اقتباس:
المشاركة الأصلية كتبت بواسطة فارسة النور
السلام عليكم
شكرا على الموضوع المفيد و القيم جزاك الله خيرا
حبيت نسقسيك انا بعتوني تخصص : دكتور في الطب ، جامعة قسنطينة 3
الاستفسارات اللي عندي :
الٌاقامة تاع لبنات وين ؟ وهل الظروف جيدة ؟ مادا عن الأمن ؟؟؟
كان ويفي ولا لا لا ؟؟؟ و سرعته مليحة ولا ماكلاه نشريو حنا ؟؟
بخصوص التسجيلات عاجل : من 26 - 30 وين نروحو نسجلو فالشالي ؟؟ ولا وين ؟؟ ممكن توضحلي وين يجيو بالضبط
و الملفت تاع المنحة و الاقامة نديوهم معانا ولا ماكلاه
مادا يجب ان نأخد معنا خلال التسجيل يعني الوثائق اللازمة
تاني كترت عليك حبين نسقسي على لقراية وقتاش تبدا
و لي شومبر تاع بنات قداه يعبيو و ما نقدرو نخيرو لي معانا و لا لا ؟؟؟
شكــــــرا جزيلا
انتظر الااجابة
بارك الله فيكم
|
الإقامة تع البنات العام لي فات في نحاس مي السنة العلم لله بالاك فالخروب ولا إذا حلو تع النوفال راح يلمونا كامل لتم
أنا بعتوني لنحاس نقولك عليها الظروف ليست جيدة خاصة بالنسبة للسنة أولى مي مع الوقت تقدري توالفي،ادعي برك يحلونا النوفال، الويفي كاين مي السرعة مش مليحة وبالمناسبة كلش مجاني ماتحتاجيش تشري
التسجيل العام لي فات كان في الشالي بالنسبة لطلبة الطب والصيدلة وطب الأسنان معلاباليش اذا كاين تغييرات السنة،
ملف الغقامة لازم تديع معاك نهار التسجيل أما تع المنحة تقدري تديه في سبتمبر
الوثائق اسمحيلي ماشفيتش مليح نورمالمون راكي وجدتيهم درك وعلابالك بيهم
القراية العام لي فات بدات في 25 سبتمبر والسنة لا أعلم
لي شومبر اذا كنت في نحاس كاين 4 في شومبر وتخيري لي حبيتي أما اذا كنتي في الخروب تحكموا في 3 مي كاين مشكل في الغرف ماتقدريش تخيري مع من تحبي غير اذا لقيتي شومبر فارغة ولا بيان سور بالمعريفة
( تقرير عن مشاركة سيئة )، و الموجودة أسفل كل مشاركة .
2012-07-23, 16:36
العرض المتطور
