السلام عليكم
ردود الأعضاء تعكس الواقع المرير
يعني تديرلو موضوع على العلوم يحكيلك على الموسيقى
كيفاه تقدري تفهميه بلي الطب ماشي خير من الاختصاصات الأخرى
كنت بكري نظن الخطأ خطأ المسؤولين اللي دارو نظام المعدلات الغريب العجيب
تاع واحد جاب الباك ب 10 وميفهمش الرياضيات والفيزياء يبعتوه يدير تكنولوجيا وميكانيك وووو
لكن الآن تبين أن الخطأ خطأ الشعب تاني اللي معلابالوش وين راه رايح
نعود لقصة الموسيقى وباه مندخلوش فالحلال والحرام
نتكلموا عن الشعر مثلا يعني بلاصة ما نقول الموسيقى الحرام نقول الشعر الحلال
فالأزمنة اللي كنا فيها متطورين علاه ماقالوش واش نديروا بالشعراء ؟
لأن الناس المتطورة تؤمن أن المجتمع الناجح هو المجتمع المتكامل اللي يكون فيه جميع التخصصات
لدي مثال الأرض الانسان المتخلف يقولك واش فايدة الناموس واش فايدة الفار وووووو
يعني كون جات ليه لو كان ترك فقط الانسان على وجه الأرض لأنه بنظره غير الانسان برك يصلح
لكن الانسان المتعلم يعرف أنه أي كائن على سطح الأرض له فائدة وغياب حشرة ولو كانت صغيرة قد يسبب اختلال فالتوازن
هذه هي حكاية الطب عندنا يعني والشعب تاعنا هو هذاك اللي يشوف الأرض ينفع فيها غير الانسان ويشوف الحياة يصلح فيها غير الطب
هدانا الله سبحانه وتعالى
( تقرير عن مشاركة سيئة )، و الموجودة أسفل كل مشاركة .
2012-07-23, 06:20
العرض المتطور
