lنعطيك راي بصح متزعفيش
انا من راي انتي الي غالطة لوكان واحد خطبك ومعجبكش نقولو بالك بصح راكي تقولي خطبوني بزاف يعني أكيد راكي دايرا واحد في بالك
راكي رسماتو وحتى انك درتيلو شخصية (كيفاش يهدر,, كيفاش يحبك,,,الخ)
معظم بنات اليوم راهم بنفس تخمام مع كل أسف في بالهم شخصيات تلفزيونية وبالخصوص التركية الي كلات راس الغاشي
شوفي أختي قالك خد الراي الي يبكيك الي يضحكك يضحك عليك نصيحة مني ديريني كيما اختك الكبيرة المرة هذي كي يجي يخطبك واحد شوفي اذا كان
يتقى ربي يعني يصلي و يخاف ربي ماشي شرط يكون أخينا المهم يعرف ربي ويخافو
يكون خدام يعني يجيب قوت اليوم ماشي شرط يكون يخدم في بنك او مكانة مميزة حبيبتي الدراهم صح يديرو طريق في البحر بصح و الله مايشرو لهنى شوفي برك الي مرفهين و الله نسبة كبيرة منهم عايشين في تعاسة انا ننصحك بيه قيسو قيس روحو يعني يقدر يعيشك وربي هو الي يفرج كي جيك حاجة مليحة جي عزيزة
الباقي مثل الدار و السيارة ووووو هذوك يجو غير بالعقل و متخافيش من هدرت الناس كي ديتيه
رجل عادي بالعكس رايحة توريلهم شخصيتك توقفي معه و طلعيلو راسو و تبينيه في المجتمع
ايه نسيت حاجة الزين هههه والله لبنات تاع درك تشوف الزين وتنسي كل شي
ياو الزين مايبني دار
وزيد كي تكوني نتي شابة عليه يزيد يحبك اكتر
اختي في الله استقنعي بواش عطاك ربي راهو ربي يختبر فيك بهذ الخطاب و الله نعرف شحال من وحد خطبوها شحال و كيما تقول ماني الي تشرط يدور عليها السعد
خذي بنصيحتي وديري النية و الله تربحي دنيا و اخرة
راكي ترفضي الرجال كي ترجيعهم راكي هدمتيه و كسرتيلو قلبو علبالك واش معنتها راجل راهو ساس الدار الي تصيبيه في حياتك على خاطر والديك ميدموش و خاوتك واللخ ميشوفو فيك سيرتو اذا تزوجو
راني طولت عليك بصح ان شاء الله تبشرينا بخطوبتك ان شاء الله
( تقرير عن مشاركة سيئة )، و الموجودة أسفل كل مشاركة .
2012-07-05, 17:46
العرض المتطور
