الافلام التركية تغزوا المجتمع الجزائر

[بنت الحاج]

السلام عليكم ورحمة الله وبركاته
مانيش عارفة شا يعجبهم في المسلسلات التركية ، الدار اللي نروحها ضيفة نلقى الشعب يتبعهم وكي يجي الوقت ويبدا المسلسل (حظر التجول) تهدر معاهم تخلّصها ولا ما تلقاش اللي يقيمك كيما الغريب في وسطهم.
والمشكلة ما فيهم حتى قيمة يستفادوها من هاذ المسلسلات ، ثقافة غربية مئة بالمئة.
وغير يكمّل هاذا يحكموا اللي وراه يعني عمرهم ما يكملوا وكل واحد يجيب بيهم 3 أشهر حسب ما قالولي !!
الحمد لله ما نتبعهم ما نحوس عليهم ، وقت ما تكون النت راني ندخل الجلفة كاش ما نستفاد ووقت آخر راني مع المطالعة والأشغال اليدوية ،على الأقل ما تفوتش حياتي صفر.
إلى لقيت حل عطيهلي باش نجرب مع الناس اللي يتبعوهم بالاك يبطلوا منهم.
بارك الله فيك على الموضوع.