@@@ ملف حول النفاس و كل ما تتناوله و تفعله النفساء @@@

[lilouchaf]

السلام عليكم
انشاء الله ربي يرزق كل امرة بنعمة الاولاد فهم زينة الحياة الدنيا امين يا رب العالمين
احنا في عاداتنا (العاصمة والقبايل) النافسة تبدى فطورها بالمشوشة ولا تاحبولت الي مخدومة بالبيض مع العسل الحر تشرب بيها حليبها تع الصباح
ومن بعد على 10 نطيبو لها اللحم والا الكبدة مشوي بزيت الزيتون تاكلها بلا خبز وتزيد تيزانة تع الويزة وزريعة البسباس ولا حبة الحلاوة تحليها بالعسل الحر
على الغدا نطيبو البيسار مع الجاج والا الكسكس بالجاج راه يمد الحليب للنافس
العشية تشرب حليبها بالطمينة وتزيد بيض مغلي
او في العشا تاعها تاكل لاسوب ولحم ولا جاج ولا كبدة مقلية بزيت الزيتون
وفي الليل تزيد تشرب تيزانة
وكشما نتفكر نزيد نحطو

[راجية غفران ربها]

المشاركة الأصلية كتبت بواسطة رياحين الجزائر

حبيبتي احنا النافس لازم الصباح اتنوض بكري وتفطر على زوج بيضات طايبين في الدهان المسوس نص طياب وتاكلهم سخونين وزيد يشويولها طراف لحم غنمي طري تاكلو سخون وترجع ترقد ومن بعد كي تنوض ازيدو اطيبولها الزرير واللي هو متكون من الكليلة والعسل الحر والدهان الحر المسوس واخرين ازيدو ياكلو الطمينة واللي هي متكونة من القمح محمص والعدس والحمص والكاوكاو والجوز واللوز للي عندو محمصين ومرحيين والغدا احنا يما كانت تشري الجاج العربي وتطيبلنا بيها شربة بصح ادير الفريك خفيف خلاص ونشربوها هكاك سخونة واخرين ياكلو الزيراوي للغدا وللعشا المهم هدو الزوج غدا ولا عشا
وكل واحد وطريقتو واخرين يشربو القهوة بزاف اقولو اتصفي هي والحلبة لكن تعرفو الحلبة اكل يتهربو منها
وكل منطقة وطريقتهم

ريحانتي الغالية شكراااا على الافادة

قوليلي الدهان المسوس هو زبدة البقرات و واش ديرو بيه؟؟؟؟؟

افيدينا عن الزريرة و الفرق بينها و بين الطمينة؟؟يا ريت بالصور

حنا القهوة تبعد عليها خلاص فيها منبهات للصغير و مايرقدش في الليل هههههه

المشاركة الأصلية كتبت بواسطة lilouchaf

السلام عليكم
انشاء الله ربي يرزق كل امرة بنعمة الاولاد فهم زينة الحياة الدنيا امين يا رب العالمين
احنا في عاداتنا (العاصمة والقبايل) النافسة تبدى فطورها بالمشوشة ولا تاحبولت الي مخدومة بالبيض مع العسل الحر تشرب بيها حليبها تع الصباح
ومن بعد على 10 نطيبو لها اللحم والا الكبدة مشوي بزيت الزيتون تاكلها بلا خبز وتزيد تيزانة تع الويزة وزريعة البسباس ولا حبة الحلاوة تحليها بالعسل الحر
على الغدا نطيبو البيسار مع الجاج والا الكسكس بالجاج راه يمد الحليب للنافس
العشية تشرب حليبها بالطمينة وتزيد بيض مغلي
او في العشا تاعها تاكل لاسوب ولحم ولا جاج ولا كبدة مقلية بزيت الزيتون
وفي الليل تزيد تشرب تيزانة
وكشما نتفكر نزيد نحطو

اهلين بالشاف معانا يا ريت تحطيلنا مقادير المشوشة القبايلية الاصلية نمووووووووووووووت عليها و لو كان بالصور احلى


واشنو البيسار هذا افيدينا بالصور معروفة بلاد لقبايل و النفاس بزااف تهتمو به

الف شكر على الرد