السلام عليـــــــــــكم ... /
أهلا أخــــــتي واش راكي .. نتمنى تكوني بخـــــــير ... ++ غفر الله لوالدكـِ و اسكنه فسااح جنانه ....
مممم... نورمال أخــــــتي هذا ما كتب ربي ... و أكيد اللي يجيبها ربي فيها خير هذي ديريها توجور في بالكـ ....
إختياراتكـ أخـــــــتي رائعة ... فوووووور بزااف و مناسبة لمعدلكـ تماما ... مليحة بركـ ننصحكـ تحطي المدرسة التحضيرية المتعددة التقنيات هي الرابعة ... قبل تاع الهندسة المعمارية ...
شوفي :
الطب للأســــــــف رايح نقولكـ ما تعلقيش آمالكـ فيها بزآآف ... لأنو كل المتفوقين اللي شفتهم أنا دركـ رايحين يديرو طب ...
و الهدرة على جراحة ألأسنان راها قليل بزاااااف ... نتمنى يهبط معدلها و تكون من نصيبكـ لأنها جد رائعة .. و هي ان شااء الله اختياري الأول ...
مممممم... تاني فارماصي ما شكيتش تهبطـ .... مي راني شاكـ 60/100 يعطوكـ المدرسة التحضيرية متعددة التقنيات ... و هي مدرسة رائعة جدا .. خصوصا إذا كنتي من الشرق و بعثوكي لعنابة ... كنت مع واحد البارح و احكالي عليها ... شوفي أختي إضافة إلى أن نظامها كلاسيكي ... يعني تخرجي مهندسة دولة في مجال معين ... فإن فرص النجاح في الكونكور كبيرة جدا ... بل و إن الكونكور أصلا ماداروش للنجاح .. فقط للكلاسمون ... لابغة تجيبي 6/20 لأن المدرسة ماكاش فيها بزااف و المدارس العليا اللي تلتحقي بزااف تطلب بزااف مقاعد ... مثلا المدرسة العليا المتعددة التقنيات اللي في الحراش تطلب 320 مقعد ...
مع أنو العام هذا قالي صاحبي أنو واقيلا في الجزائر كاامل ما كاش 600 طالب في هذو المدارس التحضيرية .....
و تاني الكونكور هذا ... باش تدخل ل 4 مدارس عليا ماشي غير وحدة كيما المدرسة المتعددة العلوم للهندسة المعمارية ... يعني هذي الأخيرة فرصة الالتحاق بها قليلة جدا ... و المنافسة في الكونكووور تكون شديدة ... .
يبقى هذا مجرد رأي .. و الاختيار يرجع ليكي ... في الاخير ...
المهم أخـــــــتي نتمناالكـ التوفيق من كل قلبي ... و ننصحكـ بصلاة الاستخارة ... فما خاب من استخار ... و ربي أكيد رايح يجيب اللي فيها الخير كيما قلتلكـ من قبل ...
في أماان الله ...
( تقرير عن مشاركة سيئة )، و الموجودة أسفل كل مشاركة .
2012-07-11, 17:41
العرض الشجري