انا كي كنت صغيرة كنت عاقلة بزاف كيما يقولو امانة حتا كنت نكره روحي.مي كي وليت نكبر شوية تعلمت القباحة شوية مي واش نقلك يا ليليا اللعب الي لعبتو في الكارطي تاعنا كون الطريق تهدر كانت عندها ماتشتكي مني لعبت كل شي و وصلت كنت نفوت في البوياف و عندي البوبيات نلعب بيهم.و كون طيرلي ضروك بلاك نلعبهم هههههههه.والله ليامات تاع الصغر وحدهم واش كان يعجبني لما نلعب و مانخمم في حتا حاجة و كان ياذن المغرب و انا مازالني قدام الباب و اختي تقولنا ماتدخلوش فوتو الصح كنت نخاف منها مي ارواحي شوفيني ضروك راني قريب ناكلها .كون نصيب نرجع ليامات تاع الصغر على جال حاجة وحدا برك عقلي كان فارغ من المشاكل كلشي ساهل كانت الحاجة الصعيبة هي غدوة مين نجيب الحجر باه نبني الدار الي راح نلعب فيها.اما من جهة التقلاش و الحاجة الي نبغيها نديها و الرايس اليابس و الانانية الي تكون في الصغر مازالت عندي هي هي نقصت غير شوية انانية برك لانو الي مقلشني مازالو معايا و ربي يطولو في عمرو حتى يشوف ولاد ولادي ان شاء الله
( تقرير عن مشاركة سيئة )، و الموجودة أسفل كل مشاركة .
2012-08-04, 00:37
العرض الشجري