كون نجيب ""كونترا"" يقبلو؟؟؟؟

soso sirin · 2012-07-12, 23:04

هوما قادرين يقبلو و قادرين لالا .شوف خويا خلينا نهدرو بالواقع والله الراجل كيمايكونش خدام نيشان شوية صعيبة باه يتزوج لانو الحياة راهي غالية بزاف علابانا بلي كلشي بيد ربي و هو الرزاق و هو القادر مي واحد تاني مالازمش يدخل روحو في شي حوايج صعاب والله سوغتو كاين شي بنات تقلك عادي و نقبل و نحمل مي نهار تتزوج والله راح تسوفري معاها و مع ماليها مي هكاك و كاين امل .انا اختي راهي متزوجة ضروك الحمد الله و راجلها راهو خدام مي نهار جا خطبها والله خويا كان يخدم بالكونترا برك مي هي كانت قابلاتو و عارفة حالو مليح و عارفة وين راهي حاطة رجلها و هو ماكذبش عليها و الوقت الي خطبها فيه فوت كونكوغ تاع لابوليس و ربح فيه .معنتها اذا كانت الطفلة قابلاتك و عارفة حالك راح تقبل مي باه تروح تخطب هكا و خلاص بلاك فيها شوية تعقيدات مي انت شوف كاين بنات يقبلو سوغتو اذا شافت فيك انك قادر على شقاك و ماراكش غير مريح معنتها راك تتحرك و باغي تخدم و ربي يسهلك ان شاء الله و ديجا كاين شي رجال والله خدامة و سامحين في ديارهم و كاين الي يخدم غير هكا و خلاص و متهلي في دارو و ربي ان شاء الله يرزقك بخدمة و تتهنى في عقلك و تلقى المراة الصالحة ان شاء الله

morad81 · 2012-07-12, 23:34

ياخويا و الله مشكل كبير تى إذا قبلت بيك .....راهم ما يخلوهاش في رايها و يكتروا عليها الريان ........

واش نقولك أنا صح نعرف تلاثة من الناس تزوجو بالكنطرة وراهم لاباس .....وكلشي بالنية و تسخير مولانا.

وجرب إذا لقيت خبرنا .........

عُضو مُحترم · 2012-07-13, 14:59

اقتباس:

المشاركة الأصلية كتبت بواسطة morad81

ياخويا و الله مشكل كبير تى إذا قبلت بيك .....راهم ما يخلوهاش في رايها و يكتروا عليها الريان ........

واش نقولك أنا صح نعرف تلاثة من الناس تزوجو بالكنطرة وراهم لاباس .....وكلشي بالنية و تسخير مولانا.

وجرب إذا لقيت خبرنا .........

هيه وانا اصلا نسقسي على الاهل

إن شاء الله كي نلقا نقوللك

عُضو مُحترم · 2012-07-13, 14:52

اقتباس:

المشاركة الأصلية كتبت بواسطة soso sirin

هوما قادرين يقبلو و قادرين لالا .شوف خويا خلينا نهدرو بالواقع والله الراجل كيمايكونش خدام نيشان شوية صعيبة باه يتزوج لانو الحياة راهي غالية بزاف علابانا بلي كلشي بيد ربي و هو الرزاق و هو القادر مي واحد تاني مالازمش يدخل روحو في شي حوايج صعاب والله سوغتو كاين شي بنات تقلك عادي و نقبل و نحمل مي نهار تتزوج والله راح تسوفري معاها و مع ماليها مي هكاك و كاين امل .انا اختي راهي متزوجة ضروك الحمد الله و راجلها راهو خدام مي نهار جا خطبها والله خويا كان يخدم بالكونترا برك مي هي كانت قابلاتو و عارفة حالو مليح و عارفة وين راهي حاطة رجلها و هو ماكذبش عليها و الوقت الي خطبها فيه فوت كونكوغ تاع لابوليس و ربح فيه .معنتها اذا كانت الطفلة قابلاتك و عارفة حالك راح تقبل مي باه تروح تخطب هكا و خلاص بلاك فيها شوية تعقيدات مي انت شوف كاين بنات يقبلو سوغتو اذا شافت فيك انك قادر على شقاك و ماراكش غير مريح معنتها راك تتحرك و باغي تخدم و ربي يسهلك ان شاء الله و ديجا كاين شي رجال والله خدامة و سامحين في ديارهم و كاين الي يخدم غير هكا و خلاص و متهلي في دارو و ربي ان شاء الله يرزقك بخدمة و تتهنى في عقلك و تلقى المراة الصالحة ان شاء الله

والله نفس الشيء

انا ايضا زوجت اختي لشاب كان لا يعمل تماما

فقط يبيع في محل لملاس الرجال

ولكن لما سقسينا عليه لقينا بلي راجل و من عائلة محترمة

و هو خطب العشرات و رفضوه بسبب العمل

ولكن لما تزوج ب4 أشهر بعدها دخل للشرطة

و ربي وفقو وراه خدام على روحو ظرك ماخصاتو حاجة و الحمد لله

واختي والله دايرينها في عينيهم لانها كانت فأل خير عليه

=======
بارك الله فيك اختي شكرا لك