احتاجك اخي الرجل

[soso sirin]

المشاركة الأصلية كتبت بواسطة لذريق

السلام عليكم أختي الكريمة سوسو سيرين

قد صدقتي فيما قلتي و لكن هل في مجتمعنا تعامل الفتاة مثل الرجل؟؟؟؟؟؟؟؟؟؟؟....محال
و زيدي مهما فعل الرجل راه حلال عليه في عرف المجتمع و تعرفين هذه الامور جيدا
لكن اذا اخطأت المرأة الامر يولي مسألة شرف او عار..و هذه تعرفينها ايضا
لذا قد تجدين الرجل يفعل او يجري مغامرة او يتعرف على البنات لأي غرض و لا يأبه و لكن أخته حازم في أمرها خوفا من العار
لكن الجزاء من جنس العمل كما تدين تدان
و زيدي كاين قدر الله فوق كل ذلك --فنحن معرضين للبلاء --
ممكن قد تلاقين أمر يقذف بك الى الجنون في مجتمع بضاعته الرائجة الطعن في الاعراض قد يبتلى المرئ و يحدث المحضور فهنا :
--الراجل راه يدرق و يرقع الامر و بعدها و كأن لا شيئ وقع
و المراة واش تعمل اذا ابتلت و لم يكن لديها حل في ما وقع لها و بما تواجه اهلها خاصة اذا كانوا قافلين --غير متفهمين--
تروح تنتحر او ماذا؟؟؟؟؟؟؟
و يقال التشديد في امور سدا للذريعة خير من تركها و التخبط في تبعاتها

ليا عندك قول آخر راني متابع لك أختي
شكرا على الموضوع و جزيتي الجنة

ســـــــــــــــــــــلام

ربي يخليك خويا لذريق و الشي الي قلتو والله كامل صحيح .والله راني نستنى في نهار وقتاش الواحد يتحاسب فينا على اساس العمل و ليس على اساس الجنس و ربي يهدينا ان شاء الله و يثبتنا على طريقو لانو هاذي الدنيا واحد كامل مايضمنهاش. والله هذا شرف ليا انو تكون تبع واش نكتب خويا و انشاء الله الجنة تكون ليا و ليك و للمسلمين كامل يا رب

[soso sirin]

المشاركة الأصلية كتبت بواسطة بن عمير 22

السلام عليك اخي نســـرين واسمحولي على هاذ الغيبة.........اعجبني مـــوضوعك كثيــــرا

وسارد عليك ردا منطقــيا..........وقلتها وساقولها ليس الرجل كالمــراة......صح حنا منقبلوهاش لخوتاتنا وهنا لدفاع عن

اعــــــراضنا.......لكـن لو ان الفتاة سترة نفسها بلباس شرعي من سيقترب منها اويستفزها.......لكن ما نلاحظه من يرضى

لابته تخرج في الميني وفي الشرط وفي وفي ..........هذا اضعف الايمان الذي ذكرته......سيرضى بتاكـــيد لانته واخته

ان تكون لها علاقة وحبيب .....كيف لشباب في

سن المــــراهقة ان يملك نفسه
تقبــلي مــــــــــروري ..........

واش راك خويا هاذي غيبة خير ان شاء الله.موضوع الرجل كالمراة لوكان نقعد نهدرو فيه منا لولاد ولادنا مانتفقوش و حتا حنا ماقلناش كيفكيف و ماناش ندوموندو المساواة مي كيما قلت للاخ لذريق اتمنى انو يجي نهار وين نولو نحاسبو على حساب العمل و ليس الجنس.انا طلبت منكم ماتقبلوهاش على خواتاتكم و ديجا اذا قبلتوها ماتكونوش جزايريين و حنا رايحين نخرجوكم من البلاد لانو نعرفو الجزايري دمو سخون و عندو النيف مي باغيينكم ماتقبلوهاش على بنات الرجال لخرين هذا مكان .و زيد انت الي هدرت عليهم راك درت عليهم موضوع هاذوك اصلا ماشي رجال هاذوك سموهم ديوث و حاشة لله انكم تكونو منهم

[راجي رضوان الرحمان]

أختي -سوسو سيرين- لو كان نقولك عمري41سنة ،وأقسم بالله العلي العظيم لم أعرف في حياتي فتاة ولا علاقة ولا هم يحزنون،رغم أنني درست مع البنات في الثانوية وفي الجامعة،وخدمت مع الفتيات بكل أنواعهن،واش رأيك؟ ماكاش منها ولا ما نيش بشر؟ولا راني عايش في زمن الصحابة؟ وزيدي -والله ما راني متشدد ولا متزمت كيما تقولو-أنا إنسان عادي جدا ،برك نحب لغيري كيما نحب لنفسي.

[soso sirin]

المشاركة الأصلية كتبت بواسطة راجي رضوان الرحمان

أختي -سوسو سيرين- لو كان نقولك عمري41سنة ،وأقسم بالله العلي العظيم لم أعرف في حياتي فتاة ولا علاقة ولا هم يحزنون،رغم أنني درست مع البنات في الثانوية وفي الجامعة،وخدمت مع الفتيات بكل أنواعهن،واش رأيك؟ ماكاش منها ولا ما نيش بشر؟ولا راني عايش في زمن الصحابة؟ وزيدي -والله ما راني متشدد ولا متزمت كيما تقولو-أنا إنسان عادي جدا ،برك نحب لغيري كيما نحب لنفسي.

والله خويا مصدقاتك بلا ماتحلف لانو متاكدة انو مادام كاين بنات الناس الي مربيين كاين ولاد الفاميلية الي يصلحو و انا اذا عممت فقد كان خطئا كتابيا.و انا ماهدرتش على الي يدير علاقات وخلاص لانو هذا اصلا ماشي راجل الي يلعب ببنات الناس انا هدرت على الراجل الي في نيتو الحلال و الطفلة الي في نيتها الحلال اما عن العلاقات العشوائية فانا لم و لن اتحدث عنها لاني لست مقتنعة بها .و انت خويا راك عايش في 2012 و في الجزائر و انا متاكدة انك انسان عادي و ماتزعفش منا لانو والله ماقصدت حتى حاجة بالموضوع هذا الا ان النقاش اخذ منحا اخر

[راجي رضوان الرحمان]

لالا والله ما نزعف اختي سوسو سرين،اللي يزعف بلا سبب ماهوش مثقف ،انت فتحتي الموضوع للنقاش والناس تتفاعل بكل موضوعية وبكل روح رياضية،وانا ما قصديش راني عايش في العصور الحجرية،على بالي بلي راني في2012،برك حبيت نقولك حتى في العلاقات اللي فيها نية الزواج انا ما درتهاش ،وهذا ما يعنيش اني راني شاطر ولا قافز،برك انا انسان حشام بزااااف من النساء وما نقدرش نتقرب منهن حتى بنية الزواج(الله غالب نحشم) لازملي وساطة،فهمتيني دروك يا سوسوسرين(انت وكان جيتي قدامي مانقدرش نهدر معاك حتى تبداي انت الهدرة،دوريجين خوك داير هاكا،ok؟

[مريم الصابرة]

المشاركة الأصلية كتبت بواسطة راجي رضوان الرحمان

أختي -سوسو سيرين- لو كان نقولك عمري41سنة ،وأقسم بالله العلي العظيم لم أعرف في حياتي فتاة ولا علاقة ولا هم يحزنون،رغم أنني درست مع البنات في الثانوية وفي الجامعة،وخدمت مع الفتيات بكل أنواعهن،واش رأيك؟ ماكاش منها ولا ما نيش بشر؟ولا راني عايش في زمن الصحابة؟ وزيدي -والله ما راني متشدد ولا متزمت كيما تقولو-أنا إنسان عادي جدا ،برك نحب لغيري كيما نحب لنفسي.

السلام عليكم خويا بارك الله فيك ونحب نقولك السن نتاعك ما راه لا عيب ولا حرام على العكس وزيد تبارك الله لانو كاين شاب كيما إنت صح ممكن ماين هنا يقراو الرد نتاعك يقولك هذا واشبيه مي انا نقولك على العكس اللي كيما إنت قلال وبزاف ربي يبارك فيك بالنسبة للعقليات المتخلفة في هذا المجال صح لما تقول الطفلة جامي عرفت راجل ما يصدقوهاش ولما يقول الراجل جامي عرفت ما يصدفوهش ويحطو فيه العيوب السبعة الحلال ثم الحلال هذا هو الصح ومن راي كا تحشمش في موضوع الزواج لانو هذا هو الوقت المناسب لزواجك وكان محتاج وساطة خلي امك تخطبلك موفق اخي شكرا

[alcario_159]

من قال إتق الله أختي فقد قال الصدق وإن لم يكن هو من المتقين فذالك بينه وبين ربه
من يحرم على أخته علاقات مع رجال قبل الزواج فقد فعل الصواب. وإن أحل لنفسه ما حرم على أخته فهو منافق
الفتاة الكيسة هي اللتي تأخذ بالصدق و الصواب وتترك الخطأ والنفاق

[soso sirin]

المشاركة الأصلية كتبت بواسطة راجي رضوان الرحمان

لالا والله ما نزعف اختي سوسو سرين،اللي يزعف بلا سبب ماهوش مثقف ،انت فتحتي الموضوع للنقاش والناس تتفاعل بكل موضوعية وبكل روح رياضية،وانا ما قصديش راني عايش في العصور الحجرية،على بالي بلي راني في2012،برك حبيت نقولك حتى في العلاقات اللي فيها نية الزواج انا ما درتهاش ،وهذا ما يعنيش اني راني شاطر ولا قافز،برك انا انسان حشام بزااااف من النساء وما نقدرش نتقرب منهن حتى بنية الزواج(الله غالب نحشم) لازملي وساطة،فهمتيني دروك يا سوسوسرين(انت وكان جيتي قدامي مانقدرش نهدر معاك حتى تبداي انت الهدرة،دوريجين خوك داير هاكا،ok؟

هي مليحة الحشمة خويا و ربي ان شاء الله يبعثلك المراة الصالحة الي تسرك و تحفظك في وجودك و غيابك و تكون على حساب نيتك و اذا مالقيتش المراة هاذي قول لامك تروح تخطبلك و ربي يوفقك خويا

[راجي رضوان الرحمان]

بارك الله فيك اختي مريم،بارك الله فيك اختي سوسو سرين على الردود ،وأمي الله يرحمها ويوسع عليها ويغفرلها ان شاء الله.

[soso sirin]

المشاركة الأصلية كتبت بواسطة راجي رضوان الرحمان

بارك الله فيك اختي مريم،بارك الله فيك اختي سوسو سرين على الردود ،وأمي الله يرحمها ويوسع عليها ويغفرلها ان شاء الله.

ربي يرحم امك خويا و امهات المسلمين كامل .و ربي راه كاتبلك وحدا و بلا حتا وساطة راح تكون ليك ان شاء الله و ان شاء الله تكون على حساب نيتك و واش راك متمني خويا

[عميروش الحر]

انا اتحدث عن نفسي عندما انصح فتاة و اقول لها حرام او لا يجوز والارتباط بين الرجل والمراة يجب ان يكون في اطار شرعي ورسمي وليس في ايطار جرم .. فأنا اعني ما أقول لاني لم يسبق ان كانت لي علاقة مع فتاة لا في الثانوية ولا في الجامعة وان شاء الله اتابع هاكذا لأني مقتع جدا والحمد لله رغم كل المحاولات من طرف البنات اللاتي درسن معي

كما ان معظم العلاقات التي نراها ونسمع عنها أأكد 60بالمية منها ما هي الا علاقات للتسلية وعابرة ليس بغرض الزواج ولا هم يحزنون وتجدين أغليهم شباب لا يفوق عمرهم 21سنة (أي مازال يماه ولا باباه يصرف عليه وما يعرف فالدنيا ترن)
كيف لي انا ولاازلت ادرس ولم اصبح بعد قادرا على تحمل مسؤولية نفسي ان اكون علاقة جدية (لا تدخل في العقل ) الا ذا كانت من احل التسلية فقط

والجدية لا تكون الا بطرق باب البيت

شكرا

[المنصور3]

يا جماعة إن العلاقات التي يقال عنها أنها أساس الزواج لا أصل لها أبدا وهي مجرد خدعة للطرفين أو ربما لأحدهما ومن يقول بأنه يريد أن يعرف عقلية الطرف الآخر قبل الزواج فهو مخطئ تماما ومن المستحيل أن يبين كل منهما أسراره للآخر وعقليته تماما بل كل منهما يزين نفسه للآخر ولا يحب أن يظهر بمظهر سيء في نظره وهذا أول الخداع ،أما القول بأن الرجال يقولون (إتقي الله ،إن الله يمهل ولا يهمل ...) فذلك من باب التذكير للنساء فالرجل ضعيف أمام النساء ومفاتنهن لدرجة أن الكثيرين يتحسرون على ما هم فيه من المفاتن التي غرقوا فيها