زوجي ياخذ اموالي مالعمل

[سنوم 33]

المشاركة الأصلية كتبت بواسطة z.abdo

يجب ان تبقو متفقين عى الأشياء التي اتفقتم عليها قبل الزواج

تكلمو من جديد عن الأشياء التي خططتم ةلها واتفقتم عليها ذكريه بها

ولا تجعل مثل هذه الأشياء تعكر زواجكم ولا تفكري في الطلاق

كذالك اي زوج يسمح لزوجته بالعمل اكيد راح يطلب منها راتبها أو بعض منه كذالك إذا هي لم تعطيه من مالها فأين تدخره أوليست لهم حياة مشتركة بينهما ؟؟؟؟؟؟؟؟

اخي انا اخالفك الرأي.ما هوش محتم الزوج كخلي روجتو تخدم يعني تمدلو من راتبها.....؟؟؟؟
انا تبانلي الاخت الي عوداتو من النهار الاول .على دراهمها
تبانلي لازم تحط شروطها من النهار الاول.وتحط حدود لزوجها.
ما هوش ما عناها زوجها وشريك حياتها. يعني .....؟
وبالنسبة..اين تدخر راتبها؟؟
بصراحة كالمرأة تعطي للرجل المال..ويني رجوليته.
والله اذا الرجل طمع في دراهم مرتو انا يطيح من عيني.
اذا كان هو محتاج...مدين وما عندوش الوقت الكافي باه يسلك دينو..اوكي
بصح يديلها دراهمها باه يطلع لفرنسااا..لا
من الحسن اختي باااه تتفادي موضوع الطلاق...وما ذابيك ما كلاه تروحيلو..قوليلو انا نسلك عليك الدين...وانت دير دراهمك وطلع لفرانسا كان حبيت.واذا طلع وما عادش رجع الله يسهل عليه...كما يقولو الي باعك بالفول بيعو بقشورو.
الاخت قادرة تعاون راجلها بطريقة غير مباشرة.كما ناوية ندير انا..
ما تمديلوش الدراهم في يدو..ما تعوديشو راو هو الراجل ماشي انت..مثلا انت تخدمي سعا سعا في طريقك ...روحي بقضية.لحم و ديسار.و..و...
مثلا ساعا ساعا حطي عل مابل للدار ولو بار فاسيليتي..شومبر لولدك.صالون مونجي.و..و..
شفيته مدين مخنوق في دراهم حتى لوكان تترصى تبيعي ذهبك معليش...
تفهمي روحك وحدك حتى تشري جبة ليماه تفرحيها بيها ..هو يفرح بيها.
ثاني ما تسبليش في حقك حتى لوكان يكون بسيط...مثلا حق الحمام..راو كان ما كان.10.000 ولا الحفافة.و......و...و..
هي ما كان والو مادامك خدامة تقدري على اكثر منها..بصح كتجيك من عندو تحسي بقيمتها..تحسيه مدلك ملاين الدنيا..
بصح يجي الرجل يطلب بفمو اعطيني دراااهم اسمحيلي...عيب كبير...انت تفهمي روحك وحدك..بصح ما تمديهملوش في يدو اقضي بيهم صوااالح ..اسيدي بانتلك انت تشري حاجة لداركم ليماك وباباك ..يسالك ثاني.يخي قروك وتعبو عليك..وما نيش نهدر غير عليك ...
انا نشوف في موضوعك رانا نعانو منو حنى البنات الخدمات في مجتمعنا..
يقولك فلان حاب يخطب ...نقولولو فلانة....يقولك لا راه يحوس علا وحدة خدامة...؟؟؟؟؟؟؟؟؟؟؟؟؟؟
كاين واااحد خطب وحدة خداامة لولدو...وين يلقى جماعة يقول راهو هو خدام وهي خدامة ....لاااااااااااااااازم يشاركو..يشرو كسكروطاط مع بعض ويتعاونو مع بعض.
اولا بينو وبين مرتو
ثانيااا حنا بنات صحبات دي فوا ما نخليهاش تسلك ونسلك انا
يجي واحد هو ومرتو يشرو كسكروط 10.000 يسلك هو 5000 وهي 5000........والله عيب كبير..
اختي فهميه بالعقل...وحاولي انك تعاونيه بطريقة غير مبااااشرة.وربي يفرج عليك
اسمحوووووووووووووووووووولي علابالي طولت عليكم
بصح راني ما صدقت ولقيت الموضوع هذااااا...لانها ظاهرة اجتماعية...ما عندي ما نقول فيها.؟
وانا نشكر ربي انو خطيبي ما يتميزش بالصفة هذي ....
واخي عبدو انا ما نقصدكش انت ...انا درت الاقتباس على الرد تاعك حبيت ناقشك برك...وحشااك من هذه الصفة
ونقول فقط للرجال مع عدم التعميم.......واعتذر اذا كان هذا قاس اي واحد--
راه الراجل بجيبو ماشي بجيب مرتو
عذراااا عذرااا عذرااا على الاطاااااااااااااااااااااااااااالة