عجينة اللوز la plus facile au monde

2014-06-23, 09:39

يسلموووووووووووووووو حبيبتي والله دايما متالقة ومتميزة
قوليلي مكانش حل لعجينة اللوز الي تتباع في علب بعد مدة تيبس ياريت كاش عفسة ولك جزيل الشكر حبوبة وربي يحفظك وزوجك واولادك

fatimazahra09 · 2014-06-23, 13:41

اقتباس:

المشاركة الأصلية كتبت بواسطة ام يسرا

يسلموووووووووووووووو حبيبتي والله دايما متالقة ومتميزة
قوليلي مكانش حل لعجينة اللوز الي تتباع في علب بعد مدة تيبس ياريت كاش عفسة ولك جزيل الشكر حبوبة وربي يحفظك وزوجك واولادك

السلام عليكم حبيبتي ام يسرا
نمدلك فكرة عن عجينة اللوز الاصطناعية
ادا كنتي حابة تخدمي بيها بلون بني ... معناها ديكور حاباتو بدوق الكاكاو او الشكولا
خلطيها مع الشامية لي تتباع في العلب الكبار تكون توزن 3 كلغ على ما اظن وجي دي ترونش وحدة بيضاء وحدة شكولا ... اعجني نفس الكمية من عجينة اللوز الاصطناعية مع هادي الشامية ...رايحا تتحطلي على عجينة لوز ولا بالاحلام
هادي بعد خدمتها في عرس اخي عنده 5 سنين و الناس حارو في بنة عجينة اللوز
وعلى فكرة خدمت بهاكفتة اروفار رولي ...درت الطبقة التحتانية بعجينة اللوز هادي لي في الرابط خليتها بيضاء اللون
https://www.djelfa.info/vb/showthread.php?t=1596031
و الطبقة الفوقانية بعجينة اللوز المدكورة اعلاه... جات بنية بدوق الشوكولا ...و تفننت في التزيين كيما تعرفي ختك ..... امضي ساعات وساعات وانا نساوي بالملم الواحد
حطيت حتى قرص كامل من فوق عجينة اللوز البيضاء ودرت كروا في الوسط وحليت الجهات الاربعة وروليته شوية وعملت في الوسط اللوز ايفيلي ... راني نمدلك في الافكار قلت بالاك تستحقيهم
وهادي صورة لنوع الحلوى لتكلمتك عليها ...ماشي نتاعي برك باش تشوفي

اما عجينة اللوز وحدها اخدميها مع المايزينة حتى تطرا و زيديلها الملون كيما تبغي وعجني مليح حتى تدخل كامل المايزينة ودايما غطيها بالفيلم اليمونتار او ديريها في كيس بلاستيكي
سلام حبيبتي وان شاء الله نكون فدتك شوية ....