نـــــصائخ للــ¢ــمقبلين على شهادة البكــ}ـالوريا 2013 ¶ - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات التعليم الثانوي > منتدى تحضير شهادة البكالوريا 2025

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

نـــــصائخ للــ¢ــمقبلين على شهادة البكــ}ـالوريا 2013 ¶

 
 
أدوات الموضوع انواع عرض الموضوع
قديم 2012-08-04, 15:40   رقم المشاركة : 1
معلومات العضو
can't guess a name
عضو مشارك
 
إحصائية العضو










افتراضي

اقتباس:
المشاركة الأصلية كتبت بواسطة شهيستة مشاهدة المشاركة
السلام عليكم
صح فطوركم
فكرني الموضوع و القسم ككل بالعام اللي فات كي كونا كامل حابين نحضروا للباك ب 3 اشهر قبل ..ونحوسوا شكون ينصحنا وعلى داك ما حبيتش نبخل عليكم بمجموعة من النصائح زيادة على واش قلت من قبل - -- يلا سماحلنا الاخ صاحب الموضوع---

يعطيك الصّحة ختي ،، في ميزان حسناتكـ

بداية نبداو بالوقت اللي رانا فيه.. و صحاب الدروس الخصوصية ..نقوللكم اخطيكم خطرش تضياع وقت و مال كونو متاكدين العام الدراسي راح يكفيكم و زيادة وبزاف ناس مادرتش الدروس الخصوصية في العام و جابو الباك.. ونبهكم بلي الدروس الخصوصية في وسط العام راحين يدولكم كامل الوقت تاع week end.. امالا خلو الجمعة و السبت ليهم وشوية راحة

يا ختي الدروس الخصوصية تنحي 70 بالمية من التعب ،، ادا جيتي رح تقراي ساعتين درس خصوصي باش تفهمي درس معين ،، فالدار وحدك يلزملك 7 سوايع ،، انا و مدرتش لي كور فالمواد العلمية مكنتش رح نلحق و مكنتش رح ندي 17 =) .. راني معاك فالدروس الخصوصية تاع نص العام ؟ متفيدش بتاتا ،، لي حب يدير يبدا من بداية السنة و يعرف عند من يقرا

2- نجو للكراريس و الحوليات .. انا ننصحكم تحوسوا على كراريس قدم من دورك خاصة الفلسفة ت و ج وحتى الع شرعية و اللغات الاجنبية.. علاه ؟؟ لانو المواد الاخرى لغتها علمية متتبدلش بصح لخرين قادرين تجيبو منهم عبارات تعابير قادرة تاثر على المصحح -- وقادرين حتى تحفظوها منها في الامتحانات باش تجربو--- ..وما تكتروش المراجع عليكم لخطرش راح يضيعلكم الوقت في البحث -- عن تجربة-

الكراريس لا تسمن و لا تغني من جوع ،، يعني نوليلو للصح ،، تولي وسيلة تدفع للكسل ،، او ليو تحوسي نت باش تترسخ المعلومة في راسك تولي جيبيها واجدة ،، بزاف تلاميذ نعرفهم ،، متفوقين ،، جامي يعتامدو على كراريس قديمة ،، لأنو كل درس جديد تكوني مشوقة ليه تهتمي ،، تركزي مع الاستاذ ،، هو الصح ،، بالنسبة للمراجع ،، كيما قلتي ،، المختصر المفيد برك


وحدة من الناس كان عندي : الموجه السبيل الوافي و تاع للوزارة في العلوم...... السبيل زاد البيان و تاع الوزارة في الفيزياء ... الجديد و تاع الوزارة في الرياضيات ... السبيل المجتهد الممتا ز مستقبلي ومراجع اخرى في الفلسفة اضافة الى حوليات شاملة لجميع المواد ..وما قريتش منهم كامل كنت نعتمد على نصهم تقريبا و لخرين حتى للاختبارات و نحل منهم

عندك الحق ،، مام انا جربتها ،،

3- القراية في الباك راح تبانلكوم صعيبة في البداية بصح مع المراجعة اليومية و اليومية راح تولفو ..وقادرين تشوفو نقاط في حياتكم ما شفتوهاش بصح تكون دافع باش تزيدو تخدمو كتر.. و مديروش المعدلات الفصلية مقياس لمستواكم ..لخطررش يلا ديتو مليح راح تولو مغرورين و تتهاونو و يلا ما ديتوش تقطعو لياس و تقولو صايي الباك راح .. معدل الباك قادر يزيد ولا ينقص على واش جبتو




4- الحرب النفسية راح تلعب دور كبير في عامكم .. من العائلة.. من القسم .. من الناس كامل .. بصح ليك تكون عندكم ثقة كبيرة بقدراتكم وقادرين تجيبو نتائج ما كونتش حتى تحلمو بيها ههه ..ما تعطوهمش اهمية وخاصة الي يقولك الباك صعيب ..انا نهار حطولي الموضوع تاع الرياضيات -- المادة الي كنت نخاف منها-- ما امنتش راني في باك tellement كان ساهل ..الباك راهو ساهل كتر من اللي تصوروا لكن التحضير الجيد





5- في القسم .. الباك يبنلكم الصاحب الصحيح .. واللي يبغي مصلحتو واللي يغيير .. واللي ما يبغيلكش الخير ..واللي يبغيلك الخير
راح تشوفو ناس تجيبب و تدي و photo copie دايرة حالة و ما يحبوش يعطوك تدير عادي .. ننصحكم ب "ما عنديش و ما يخصنيش" ولا " البراكة في القليل" .... احرزوا رواكم من الخلطة يلا قاويتو لصحاب ما تفراش

بالأخص هاد النقطة ختي ،، راهم كاينين مواضيع ،، و المنتدى راه فيه كم هآآآآآئل ،، غير اقراو ،، واحد ما يتمزا عليكم ،،

6- الاهم واللي جربتو هو الثقة في ربي سبحانو..كثروا الدعاء و اطلبوا الاعانة و الصبر ..اقراو واش تيسرلكم من القران....- سر نجاحي و راحة نفسيتي و الله .. وما تقولوش ما كانش الوقت لوكان غير 5 دقائق .. فيها اجر

يعطيك الصّحة


ان شاء اله ربي يوفقكم كامل و تنجحوا بالمعدلات اللي راكم حابينها .. واتبشرونا كيما اليوم بنتائجكم

سلام


عذرآ على التعقيب ، ارتأيت أن أعلق ،، استسمحك إن أزعجتكـ

بالتوفيق ــ








 


 

الكلمات الدلالية (Tags)
2013, للــ¢ــمقبلين, البكــ}ـالوريا, شهادة, نـــــصائخ


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 15:42

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc