كون نجيب ""كونترا"" يقبلو؟؟؟؟

[mirage de cirta]

تقدر وعلاه لالالا انا يخدم معايا واحد وكنترا لانام وخطب وحدة هي الوحيدة عند والديها باباها اشرط عليه الهناء وراحة البال الهناء يضمن الغنى

الله يبارك ربي يتمم بخير بعد رمضان الزفاف وربي يرزق كل واحد بالحلال حاجة تاع الحلال يبارك فيها ربي

[فتـ حييةـاة]

[quote=miwake;10789897


اختي سمحيلي و لكن لاتفق معك مثال رجل
1-لايعمل او راتبه ضعيف( هنا لازم نكون واقعيين هذا الرجل لاستطيع توفير الحاجيات الضرورية لا تاكل مليح لا تلبسي مليح لا تشري الدواء مشكلة حتى في دفع ثمن الغاز و الكهرباء + لاتحلمي حتى للذهاب للتنزه او يعرضك الى مطعم مرة في الشهر لتناول الشواء اما العطلة لاتحلمي بها
2-تعرضك صديقتك للعرس راح تزوج لكن ما عندكيش واش تلبسي وتبقي تلبسي نفس الفستان في عدة الاعراس و تولي تبهديلا و تروحي تقولي للزوجك مانقدرش روح العراس هكذا و تبدى الخلافات
3- تسكني مع اهل الزوج فلن تكون لك حياة شخصية كل التدخل فيهها و لهدا انا اتعجب من الازواج اللدين يعيشون في عائلة كبيرة نجد الجد الاخ الاخت الاعمام الابناء لاحفاد زوجات الاخ فوض كبيرة هدة ليست حياة اد تبكي يعرفو ادا عند مشاكل يعرفوا ادا مرضت يعرفو اد شريت يعرفو ادا تشاجرت مع زوجتك يعرفو ادا دخلت الحمام يعرفو اد وووووووو كارثة افضل ان ابقى اعزب ولا هدي الحياة
وابناءك و بناتك كي كبروا وحبوا تزوجوا كيف ريح تحظري العرس و الجهاز و لا تبقي تقنعي غير بالقليل
صحيح القناعة كنز لايفنى لكن هناك حدود ماشي عايش في المزيرية و انت عاجبك الحال اذن اختي فتيحة اذا تزوجت بهدا الرجل رايح تعيشي مهنية انا لاظن ذلك شكرا



[COLOR="DeepSkyBlue"]
يااخي ااحنا ماقلناش يبقى راقد ويتشمس ويتزوج وكاين الف وحدة تتمناه لاااااااااااا احنا قلنا لازم يسعى لكسب القوت الحلال ومافيها والو اذا كان انسان يخاف ربي ومتخلق وخلصتو قليلة معاها الهنا الدنيا ومافيها :::::::::: راني معاك كلش راه غالي بصح الدنيا هاذي لازم كل واحد يعيش على حساب طاقتو ::::: مادام هاذ الشخص اللي حطيتو في المثال مايخلصش بزااف واش داني انا نحلم بالعطل والتنزه واكل المشوي فالمطاعم :::::::::: لا يااخي اللي زوجها يخلص مليون تحلم على حساب مليون واللي زوجها يخلص 10 تحلم على حساب 10
اما على السكن في بيت العائلة الكبير كل واحد وكيفاش يشوفلو كاين اللي يشوفو تقييد للحرية وكاين اللي مايقدرش يخلي والديه اللي تعبو عليه ويروح يسكن وحدو ويبدا يجيهم كي الضيف صدقني كاين رجال مش مستعدين يبعدو على والديهم ومستعدين يخدموهم لاخر لحظة من حياتهم مع انهم يفضلو انهم يسكنو وحدهم لتطبيق شرع الله على اتم وجه بصح علاجال والديهم استحملو وصبرو
اما على بناتي وولادي باذن الله نقولك يااخي انا ماخممتش في مهري وجهازي نخمم في مهر بناتي وولادي وجهازهم وعلاش نقطع لياس من رحمة ربي الله كريم وقادر على كل شيء وممكن هذا اللي تزوجتو وهو فقير يخرجو بناتو من دارو عرايس وهو غني وولادو يقراو ويخدمو ويكون رجال ونص وتتمناهم الف وحدة

والهنا عمرو مكان دراهم كاين الاف الاغنياء عايشين التعاسة الحقيقية ويتمنو لو انهم كانو فقراء وهانين

كلامي هذا مش معناه اني نحلم بزوج عاطل عن العمل ومستعدة نقبل باي رجل يجيني مهما كان لاااااااا كلامي هذا معناه انو هناك شروط لازم تتوفر فالزوج اهم واهم واهم من الدراهم لان الدراهم عمرها ماتكون حاجز لواحد باش يكمل نصف دينو [/COLOR]
اخي هناك زر مكتوب عليه الاقنتباش اضغط عليه كلما تحب ترد على مشاركة

[أم لجيـن]

حوّس على الأصْل ومتخممش في الباقي ............. والي يرفضوك ربي ريّحك منهم .......... كاين الي يهمهم هناء بنتهم اكثر من الدورو

[soso sirin]

هوما قادرين يقبلو و قادرين لالا .شوف خويا خلينا نهدرو بالواقع والله الراجل كيمايكونش خدام نيشان شوية صعيبة باه يتزوج لانو الحياة راهي غالية بزاف علابانا بلي كلشي بيد ربي و هو الرزاق و هو القادر مي واحد تاني مالازمش يدخل روحو في شي حوايج صعاب والله سوغتو كاين شي بنات تقلك عادي و نقبل و نحمل مي نهار تتزوج والله راح تسوفري معاها و مع ماليها مي هكاك و كاين امل .انا اختي راهي متزوجة ضروك الحمد الله و راجلها راهو خدام مي نهار جا خطبها والله خويا كان يخدم بالكونترا برك مي هي كانت قابلاتو و عارفة حالو مليح و عارفة وين راهي حاطة رجلها و هو ماكذبش عليها و الوقت الي خطبها فيه فوت كونكوغ تاع لابوليس و ربح فيه .معنتها اذا كانت الطفلة قابلاتك و عارفة حالك راح تقبل مي باه تروح تخطب هكا و خلاص بلاك فيها شوية تعقيدات مي انت شوف كاين بنات يقبلو سوغتو اذا شافت فيك انك قادر على شقاك و ماراكش غير مريح معنتها راك تتحرك و باغي تخدم و ربي يسهلك ان شاء الله و ديجا كاين شي رجال والله خدامة و سامحين في ديارهم و كاين الي يخدم غير هكا و خلاص و متهلي في دارو و ربي ان شاء الله يرزقك بخدمة و تتهنى في عقلك و تلقى المراة الصالحة ان شاء الله

[morad81]

ياخويا و الله مشكل كبير تى إذا قبلت بيك .....راهم ما يخلوهاش في رايها و يكتروا عليها الريان ........

واش نقولك أنا صح نعرف تلاثة من الناس تزوجو بالكنطرة وراهم لاباس .....وكلشي بالنية و تسخير مولانا.

وجرب إذا لقيت خبرنا .........

[وردة أمل]

بصراااااااحة كاين لي راحين يقبلوا بيك اذا شافوك انسان راس مالك هي أخلاقك ,,,,(هاذوا لي ماتهمهمش المادة بقدر مايهمهم معدن الرجل ) و زيد يلا كان عندك مصدر رزق حلال هذا الشي راح يكفيهم ,,,أما العيش مع العائلة اظن انو كاين لي مايهمهمش الامر المهم عندهم تكن مستورة عند واحد يقدرها و يعرف قيمتها و تهموا سعادتها

بصح في المقابل كاين ناس مايقبلوش بيك لأنوا يحوسوا لبنتهم تعيش في دار وحدها مستقلة على عائلتك و يحوسوا على واحد خدمتوا مضمونة ,,,,,,,,,,,,,,,,,,و كاين حتى لي مايهمهمش الأصل ,,,,,,,,,,,,المهم الدراهم

قبل ماتخمم في هاذ الشي حوس على بنت الاصل ,لي تقبل تقاسمك الحلوة و المرة ,,,,,,,,,,,,,و يلا كانت النية صادقة ربي ييسر لك ان شاء الله

لكن ماتنساش راي البنت هو الاهم لانوا هي لي رايحة تعيش معاك ,,,,,,,,,,اذا قبلوا والديها الاحسن تستقصي رايها هي ,,,,,

انت اعزم و توكل على ربي سبحانه و لي فيه الخير يجيبوا ربي,,,,,,,,,,,,,,,,

و كل شيئ بالمكتوب

[*سيرتا *]

المشاركة الأصلية كتبت بواسطة فتـ حييةـاة

اذا كانو ناس مش غاويتهم الدنيا و يهمهم تعيش بنتهم مع رجل يخاف ربي فيها وتكون هانية رايحين يقبلو
بصح اذا كانو يهمهم بنتهم تخرج وتدخل وتلبس مليح وتحمر وتخضر وتحوس وتبحر راهم يرفضو

واش من غاويتهم الدنيا ...دخل عقود لانام لا يكفي حتى لتوفير الحاجيات الضرورية فلنكن واقعيين


ثم انك ايها الفتى الصغير كنت قد قلت من قبل بانك لن تتزوج حتى تحصل على عمل و مسكن الخ قما الدي غير رايك يا ترى

[Lydia istanboul]

يعني من ترفض صاحب لانام غاويتها الدنيا؟؟؟؟؟؟؟ ارجو تتكرمو عليا وتفهموني....

[فتـ حييةـاة]

المشاركة الأصلية كتبت بواسطة *سيرتا *

واش من غاويتهم الدنيا ...دخل عقود لانام لا يكفي حتى لتوفير الحاجيات الضرورية فلنكن واقعيين


ثم انك ايها الفتى الصغير كنت قد قلت من قبل بانك لن تتزوج حتى تحصل على عمل و مسكن الخ قما الدي غير رايك يا ترى

دخل لانام = 15000دج
وانا نعرف بزااااااااف يخدمو فالشبكة الاجتماعية ويخلصو 3000دج فقط وعايشين ::::: وينها خير 15000دج ولا 300دج زيد السيد راه يقرا هندسة مدنية وباقيلو عام برك ويتخرج

ونسيت راه قال نزيد نشوف عمل اخر فالمساء ضفيه 15000دج

[فتـ حييةـاة]

المشاركة الأصلية كتبت بواسطة lydia istanboul

يعني من ترفض صاحب لانام غاويتها الدنيا؟؟؟؟؟؟؟ ارجو تتكرمو عليا وتفهموني....

عزيزتي اذا كان رجل ومتدين ومتخلق ومستعد يخدم اي حاجة باش يوكلها لقمة حلال و هي ورفضاتو فقط علاجال خلصتو قليلة واش نقدرو نقولو عليها ؟؟

[عُضو مُحترم]

المشاركة الأصلية كتبت بواسطة حموزه

هناك من يقبل وبسرور أيضا فلا يعدم الخير
توكل على الله وفقك الله

ان شاء الله

كي يكتب المكتوب نتقدم


بارك الله فيك اخي

[abdel02]

المشاركة الأصلية كتبت بواسطة عُضو مُحترم

السلام عليكم ورحمة الله و بركاته

كما تعلمون فانا بدون عمل و اُكل دراستي

ولكن لي رغبة في الزوج و استحالة نتزوج الآن
[color="blue"]
و اول شيء سيقولون انت لا تشتغل

كون ندبّر كونترا ( و هذا أمر سهل جدا)

مع العمل المسائي


يكون عندي مصدر دخل متواضع

يكفيني مع العلم اني اعيش مع الوالدة

في البيت العائلي

و اتشارك مع اخي في المصاريف

و نروح مثلا نخطب فتاة

يقبلو يعطوني بنتهم؟؟؟

؟؟؟؟؟

في عين امران لا أعتقد...ولكن فيما سواها الشبكة يمدوهالوا ويزيدوا يعاونوه بخدمة أو حانوت وأدوات المنزل...من جهة لهنا تاع بنتهم...ومن جهة أخرى حتى يسيطروا عليه...

[عُضو مُحترم]

المشاركة الأصلية كتبت بواسطة miwake

اذا كانو ناسمش غاويتهم الدنيا و يهمهم تعيش بنتهم مع رجل يخاف ربي فيها وتكون هانية رايحين يقبلو
بصح اذا كانو يهمهم بنتهم تخرج وتدخل وتلبس مليح وتحمر وتخضر وتحوس وتبحر راهم يرفضو
اختي سمحيلي و لكن لاتفق معك مثال رجل
1-لايعمل او راتبه ضعيف( هنا لازم نكون واقعيين هذا الرجل لاستطيع توفير الحاجيات الضرورية لا تاكل مليح لا تلبسي مليح لا تشري الدواء مشكلة حتى في دفع ثمن الغاز و الكهرباء + لاتحلمي حتى للذهاب للتنزه او يعرضك الى مطعم مرة في الشهر لتناول الشواء اما العطلة لاتحلمي بها
2-تعرضك صديقتك للعرس راح تزوج لكن ما عندكيش واش تلبسي وتبقي تلبسي نفس الفستان في عدة الاعراس و تولي تبهديلا و تروحي تقولي للزوجك مانقدرش روح العراس هكذا و تبدى الخلافات
3- تسكني مع اهل الزوج فلن تكون للك حياة شخصية كل التدخل فيهها و لهدا انا اتعجب من الازواج اللدين يعيشون في عائلة كبيرة نجد الجد الاخ الاخت الاعمام الابناء لاحفاد زوجات الاخ فوض كبيرة هدة ليست حياة اد تبكي يعرفو ادا عند مشاكل يعرفوا ادا مرضت يعرفو اد شريت يعرفو ادا تشاجرت مع زوجتك يعرفو ادا دخلت الحمام يعرفو اد وووووووو كارثة افضل ان ابقى اعزب ولا هدي الحياة
4-وابناءك و بناتك كي كبروا وحبوا تزوجوا كيف ريح تحظري العرس و الجهاز و لا تبقي تقنعي غير بالقليل
صحيح القناعة كنز لايفنى لكن هناك حدود ماشي عايش في المزيرية و انت عاجبك الحال اذن اختي فتيحة اذا تزوجت بهدا الرجل رايح تعيشي مهنية انا لاظن ذلك شكرا

هههه يا اخي كون نرد عليك فكرة فكرة

نبقا عام هنا

باختصار نعطيك مثال من الواقع على واحد نعرفو

هذا واحد مش قاري و يخدم نهار و يومين مايخدمش مونافري

تزوّج بوحدة خيّرتهالو والدته من عائلة فقيرة مثله


كي تزوج سقسا الطفلة علاه قبلتي بيا و انا هكذا؟؟؟؟

قاتلو

انا كنت في دارنا عايشة ميزيرية

ومعاك نعيش الميزيرية

ميزيرية في ميزيرية اللهم نتزوج

و تونسني و نونسك و نعيش ميزيرية بالاك يفتح عليك ربي

خير من ميزيرية و عزوبة في نفس الوقت


فهمتني خويا؟؟؟؟

كاين لي تقبل عادي المهم تتزوج بواحد تشوفو ولد فاميلا و راجل


وكاين لي ماتقبلش كيما راك تقول غنية و مدللة وووو

وهاذيك واحد مثلي ما يقربهاش او يحلم باش يطلبها

و تبقى قضية مكاتيب


انا برك سقسيت من باب النقاش و معرفة الآراء

[عُضو مُحترم]

المشاركة الأصلية كتبت بواسطة نور اليقين جيداء

انت مشلف و انا نعرف مليح ناس الشلف مش الكل يطمعو فالدراهم كاين ناس يحوسو غير على الهنا و يمدو بناتهم وين يريحو
وان شاء الله ربي يسهلك و يكملك فالحلال ان شاء الله

في كل البلاد كاين ناس تاع دراهم و كاين ناس يحوسو على الراجل

كاين لي يحوس على الهنا و كاين لي يحوس على الذهب

و ربي يعطي كل واحد واش يتمنى


شكرا لك اختي

بارك الله فيك

[عُضو مُحترم]

المشاركة الأصلية كتبت بواسطة محمد جديدي التبسي

المهم تكون رجل وتجيب لقمتك بالحلال وتكون تقدر على شقاك

الثانية و الثالثة موجودة باذن الله

الاولى الله يعلم إذا رجل ولا مازال بما اني مانيش خدّام


بارك الله فيك اخي محمد