السلام عليكم اخي
انا دائما اتابع مواضيعك الشيقة لكني قليله المشاركات
المهم انا نقوولك هذا هاجس ينتاب كل واحد منا صدقني لو تسمع بقصصي هدا العاام تحمد ربي و تشكره و لازلت اعاني
المهم مش وقت تهباط الموورال اخي لي فات خليه وراك و شوف للي جاي
و نقوولك حاجة مليحة خويا مروان راهو باقي اسبوع و راك عارف بلي الذاكرة تنشط و تستعيد المعلومات السابقة بعد اسبوع مضى ( و هدا ما اكدته لي استاذة العلووم ربي يحفظها و يذكرها على خير) اعطتني نصيحة هامة مش راح نبخلها عليك
استنادا لما قلت سابقاا( اقصد حول الذاكرة ) قالتلي مثلا عندك اليوم الاول( الاحد) ادب و علووم اسلاميه مالي انتي الاحد قبل الامتحانات راجعي الادب+ العلوم الشرعيه و هكذا حتى الخميس و تكوني استرجعتي كلشي و ايام الامتحان ماتلاقيش مشكل ++++++++ اضافة الى هدا قاتلي ريحي نهار الجمعة و السبت و الافضل تخرجي و تغيري جو و ايام الامتحان الاحسن تتفادي حل المواضيع ( باه ماتكرهيش من المواضيع ) و تدخلي فوور للامتحان راجعي المفاهيم برك
هده هي نصيحه الاستاذة ربي يخليها ليا قلت ننقلهالي بلاك تستفيد منها انا باذن ربي الرحمان نطبقها
و ربي يشافيك و يشافينا قاااع و يوفقنا
السلام عليكم
اختك منااال
( تقرير عن مشاركة سيئة )، و الموجودة أسفل كل مشاركة .
2014-05-24, 15:02
العرض الشجري