واش رايكم في هذا الزواج

[لؤلؤة الفردوس]

المشاركة الأصلية كتبت بواسطة soso sirin

اه يا خولة راجلك ناس ملاح كاش نهار يديرلك عقاب يقلك ماتروحيش ليهم مدة عام راكي شفتيهم بزاف عليك ههههههههه.راني نتمسخر برك.شوفي ياخولة مليح انك رديتي عليا هكا باه نسقسيك وحد الحاجة كي كل يوم تروحي لداركم واش تحسي معنتها تحسي بلي كاين فرق بين كي كنتي متزوجة و كي راكي عازبة و مرواحك لداركم معنتها كي ماتلقاي ماديري تروحي ليهم و لا حتا يحتاجوك و مرواحك لداركم انتي ماراهش ماثر على حياتك مع راجلك معنتها ماراهش دايرلك مشكل و لا مرات يتقلق منك .و انتي ماراكيش تباتي تروحي وقت مايكونش في الدار مادام تسكنو قراب مي ولي تسكن بعيد و تروح تبات و تخليه هو في الدار و الي تسكن خارج الولاية و تخرجو من رحمة ربي باسطوانة ديني لدارنا ديني لدارنا و التشناف و هوما هادرين منقبل انو الحال بعيد و هو مايقدرش يديها و مانهدروش على حالات توصل للطلاق علاجال اديني لدارنا و هي عندها يا ربي ملي جات منعندهم و كي يقلها لالا تجبدلو بنات العايلة كامل وقتاش يروحو و قتاش يجو .نقلك حاجة خولة انا اختي نهار تزوجت قالها نخليك تروحي لداركم كل شهر و لا شهر و نص و تباتي يومين و لا 3 و ترجعي كي ولات تجي عندنا هكا وحد النهار قتلها احوجينا خلينا نتوحشوك يا بنتي راني حاساتك ماخرجتيش كامل من الدار قاتلي غدوة كي تتزوجي و تشوفي .خولة اذا مابغيتيش تردي على واش سقسيتك معليش ماهيش اسئلة اجبارية .صح فطورك

لالا أختي نجاوبك ماعندي حتى مانع

كي كل يوم نروح لدارنا يعني ماشي نقعد نهار كامل يوصلني راجلي من الباب نسلم عليهم و نقصر شوية يعني مانفوتش ربع ساعة و خطرات 5 دقايق نكره ههههههه هاكذا نحس روحي مازلت عزباء مانتنغبنش و كيما قلتي خطرات يحاوزوني يقولولي ماتزيديش تجي شدي دارك بصح الله غالب مكاش واش ندير خاصة في العطلة و انا نروح وخلاص زيارة سرييييعة و خاطفة ههههه المهم نخرج من الدار كيمت قلتي هههههه و راجلي ماراه دايرلي حتى مشكل بالعكس بالفرح و السرورو سقسيتي اذا نبات انا جامي نبات في دارنا و نخلي راجلي يبات وحدو اذا نبات نبات خطرة في العيد و هو ثاني يبات معايا ههه بالمناسبة هاذي عندنا في كل أفراد العائلة و كي مايكونش راجلها في الدار تحكم الطوموبيل و تروح وحدها المسافة ماتفوتش 5 دقايق و كيما قالت أختي أنا مانتزوجش قريبة للدار لازم نروح بعيد باش كي نتوحشكم نجي نشوفكم هههههه راهي تمعنلي أختي سيرين راكي تشوفي كرهو مني هههه