سن اليأس من الوظيفة العمومية...........

morad81 · 2012-07-26, 22:25

سوق العمل في الجزائر تزداد سوءا خاصة في الوظيفة العمومية فكم ينتابك الأسى و الأسف لما تدخل مسابقة مفتوحة لمنصبين أو ثلاثة حتى خمسة على

أقصى تقدير ....
في المقابل تجد أن عدد المترشحين لهذين المنصبين يفوق 700 مترشح ....... .معادلة توظيف لها حل وحيد ...وهو نجاح مترشحين من أصل 800

وكثيرة هي الأمثلة .......

لكن ما زاد في الأمر سوء هوتحديد السن في العديد من الوظائف التي تكون فيها المناصف متعددة كالشرطة التي كانت تقبل بالمترشحين حتى سن 35 والحماية المدنية و الجمارك .....

و أخيرا الوظائف التي أصبحت تحدد السن أقل من 28 في القطاعات الأخرى ....وها هي سوناطراك تطلب سن 30.

فهل ياترى الشاب يكون قد وصل لسن اليأس من الوظيفة العمومية ببلوغه الثلاثين ؟

تحياتي ولكم النقاش .......مفتوح ...صح رمضانكم ومرحبا بكم

--------------------تنبيه ---------------------------------------------------------------------------------

الموضوع يتكلم عن الوظيفة العمومية حتى لا يفهم من كلامي أنه تشكيك أو يأس من رحمة الله و الرزق المكتوب

وللعلم أنني لم أتجاوز الثلاثين سنة بعد

مريم الصابرة · 2012-07-26, 22:32

السلام عليكم اخي مراد صحا فطورك خويا
وما تتقلق ما والو المكتوب عند الله ورزق حد ما يديه حد صح راني معاك الخدمة في بلانا ولات بشرزط كبيرة ولما تتقدم وتكون عندك مؤهلات وشهادات لكن فالمقابل ممكن يتوظف شخص ما عندو لا علاقة لا بالشهادة ولا بالتأهيل فقط المعرفة والرشوة خلاو هوصل للماكن اللي هو فيه نحكيكل حاجة خويا جراتلي ليا قبل ما نمرض وتدهور حالتي كنت قادرة نعمل رحت للبلدية ن كانو يبعثو بنات يخدمو فالبريد انا والدي متوفي وما عندي حتى عائل من غير والدتي وكنت ندرس فاجامعة وعندي شهادة الباكالوريا وشهادة الإعلام الآالي تخيل يختارو وحدة كانت تدرس معايا في نفس القسم مستوى 3 ثانوي وعندها الله يبارك فالدار بزاف رجال خاوتها قاجرين يخدمو عليها وزيد شهادتها نتاع الإعلام الآلي من عند الخواص وانا من عند الدولة وهي قبلوها وانا لالا علاه لأانو رئيس ابلدية فاميلتها شفت بلادنا كيفاه تمشي المهم الرزق على الله خويا وشكرا

morad81 · 2012-07-26, 22:36

اقتباس:

المشاركة الأصلية كتبت بواسطة مريم الصابرة

السلام عليكم اخي مراد صحا فطورك خويا
وما تتقلق ما والو المكتوب عند الله ورزق حد ما يديه حد صح راني معاك الخدمة في بلانا ولات بشرزط كبيرة ولما تتقدم وتكون عندك مؤهلات وشهادات لكن فالمقابل ممكن يتوظف شخص ما عندو لا علاقة لا بالشهادة ولا بالتأهيل فقط المعرفة والرشوة خلاو هوصل للماكن اللي هو فيه نحكيكل حاجة خويا جراتلي ليا قبل ما نمرض وتدهور حالتي كنت قادرة نعمل رحت للبلدية ن كانو يبعثو بنات يخدمو فالبريد انا والدي متوفي وما عندي حتى عائل من غير والدتي وكنت ندرس فاجامعة وعندي شهادة الباكالوريا وشهادة الإعلام الآالي تخيل يختارو وحدة كانت تدرس معايا في نفس القسم مستوى 3 ثانوي وعندها الله يبارك فالدار بزاف رجال خاوتها قاجرين يخدمو عليها وزيد شهادتها نتاع الإعلام الآلي من عند الخواص وانا من عند الدولة وهي قبلوها وانا لالا علاه لأانو رئيس ابلدية فاميلتها شفت بلادنا كيفاه تمشي المهم الرزق على الله خويا وشكرا

شكرا مريم الله يفرج عليك و يكون لك عون و يعطيك أجر الصبر

لا لاأقصد أن مكتوب ربي أنه ينقطع الحمد لله ......لكن من حق الشباب أن يتفاءل أو يتحسر على الوضع ......و ترى متناقضات كبيرة جدا .........المكتوب يلحف لكن إطمئنان القلب في هاته الحياة يكون بإتخاذ الأسباب ...ووجود الفرص ...

مريم الصابرة · 2012-07-26, 22:43

اقتباس:

المشاركة الأصلية كتبت بواسطة morad81

لا لاأقصد أن مكتوب ربي أنه ينقطع الحمد لله ......لكن من حق الشباب أن يتفاءل أو يتحسر على الوضع

السلام عليكم اخي اكيد المكتوب حاجة وربي ما قالناش أبقاو في بيوتكم لازم نسعاو ونخدمو نكسبو رزقنا لكن خويا واش دير راهم هم المسؤولين وإحنا ولفناهم ما نهدروش على حقنا لأانو زمان كان صاحب الحق معاه كل الناس اليوم صاحب الحق مدان
ربي يجيب الخير خويا وربي يرزقك الوظيغة اللي تليق بيك موفق

morad81 · 2012-07-26, 22:46

اقتباس:

المشاركة الأصلية كتبت بواسطة مريم الصابرة

السلام عليكم اخي اكيد المكتوب حاجة وربي ما قالناش أبقاو في بيوتكم لازم نسعاو ونخدمو نكسبو رزقنا لكن خويا واش دير راهم هم المسؤولين وإحنا ولفناهم ما نهدروش على حقنا لأانو زمان كان صاحب الحق معاه كل الناس اليوم صاحب الحق مدان
ربي يجيب الخير خويا وربي يرزقك الوظيغة اللي تليق بيك موفق

شكرا يعطيك الصحة وربي يشافيك بفضل هذا الشهر الكريم......تحياتي مريم

مزالنا واقفين · 2012-07-26, 22:56

اذا ربي كتبنا نخدمو تماك رانا نخدمو قبل داك اللاج و اذا ربي ما كتبناش تماك راه مكتبنا رزقنا في جيهة اخرى تجارة أو حرفة اخرى
المهم ما لازمش يصرانا كيما داك العود لي دايريله القيد غطوه عينيه وخلوله غير اتجاه واحد شوف فيه

محمد...عبد النور · 2012-07-26, 23:11

السلام عليكم أخي مراد 81
كيف حالك أخي الغالي
و الله التقدم للوظائف قد اخذ من عمري سنين ذوات عدد فلقد تخرجت في 2003 و بعدها اديت الخدمة الوطنية --لماذا؟ فقط لاخذ بطاقة الاداء لكي استطيع ايداع ملف التوظيف و من ذاك الوقت و انا مع المسابقات و كل عام يمر يزداد اسراري و ازداد حفظا و دراسة للمواضيع التي يمتحن فيها حتى صرت تقريبا احفظ كتاب في القانون الاداري للاستاذ ناصر لباد و اعرف كل الدروس و كان كتاب قيم افادني كثيرا و لم ايأس و صراحة كنت امتحن في الادارة فقط
الوظائف الاخرى لم اتطلع لها لاسباب متعددة و اكره ما اكره هو المثبطين الذين يقولون --الوظيفة هذه صاحبها راه باين رانا غير نضيعوا في وقتنا -- و الله اكرههم ، سبحان الله يعلموا الغيب ، كلشي بالمكتوب و اللي كاتبلوا ربي يديها و الله صراحة كم من مسابقة كنت اظن اني لم احضر لها و لم اجب عليها جيدا وجدت نفسي في الملرتبة الثانية و الله معاك بصح
لكن الحمد لله من الله علي بوظيفة كان عدد المشاركين 2800 مشارك على 47 منصب و الحمد لله و الله لا معرفة و عرف و لا دراهم ، ربي يسر الامر و نجحت و الله كنت احتلت في 4 مسابقات قبلها المرتبة الثانية و هي قلت مستحيل انجح فيها لكن الله يسر امري فيها
و الان مرت سنة و انا اعمل
فقط لا تيأس و اتخذ الاسباب و اجتهد و الله لا يضيع تعبك و اكثر الدعاء و لن تخيب
ربي يوفقك و ينجحك في حياتك و يرزقك كل خير
ســـــــــــــــــــــــــــــــــــلام

morad81 · 2012-07-27, 02:22

اقتباس:

المشاركة الأصلية كتبت بواسطة لذريق

السلام عليكم أخي مراد 81
كيف حالك أخي الغالي
و الله التقدم للوظائف قد اخذ من عمري سنين ذوات عدد فلقد تخرجت في 2003 و بعدها اديت الخدمة الوطنية --لماذا؟ فقط لاخذ بطاقة الاداء لكي استطيع ايداع ملف التوظيف و من ذاك الوقت و انا مع المسابقات و كل عام يمر يزداد اسراري و ازداد حفظا و دراسة للمواضيع التي يمتحن فيها حتى صرت تقريبا احفظ كتاب في القانون الاداري للاستاذ ناصر لباد و اعرف كل الدروس و كان كتاب قيم افادني كثيرا و لم ايأس و صراحة كنت امتحن في الادارة فقط
الوظائف الاخرى لم اتطلع لها لاسباب متعددة و اكره ما اكره هو المثبطين الذين يقولون --الوظيفة هذه صاحبها راه باين رانا غير نضيعوا في وقتنا -- و الله اكرههم ، سبحان الله يعلموا الغيب ، كلشي بالمكتوب و اللي كاتبلوا ربي يديها و الله صراحة كم من مسابقة كنت اظن اني لم احضر لها و لم اجب عليها جيدا وجدت نفسي في الملرتبة الثانية و الله معاك بصح
لكن الحمد لله من الله علي بوظيفة كان عدد المشاركين 2800 مشارك على 47 منصب و الحمد لله و الله لا معرفة و عرف و لا دراهم ، ربي يسر الامر و نجحت و الله كنت احتلت في 4 مسابقات قبلها المرتبة الثانية و هي قلت مستحيل انجح فيها لكن الله يسر امري فيها
و الان مرت سنة و انا اعمل
فقط لا تيأس و اتخذ الاسباب و اجتهد و الله لا يضيع تعبك و اكثر الدعاء و لن تخيب
ربي يوفقك و ينجحك في حياتك و يرزقك كل خير
ســـــــــــــــــــــــــــــــــــلام

و الله أخي ليس يأسا ........ولكنها أمور تستفز الشباب ....الحمد لله أنا وضعي الحالي جيد ليست لدي مشاكل مادية ......ولكن أقول لك يا لذريق

وكأنك تتكلم عني فتجربتك مررت به انا .كذلك وو الله يعجبني مثل هذا التفكير ......

وقصدي من الموضوع هو تدخلكم و إعطاء تجارب حية من الواقع المعاش سوف تثلج صدور الكثيرين ممن ضاقت بهم الأمور .

و أعجبني عرضك لحالتك قد يستفيد منها الكثير .

و أنا معك في كل ما قلته خاصة العبارة التي أحاربها هي : البلاصة مولاها راه باين .

و الله ثقتي في الله أكبر و الحمد لله ....

و مبروك عليك المنصب .

صدقني أخي لذريق شاركت في العديد من المسابقات حتى أنني لم أحصها .......

كنت أحتل المراتب الأولى لكن لم يكتب لي التوظيف وهذا لأي سبب من الأسباب .

مسابقة الشرطة مرتين نجحت في كامل المسابقات .......ولم يكتب لي النجاح النهائي .

نجحت في مسابقتين نجاح نهائي ....... طلب منا شهادة الإقامة لم تكن لدي ....المهم إستفتيت في الحصول عليها .....فقالوا لي حرام شرعا لأن فيها إشهاد كاذب... وحصلت عليها بصفة قانونية .لكنني رفضت الإلتحاق و الله أعلم بالقصد

ونجحت في مسابقة أخرى في إحدى الجامعات فتحصلنا خمسة مترشحين على نفس المعدل أخذوا مترشحين وبقينا في الإحتياط ....لماذا؟

نجحت في مسابقة مقتصد مرتبة الثانية في مركز الطفولة المسعفة منصب واحد ....ولم يلتحق الأول ......فقرروا إعادة المسابقة ......لماذا؟

أما المسابقات الأخرى فدائما في الإحتياط ........
اربع سنوات تعليم كمستخلف .....ولما جاء الإدماج لم ندمج بحجة عدم ملاءمة الشهادة ..........كل هذا لأن الله لم يكن ليكتب لي هذا و الحمد لله.

والمعروف علي يا صديقي لذريق أنني لا أتراجع في إجتياز المسابقات مهما كلفتني ......و الحمد لله ...و لا أأمن بالغش في المسابقات و لا المعريفة.....و الله أعلم و الموفق.

محمد...عبد النور · 2012-07-27, 11:06

اقتباس:

المشاركة الأصلية كتبت بواسطة morad81

و الله أخي ليس يأسا ........ولكنها أمور تستفز الشباب ....الحمد لله أنا وضعي الحالي جيد ليست لدي مشاكل مادية ......ولكن أقول لك يا لذريق

وكأنك تتكلم عني فتجربتك مررت به انا .كذلك وو الله يعجبني مثل هذا التفكير ......

وقصدي من الموضوع هو تدخلكم و إعطاء تجارب حية من الواقع المعاش سوف تثلج صدور الكثيرين ممن ضاقت بهم الأمور .

و أعجبني عرضك لحالتك قد يستفيد منها الكثير .

و أنا معك في كل ما قلته خاصة العبارة التي أحاربها هي : البلاصة مولاها راه باين .

و الله ثقتي في الله أكبر و الحمد لله ....

و مبروك عليك المنصب .

صدقني أخي لذريق شاركت في العديد من المسابقات حتى أنني لم أحصها .......

كنت أحتل المراتب الأولى لكن لم يكتب لي التوظيف وهذا لأي سبب من الأسباب .

مسابقة الشرطة مرتين نجحت في كامل المسابقات .......ولم يكتب لي النجاح النهائي .

نجحت في مسابقتين نجاح نهائي ....... طلب منا شهادة الإقامة لم تكن لدي ....المهم إستفتيت في الحصول عليها .....فقالوا لي حرام شرعا لأن فيها إشهاد كاذب... وحصلت عليها بصفة قانونية .لكنني رفضت الإلتحاق و الله أعلم بالقصد

ونجحت في مسابقة أخرى في إحدى الجامعات فتحصلنا خمسة مترشحين على نفس المعدل أخذوا مترشحين وبقينا في الإحتياط ....لماذا؟

نجحت في مسابقة مقتصد مرتبة الثانية في مركز الطفولة المسعفة منصب واحد ....ولم يلتحق الأول ......فقرروا إعادة المسابقة ......لماذا؟

أما المسابقات الأخرى فدائما في الإحتياط ........
اربع سنوات تعليم كمستخلف .....ولما جاء الإدماج لم ندمج بحجة عدم ملاءمة الشهادة ..........كل هذا لأن الله لم يكن ليكتب لي هذا و الحمد لله.

والمعروف علي يا صديقي لذريق أنني لا أتراجع في إجتياز المسابقات مهما كلفتني ......و الحمد لله ...و لا أأمن بالغش في المسابقات و لا المعريفة.....و الله أعلم و الموفق.

الله يبارك فيك أخي مراد و ربي يزيدك قوة و ثبات
فقط أبشرك و الله بإذن الله راه باقيلك غير شوية و ربي يفتح عليك
و ان شاء الله ربي راه أخر عليك الامر فقط ليعطيك الافضل و هذا حقيقة فقط زيد شوية و ان شاء الله تفرح و تبشرنا بالخير
فقط نحكيلك وحد المنام رأيته قبل النجاح:

كأنني كنت في بلدية او قرية لا أعرفها فوجدت صديقا لي منذ زمن الابتدائي فعانقته و كان مصابا بالزكام -- في الواقع لا القاه الا نادرا لانه مجند بالجيش -- و اسمه عبد القادر فقال لي : ان داود -- و هو شخص صديق لي و ايضا مجند في الشرطة -- قال له عني راه مغبون و فقلت له :باقي غير شوية و حلقت (شكلت باصابعي حلقة صغيرة ) بالسبابة و الابهام و تركت فرجة صغيرة للتدليل على المعنى و قلتله راني مزير روحي و الواحد يدير لي عليه
المهم كأني مشيت وحدي نحو الشرق-- في هذا المكان-- فاشرقت شمس و صعدت فوق الافق بقليل ثم جاء شيئ مثل الغيم و اختفت و بعدها اشرقت(2) شمسين و بعدهما حدث لهما نفس الشيئ و اختفتا و بعدها اشرقت (4) شموس ثم اختفت هذه الشموس و انا متعجب في المنام و قلت الحمد لله ، مزية ما جاتش في يد العباد -- يعني التحكم في الشمس -- و بعدها بدأت أقول في المنام -- اللهم اجعلها واحدة ، اللهم اجعلها واحدة --باللغة الفصحى و انتهى المنام
و الله لما اصبحت تعجبت من المنام ، في حياتي ما شفت مثله شمس ثم شمسين ثم اربعة شموس و الله أمر عجيب
أولته أمر آخر لكن أظنه كان على الوظيفة و الله أعلم
ربي يوفقك أخي و يرزقك خير الدنيا و الاخرة
ســــــــــــــــــــــــــلام

morad81 · 2012-07-27, 12:31

اقتباس:

المشاركة الأصلية كتبت بواسطة لذريق

الله يبارك فيك أخي مراد و ربي يزيدك قوة و ثبات
فقط أبشرك و الله بإذن الله راه باقيلك غير شوية و ربي يفتح عليك
و ان شاء الله ربي راه أخر عليك الامر فقط ليعطيك الافضل و هذا حقيقة فقط زيد شوية و ان شاء الله تفرح و تبشرنا بالخير
فقط نحكيلك وحد المنام رأيته قبل النجاح:

كأنني كنت في بلدية او قرية لا أعرفها فوجدت صديقا لي منذ زمن الابتدائي فعانقته و كان مصابا بالزكام -- في الواقع لا القاه الا نادرا لانه مجند بالجيش -- و اسمه عبد القادر فقال لي : ان داود -- و هو شخص صديق لي و ايضا مجند في الشرطة -- قال له عني راه مغبون و فقلت له :باقي غير شوية و حلقت (شكلت باصابعي حلقة صغيرة ) بالسبابة و الابهام و تركت فرجة صغيرة للتدليل على المعنى و قلتله راني مزير روحي و الواحد يدير لي عليه
المهم كأني مشيت وحدي نحو الشرق-- في هذا المكان-- فاشرقت شمس و صعدت فوق الافق بقليل ثم جاء شيئ مثل الغيم و اختفت و بعدها اشرقت(2) شمسين و بعدهما حدث لهما نفس الشيئ و اختفتا و بعدها اشرقت (4) شموس ثم اختفت هذه الشموس و انا متعجب في المنام و قلت الحمد لله ، مزية ما جاتش في يد العباد -- يعني التحكم في الشمس -- و بعدها بدأت أقول في المنام -- اللهم اجعلها واحدة ، اللهم اجعلها واحدة --باللغة الفصحى و انتهى المنام
و الله لما اصبحت تعجبت من المنام ، في حياتي ما شفت مثله شمس ثم شمسين ثم اربعة شموس و الله أمر عجيب
أولته أمر آخر لكن أظنه كان على الوظيفة و الله أعلم
ربي يوفقك أخي و يرزقك خير الدنيا و الاخرة
ســــــــــــــــــــــــــلام

يارب تجعل تأويلها خير لك .........

و الله أخي لذريق لدي الكثير من المواقف مع التوظيف حتى أصبحت أضحك لمجرد حصول عائق أمامي ......و أقول اللهم أغننا بحلالك عن حرامك

SABI 43 · 2012-07-26, 23:16

لا تأيس يا أخي فإن كل شيئ مقدر لك سيصلك حتى لو كنت في الأربعين

morad81 · 2012-07-27, 02:29

اقتباس:

المشاركة الأصلية كتبت بواسطة sabi 43

لا تأيس يا أخي فإن كل شيئ مقدر لك سيصلك حتى لو كنت في الأربعين

و الله ثقتي بالله أقوى و الحمد لله و قد إكتسبتها من الواقع المعاش ..........

لكن كيف ترى هذه الشروط التي توضع ؟

soso sirin · 2012-07-27, 00:58

اذا درت على بلادنا يا مراد نهار تتخرج من الجامعة الواحد يروح يدير دوموند تاع لاغوتغات امالا غير اتكل على ربي سبحانو هو ان شاء الله رايح يكتبلك حاجة مليحة و ماديرش عليها كامل بلاك مرات لما تحسها تبلعت في وجهك راح يحلها من عندو و الخير ماتعرفوش وين راه . و انا نعرف ناس بزاف والله حتى قطعو لياس و ربي مدلهم وحد الخير ماكانوش اصلا يتوقعوه. و زيد الشعب تاعنا الي راه حاكم الدولة تاعنا كون دير عليهم والله تخفاف من عقلك و ربي ان شاء الله يرزقك بخدمة في القريب العاجل

morad81 · 2012-07-27, 02:32

اقتباس:

المشاركة الأصلية كتبت بواسطة soso sirin

اذا درت على بلادنا يا مراد نهار تتخرج من الجامعة الواحد يروح يدير دوموند تاع لاغوتغات امالا غير اتكل على ربي سبحانو هو ان شاء الله رايح يكتبلك حاجة مليحة و ماديرش عليها كامل بلاك مرات لما تحسها تبلعت في وجهك راح يحلها من عندو و الخير ماتعرفوش وين راه . و انا نعرف ناس بزاف والله حتى قطعو لياس و ربي مدلهم وحد الخير ماكانوش اصلا يتوقعوه. و زيد الشعب تاعنا الي راه حاكم الدولة تاعنا كون دير عليهم والله تخفاف من عقلك و ربي ان شاء الله يرزقك بخدمة في القريب العاجل

و الله الحمد لله على ما أعطى و الحمد لله على ما أخذ .....

و الموضوع و إن خرج نوعا ما عن المقصود حسب النقاش لكن أردت تسليط الضوء على الشروط التي من شأنها تغلق باب الأمل أمام الشباب.

رقة الحياة · 2012-07-27, 01:02

المشكل في المسابقات على اساس الشهادة و التي سيتم اعتمادها في جميع القطاعات و الوضائف
يعني لي متخرج بمعدل 10 ما كانش الخدمة