أهلا بمريم الصابرة بيننا من جديد

[مريم الصابرة]

المشاركة الأصلية كتبت بواسطة مسلم سني

السلام عليكم
أختي مريم فعلا أنت منافستي وبقوة
حتى الردود سبقتني إليها على الأعضاء
النت تعاكسني اليوم
آه منك يامريم
فقط كملاحظة:
ماأحضره أخي ع الجليل من حلويات كله لي وحدي
هنايا اسمحيلي لست أختي ههههه
يارب حتى اتمكن من الرد قبلك أمنيتي لهذا اليوم ههههه

[/cen

[/SIZE]

السلام عليكم
امممممم السبب النت إعترف يا أستاذ انك تكتب الكلمة في ربع ساعة فالحصة
انا منافستك على طول السنة امضبت معاهدة معك ومع مهتدي زين الهاربين لفترة لكن الآن انا في فترة نقاهة ولدي الوقت للمعارك فكونو بالقرب
الشوكولا عليها احيا وعليها اموت ولكن لاباس انا ضيفة وعمري ولا شفت مول الدار ياكل حلوى الضيف هذي غير عندك
بصحتك اخي ربي يخليك

[مسلم سني]

المشاركة الأصلية كتبت بواسطة مريم الصابرة

السلام عليكم اخي
هههههه وشكون قالك جيت جيعانة اواه واقيل كنت معايا فالطيارة
شوف مدونا فالطيارة كليت هذي كانت هنا عندكم الساعة 1 ونصف ومن بعد انا رقدت ايا ختك مريم ناضت على صوت المضيف يتكلم سمعت كلمة إيطاليا ما إيطاليا وشفت التابلات فالطيارة يروحلها الإرسال والمضيفة تجبد فالجيليات هذوك قلت يا مريم خلاص الطيارة راهي رايحى طيح لانو شفت اللقطة هذي فالأفلام قلت حاجة من زوج مريم فوق جبل او محروقة او في كرش كاش روكا فإطاليا وواااااااااع قلت الما بارد وليت نرجف عيطت للمضيفة قلتلها واش كاين قتلو والو وهذا بالإنجليزي قتلها شوفي اللقطة هذي نعرفها خبريني احسن ندير حل لعمري قاتلي ما تخافيش برك رانا نحلقو فوق إطاليا هذا برك قتلها إييييييييه نحلقو معليش نحلقو نزحلقو معليش المهم ما نطيحوش الخلعة جوعتني ايا لما وصلت ختك لمطار هواري بومدين وخرجت لقيت امي وإبن اختي اول ما باسني واش جبتيلي ديركت
قتلو اناني كي خوالك انا الخلعة قتلتني كطي جيتكم اما كامل راكم ملاح
ختك مريم راحت للدار وريحت شوي ورحت شربت قهوة ونحكي مع امي واختي لما رحت نرتاح ونحي دوايا من فاليز لقيت روحي جبدت فاليز نتاع مرا اخرى الإسم سعدة مي اللقب تركي قلت واش ضرك هذي سعدة شكون وهذي التركية شكون اواه نهاري كحل الليلة رجعت للمطار وهناك مسلسل درت حرب لابوليس كامل تلمو انا كنت جيعانة والخلعة نتاع الطيارة والتعب وهوما ما دواهاش فيا ما قيمونيش كامل قلت لوكان سرقت وكاش ما هربت كامل يشوفوني لكن جيت نرد فاليز الناس وندي نتاعي ما قيمونيش قلت إمالا نديرلهم فيلم رومبو هاكا ينتبهو ورحت اطلفت صفارة النار الخاوة كامل جاو يجرو قتلهم هاكا مليح عييت نهدر ما قيمتونيش نحتاج فاليزتي ودابزت مع بوليسي انا نهدر وهو يتفرج فالفيديو مع صاحبو وانا واقفو تقول قنطرة قتلو خويا راك خالص تخدم الشعب ماشي فاليوتوب تفرجو في داركم كروشيت معاه فالهدرة قلت معليش نبات فالسيلونة المهم فوت حرب رجعت للدار على 11 وزيادة تعب كبير رقدت بحجابي وخماري من التعب
وين راهي الشيكولا راني جعت كي حكيتلك
شكرا وربي يخليك

السلام عليكم
يا أختي مريم مغامراتك لاتنتهي
أعلم انك ذكية وشاطرة
احترماتي

المشاركة الأصلية كتبت بواسطة مريم الصابرة

السلام عليكم أخي عبد الجليل
امممم إنت تعرف انه ذوقي المفضل طعم الشوكولا
لكن خيّك عبد الشافي قالك كامل ليا احوجي الأساتذة من بكري يحبو ياكلو انا نعرفهم الكاشير فالكرطاب مخبي تلقاهم فلاكور في كوانة ياكلو
شكرا لك

السلام عليكم
أضحك الله سنك اختي مريم
الحمد لله لست منهم ههه
احترماتي

المشاركة الأصلية كتبت بواسطة سرور.

حمدا لله على سلامتك اختي و اهلا و سهلا بك من جديد
ان شاء الله برك يكون المورال طالع و ما تعيطيش عينا كيما المرة الماضية ههه

و شكرا على المبادرة الطيبة و روح الاخوة التي نثرتها حروفك هاهنا ايها المسلم السني

السلام عليكم
وفيك بركة أختي سرور
احترماتي

المشاركة الأصلية كتبت بواسطة مريم الصابرة

السلام عليكم
امممممم السبب النت إعترف يا أستاذ انك تكتب الكلمة في ربع ساعة فالحصة
انا منافستك على طول السنة امضبت معاهدة معك ومع مهتدي زين الهاربين لفترة لكن الآن انا في فترة نقاهة ولدي الوقت للمعارك فكونو بالقرب
الشوكولا عليها احيا وعليها اموت ولكن لاباس انا ضيفة وعمري ولا شفت مول الدار ياكل حلوى الضيف هذي غير عندك
بصحتك اخي ربي يخليك

السلام عليكم
الله غالب الحلويات التي أحضرها اخي ع الجليل لا تعترف بالأخوة
احترماتي