هلُمّوا لرؤية كشف نقاطي. >>> بحاجــة إلى مشاركتكم

[kuran♥yuuki]

ما شاء الله يا نعمة ..الله يبارك
حقا ..مستواك ممتاز ..و نقاطك تدل على انك بذلت مجهودات كبيرة ..لذلك احييك على ما فعلت..ربي يدومها عليك
و ان شاء الله تجيبي الباك ب 18 باش نشوفك في tv ...مع تمنياتي لك بالمزيد من التفوق و التالق يا نجمتنا
دمت في حفظ الله

[نعمة القدوس]

المشاركة الأصلية كتبت بواسطة سآجدْ للهْ

أهلا بيك عقبة

والله هادي غيبة هادي

ان شاء الله المانع خير

فرحت بزاف كيما شفت ردك، وزيد فرحتلك بالمعدل واللي فرحني أكثر
قوللك العبارة: العام الجاي نتحرك منو

نعم، هادي هي الهدرة تاع الصح
ان شاء الله

لأنك تستحق

راني نخمم باه نرجعو الدورة، ونبداو النشاط من الآن في رمضان
نبداو نقراو ولا كاشما ندير بالإضافة إلى الخيمة الرمضانية طبعا

وأنت خمم مع روحك

لأني نشوف أننا تخلينا على الدورة كليا بالرغم من أننا تعبنا من أجلها وضيعنا وقت كبير
المهم، الهدرة ماش درك،
بالصح نوعدك أني نخمم في طريقة باه نرجعوها
خاصة وأن ولا واحد قاعد ينشط، غير اللي يديير فكرة بالصح ماتكملش.


المهم، أنا كترت الهدرة
فقط حبيت نقوللك أن التوقيع تاعك عجبني بزاف
والله

خاصة الأول تاع محمد صلى الله عليه وسلم
والله روعة.

وبرك

المشاركة الأصلية كتبت بواسطة ~| استبرق الريحان |~

أهلا بالزينة أهلا

والله ردك منوور.. ومزيين

إيييه واين يبان معاه ردي هههه


نعم، صدقت القول، القسم تاعنا هو الأحسن في المؤسسة كامل
لأنهم اختارو العناصر المليحة كامل وحطوهم فيه

المنافسة فيه على اشدها
كيما قلتي، يخييلك ترفعي مستواك
عليها أنا فرحت ونحمد ربي لأني قمت بهدا الاختيار وغيرت المؤسسة تاعي لهذا القسم


ماعليشن إذا مافيهش منافسة أنت اخلقييها
ونعرفك قادرة، خاصة بما أنك تحصلتي على هكذا معدل، وماتخافيش، الـ18 ماتطولش وتجييك >>> نعمة شوآآفـهْ ههههه

كيما قلتلك ونعاود
بما أنك حابة المنافسة، أنت أجعليها كاينة في قسمك
تقدريلها بإذن الله

وننصحك ماتغيريش الليسي بل غيري من نفسك ومن الأشخاص اللي فيه
>>>>> ان شاء الله برك يكون رأيي سديد هههه


ومشكورة ع الرد، ومعدلك يهببل والله
راكي قريب توصلي للـ18 هههه

ياخي علوم تجريبية برك ؟ >>> راني نأكد باه نشوف اللي رايحة نقرا معاهم العام الجاي فالمنتدى ههه

وبرك ههه

[~| استبرق الريحان |~]

المشاركة الأصلية كتبت بواسطة نعمة القدوس

أهلا بالزينة أهلا

هههه الله يزين سعدك

والله نموت على التزيين ما نقدرش نحط حاجة مخربطة

ههههه العناصر الملاحة كامل في القسم الله يبارك ناس قسنطينة قرايين احنا منطقتنا صغيرة وفيها مؤسسة واحدة يعني نعرف الناس الكل و مع الاسف الثانوية قرب بيتي يعني في الدورة تع الكرتي " الحومة " ههه ماكانش مجال آخر و ماكانش اللي يعرفوا يقراو غير 3 ولا 2 كعبات >> أنا منهم ههه

ههههه شوافة مي ما نخلصكش المصروف كامل راح على القضيان تع رمضان .
ايه صح نحمدو ربي بلي راني الاولى الحمدلله لكن الحماس تع انك تشوفي اللي فاتك تفوتي كانها مباراة روعة ههه لكن أسوء ما تتوقعينه منهم هو الغيرة و الكره .. انا بالنسبة ليا نبارك لهذا النوع من الناس اذا فاتني لاني نعرف بلي يقرى ويجتهد لكن كاين ناس عقليتهم 0 هههه

ههه مانقدرش نخلقها قوليلي معا من ؟؟ مع ناس ما تهمهامش القراية ههه

المهم الانسان لازم يقرى بش يوصل لبعيد لانو هذاك هو الصح كون يشوف اللي بحداه ما يتقدمش =)

ايه قريب شميت ريحة ال 18 من بعيد برك والله المراقبة المستمرة هي اللي هلكتني مع اني ناشطة في القسم المعلمين حفظهم الله متشددون =)

ههه آه احنا عندنا علوم و تقني رياضي و تسيير برك في الليسي تيعنا وكل المجتهدين حاجة معروفة يروحوا علوم ههه

إن شاء الله نجتمعوا في المنتدى على الخير ونقراو كيف كيف


----

اسمحيلي نعمة ماقدرتش نرد عليك لانوا بالي مشغول مع الخيمة الرمضانية حابة نخرجها فور هههه وانت وجدتيلها شوية معلومات ؟