سن اليأس من الوظيفة العمومية...........

sarl02 · 2012-07-28, 01:24

اياك والياس وتاكد من حاجة برك انه لو اجتمع الجن والانس باش انحولك حاجة كاتبهالك ربي والله ما يقدرو ...انا كنت ناجح في مسابقة من 14 منصب من بين 3000 مترشح وكنت مكلاسي 8 من 14 ...وتم بتواطؤ محكم من احدهم ازاحتي الى المرتبة 18 يعني وليت الرابع في القائمة الاحتياطية ...المهم صرا واش صرا واتعلقت كلا القائمتين الاساسية والاحتياطية واخوك منا قطع لياس ووكل ربي سبحانه .....لكن الي كاتبة كاتبة يا اخي وربي في الموجود....بعد اقل من سنة اصدر الوظيف العمومي التعليمة الخاصة باحقية الاحتياطيين في المناصب المالية للسنة المقبلة ...والحمد لله تم استدعائي مجددا و ارجعلي المنصب تاعي وبطريقة شرعية ...لذا اقول لك شد في ربي وما تقطعش لياس ومهما بلغت درجات التعفن والعرف الدراهم والله ستنال مرادك في يوم من الايام .