيدو يروحو لليوم الرابع عند مالين العروس باه يجيبو القصعة نتاع الشخشوخة والحلوى و مالين العروس به يطلوا على بنتهم.
المهم أنا حبيت نحكي على هاد العادة عندنا و نظن أنو الهدف منها هو تحقيق تعارف أكثر بين أهل العرسان سواء الرجال أو النساء. ويتم كل هذا طبعا دون اختلاط بين الرجال والنساء لأن هاذ الشئ من الممنوعات عندنا.
واللي تحب la recette نتاع الزيراوي نعطيهالها
( تقرير عن مشاركة سيئة )، و الموجودة أسفل كل مشاركة .
2012-08-10, 18:44
العرض الشجري