السلام عليكم و رحمة الله تعالى و بركاته
أولا ختي آمني بالمكتوب و إذا كنتو من نصيب بعضاكم و الله ترجعو و تعيشو هانيين مهنيين إنشاء الله
على حساب مفهمت من حكايتك بلي التفاهم كان ناقص بزاف بيناتكم و خاصة من جيهتك
الراجل يحب المرا اللي تفهمو مليح حتى من خزرت عينييه و إذا ملقاكش هاكاك رايح يتقلق و هو يوصل روحو لنهاية الطريق.
هاذو العبارات:
-أنت غير قابلة للنقاش
-أنت راسك خشين
-أنت متسمعيش لكلامي....... و غيرهم من كلمات يقولها الخاطب أو الحبيب لحبيبتو
و حنا النسا صح منبغوش هاك كي نكونو مع حبيبنا أو خطيبنا أنا صرالي كيما نتي فالأول و كنت منتفاهمش مع خطيبي بزاف (الآن رانا متزوجين عندنا خمس سنين) و كانت تلحق بيا نقولو نتفارقو بصح الحب الكبير اللي كان رابطنا خلاني نصبر عليه و نزيد نفهم عقليتو مليح
حتى هو كان يقولي إفهميني مليح تكسبيني و صح
الراجل يجي بالمساسية و ديري رايو مثلا يقولك ذيك البلاسة متروحيش ليها ديري رايو و قوليلو إيه
كي يكون مقلق متزيديش عليه لازم تسكتي
يا ختي الحكاية طويلة باش تفهمي الراجل و الله الراجل كالجبل تطلعيه بجهد كبير بصح غير توصلي القمة خلاص
و مغلطتيش كي عيطتيلو هذي تجي منك ولا منو و كي تعيطيلو ولا تبعثيلو ميساج إحكيلو على حبكم و فكريه بكاش مناسبة عزيزة فاتت عليكم
و إذا صبتيه مزال مصر على رايو نقولك ربي يطيلك ما خير منو
بصح و الله ندعي لأختي باش ترجعو لبعض أنا عن نفسي منحبش زوج متعاشقين يتفارقو
كثرت الهدرة بزاف تقبلي مروري
تحياتي و تقديري
( تقرير عن مشاركة سيئة )، و الموجودة أسفل كل مشاركة .
2012-07-04, 15:00
العرض الشجري