من فضلكم أريد كل المعلومات عن محروقات و كمياء

[snack doctor]

السلام عليكم و رحمة الله و بركاته
و عليكم السلام
أنا طالب بكالوريا هذا العام
أريد منكم كل المعلومات عن تخصص محروقات و كمياء ببومرداس
هل العمل فيه متوفر ؟
خويا الحاجة اللولة الي لازم تديرها في بالك هي " الرزق على ربي "
و فيما يخص العمل في هذا التخصص فهو متوفر مقارنة بالتخصصات الأخرى و لكن كيما قال tahero77 كاين تخصصات أفضل من تخصصات يعني لازم تقرا مليح في السنة الأولى باش ياطوك تخصص مليح
ما هي المهن الممكنة بعد التخرج ؟
على حسب التخصص و ليس بالضرورة في مجال المحروقات
ما هي المواد التي يتم دراستها ؟
تقرا عام و نوص جذع مشترك و تقرا فيهم رياضيات و فيزياء و كيمياء و بعض المواد الأخرى كيما فرنسية و ألغوريتم.... اومبعد على حسب التخصص و كاين 12 تخصص و كيما قتلك كاين تخصصات أفضل من تخصصات و على العموم كلهم يعتمدو على الرياضيات و الفيزياء
هل الدراسة فيه صعبة ؟
الدراسة ماشي صعيبة بزاف و ماشي ساهلة تدي على حساب قرايتك، تقرى بزاف تدي بزاف
لازم تكون a jour برك
هل الدبلوم في هذا التخصص له قيمة و معترف به ؟
أكيد خويا
ما رأي طلاب هذا التخصص فيه ؟
أنا في رايي راه تخصص مليح و من أحسن التخصصات في بلادنا
ما هي سلبيات و إيجابيات التخصص ؟
من الايجابيات اللي فيه أن التخصصات تاوعو موجودة غير في بومرداس يعني كي تدي ديبلوم تاعك عندك شونص كبير باش تخدم
و فيه الحظ تاع الخدمة باسكو راه علابالك بلادنا عايشة بالمحروقات
و من السلبيات أنه يعتمد على ثروة زائلة مي ماتخافش مزال البترول في بلادنا و التنقيب مزال متواصل و فيه أيضا تخصصات تخدم بيها خارج المحروقات
هل هذا التخصص أفضل أم المدرسة العليا للإعلام الآلي ؟
الله أعلم خويا... أنا راني محروقات و كيمياء و راه عاجبني هذا التخصص و الحمد لله

كل معلومة منكم سيكون لها فائدة كبيرة لي فلا تبخلوا بمعلوماتكم بكل صراحة و موضوعية و جزاكم الله خيرا

و راهم كاينين تخصصات ملاح
كيما المدرسة العليا للإعلام الآلي، الطب، الصيدلة،IGEE.....
دونك شوف نتا واش راك حاب و لي قريتها ان شاء الله فيها خير