عقاب لبوتفليقة ..التصويت عليه..

[نسيبة2012]

والله الوضع في الجزائر المنورة بدماء شهدائها اللي ماتوا باش تبقى عزيزة و مستقلة راهي في حالة تشف اللي يحبوها و تشفي غليل ااغيارين والطماعين .
بوتفليقة اعطى الكثير للجزائر ربي يجازيه ..لكن قد ما اعطى قد ما ترك الفاسدين يلعبوا بثرة الشعب المسكين.
وكونه خدم البلاد ليس مبررا ان يعشش في الكرسي .
انا برايي كان راح راهو خلى الناس تترحم عليه حي ولا ميت .
لكنو حرق كواغطو كيما يقولوا بيديه .
انا شخصيا متتبعة الاوضاع السياسية في العالم العربي ..... وافهم جيدا اللي صار واللي راهو يصير ....
والله غير كي شفت بوتفليقة البارح جا يفوطي غير شفني بزااف..وتمنيت لو اني ما شفتوش ....بانلي كلي جا زكارة في العديان تاوعو بلي راني حي و متواجد ....
اما فكرة انو كاين اللي تبانلهم اللي ما فوطاش على بو تفليقة راهو ما يحبش لبلاد انا قلتهالي عجوزتي البارح ....:قاتلي انت ما تحبيش دزاير و ماكيش دزيرية كي عاد ما تفوطيش على بو تفليقة ..........قلت لها:لاني نحب دزاير ما نفوطيش عليه انا لا ارضى لبلادي بلاد الرجال والمال ان يحكمها رجل مريض مقعد ....لا يستطيع الكلام ولا الحركة ......
الجزائر مليئة بالرجال ...........بصح ما يخلوهمش يبانوا باش ما يبقى من يريدون هم في سدة الحكم ....لانهم يعتبرون الجزائر نتاعهم وليس لاحد ان ينازعهم الحكم فكل من سواهم ما هم الا عبيد لا يصلحون الا للتبعية والحقرة ....بالضبط كما هو الحال في مصر الحبيبة .........
حسبنا الله و نعم الوكيل....