إسأل نفسك ولو مرة.......!!!!

[soso sirin]

المشاركة الأصلية كتبت بواسطة morad81

من المظاهر الإجتماعية التي تكاد تغزو كل الميادين و تتخلل ذهنيات كل الأفراد وهي المعرفة و المزية(البليزير).
وهي ظاهرة نراها في كل مكان فيه الطوابير : عند الطبيب ..الإدارات ..المحلات ....الخ .

مع العلم أننا لا نقبل أن يتجاوز دورنا أحد ....

فهل سألت نفسك مرة : لون أنك وجدت في إحدى الأماكن التي ذكرناها من يقدمك على الآخرين ..هل ترفض بحجة أنك لن تتجاوز دورهم
أم أنك تمدح نفسك و تثني عليه بأن لك من المعارف ما يسهل سير حياتك......



لكم الكلمة وما رأيكم في هذه الظاهرة وهل حدثت معكم ......وشكرا مسبقا

؟والله الصح انا مانبغي حتا واحد يفوتني و تاني مانبغي حتا واحد نفوتو كل واحد يحترم بلاصتو والصح والله شحال نحشم كون واحد يدير فيا مزية سوغتو قدام الناس لانو علابالي بلي الناس كامل تولي تدعي عليا مي مانكذبش عليك كون نكون وحدي و تلاقيتو غير هكا و قالي نسهلهالك باه ماتريحيش في لاشان مانيش رايحة نقولو لالا والصح والله صراتلي مي ماقلت حتا لواحد كي تلاقيتهم ولا وليت فرحانة بالشي الي درتو لانو علابالي بلي حاجة ماشي نيشان مي انا الصح نكره الوقفة تاع لاشان على هكا نكره لابوست و نايفيتي ليامات تاع الغاشي .البليزير مليح الواحد كي يديرو و ماشي قدام الناس لانو الصح تبهديلة و تاني الواحد ماشي يفرح بيه لانو حاجة انوغمال