ارائكم تهمني ............ تفضلو بدخول

[soso sirin]

المشاركة الأصلية كتبت بواسطة sousou. Dz

السلام عليكم ورحمة الله
موضوع اول

ماهوش من حق اي اخ انو يرفد يدو على اختو لانو عندها باباها الحمد الله و حتا و مايكونش نوغمالمو هو يصونها و يحميها ماشي يضربها لانو كاين شي خاوة والله غير يحرقو خواتهم نيشان تحسب راه يصرف عليها و لا تحسب راهي جارية عندو و ممكن يضربها لانو الما راه قدامو و مابغاتش تجي من لاشومبغ تاعها و تمد الما لسي السيد و هنا والله الديفو راه في الوالدين لانو كاين الي يقوو الذكور على لبنات مي اذا دارت حاجة كبيرة و لا من النوعية الي ماتفهمش الا بالهراوة لانو كاين شي بنات مايفهموش بالهدرة تحسب راك تهدر معاهم بالجابونية هو يهدر هاك و هي والو تم تستاهل الهراوة.مي انا ضد فكرة الضرب الا في الحالات الخاصة برك و اي راجل يرفد يدو على اي امراة مايجينيش راجل و يطيح من عيني و يكون واش يكون

الموضوع التاني
انا ليوم جيت وحبيت اطرح عليكم هدا السؤال ولي هو

لو عارف موعد موتك اش راح تصلح قبل الموعد ساعه *** طبعا العمر كلو **

انا اول شيء اروح اتوضي وصلي حتى اموت وانا ساجدة وانتوما واش ديرو

اول حاجة نخمم فيها انو نروح للناس الي نبغيهم و نطلب السماح منهم لاني تعبتهم معايا و نطلب السماح ملي ظلمتهم مع انو انا من الناس الي نبغي نعيش مظلومة و ماشي ظالمة ماخصنيش ذنوب على رقبتي.و لازم ندير هذا الشي بلخف و اذا كانو قراب مني و اذا ماكانوش قراب مني نكتب برية و نخليهالهم و نروح نتوضى و نصلي و ندعي ربي باه يغفرلي و ان شاء الله الواحد يموت و ربي راضي عليه و العباد مايسالولي حتا حاجة

موضوع الثالث

السلام عليكم ورحمة الله وبركاتة
1-" الصديق وقت الضيق "

2-"احذر عدوك مرة واحذر صديقك الف مرة.. لربما انقلب الصديق يوماً فكان أعلم بالمضره "

تلك العباراتين واضحه .. ولا تحتاج أي شرح ..

لكن هناك سؤال ..

هل أنت مع العبارة الاولى أم الثانية ..؟ ولماذا ..؟
مقولتين متناقضتين .. لكن آرأئكم تهمني .

الصديق وقت الضيق لانو صح كاين شي اصدقاء والله ماشاء الله تلقاهم كل ماتحتاجهم و بلا مانطلب يحسو بلا مانقلهم بلي راني مقلقة و المقولة الثانية لانو كاين شي ناس انت تامنهم و دير فيهم ثقة مي هوما كيما الافعى ماتحسيش بيها الا وهي كملت معاك .انا الصح مكانش وحدا دارت عليا و الحمد الله صحاباتي كامل كانو ناس ملاح تلاقينا بالخير و تفركتنا بيه و كاين الي مازالني معاهم و في حياتي و حدا فيهم ماتوشاتني و لا ضرتني مي هي كلشي مبني على شخصية الصديق لانو كاين شي ناس مايتامنوش نهائيا و كاين الي تمديلها عينيك و ماشي خسارة فيها

ارجو اجابة من اعضاء على كل موايضع هادي الصفحة وسلام عليكم

صح فطورك اسماء و انتي قويتي الاسئلة و انا طولت في الاجابة ان شاء الله مانكونش كثرة الهدرة كاين الي راه مايعجبوش الحال مي انا راني في داري و نهدر كيما راني باغية و لا واش اسماء

[SOUSOU. DZ]

المشاركة الأصلية كتبت بواسطة soso sirin

صح فطورك اسماء و انتي قويتي الاسئلة و انا طولت في الاجابة ان شاء الله مانكونش كثرة الهدرة كاين الي راه مايعجبوش الحال مي انا راني في داري و نهدر كيما راني باغية و لا واش اسماء

الله يسلمك هههههههههههههه معليش والله استمتعت بردك وربي يبارك في ولا يحرمنا منك ياربي ومنردودك لالا اختى انا من ناس لي يعجبهم الحال تاع الصح ونستمتع مليح .................. ولا كيما قلتي دار دارك ومرحبا بيك في كل وقت