شكشوكة جلبانة من مطبخي رووووووووووعة

[فهيمة 7]

شــــــــــــكشوكة بالجلبــــــــــانة


المــــــــــــــــــــقاديـــــــــــــــــــــــ ــــــر

كمية من اللحم المفروم حوالي 300غ
حبة بصل
حبة طماطم
كمية من الجلبانة
2 حبات بطاطا صغيرة
2 ثوم
بهارات : ملح، فلفل اسود،كسبر
معدنوس
كمية من الزبدة
مغرف كبيرة طماطم مصبرة
للتـــــــــــــزيين:
2 حبات جريوات كبار
كمية من الفرماج تاع الميزان
2 عظام
كمية من الفرينة

طريقـــــــــــــة التحضـــــــــير

نقوم بوضع الجلبانة في الماء ونقشر البطاطا ونقسمها مربعات ونضعها معها مع الملح والفلفل الأسود ومغرف صغيرة من الكسبر ونخليها تطيب
من جهة أخرى نضع اللحم المفروم والملح والفلفل الأسود و قليل من المعدنوس على نار هادئة ونتركه ينضج
بعدها نقسم حبة البصلة دوائر ونقليها
ونضفلها حبة الطماطم مرابية عليها الثوم والملح والفلفل الأسود
بعد ما طابت الجلبانة هي او البطاطا نصفيها ونضيفها فوق خليط الطماطم ،ونزيدلها اللحم المفروم إلي طيبناه من قبل نخلط كلش مع بعضاه نضيف الزبدة ومغرف كبيرة ماهيش معمرة طماطم مصبرة ونخليها تطيب ماوش بزاف ونقدمها دافئة
اليوم راح نوريلكم طريقة رائعة لجعل الجريوات مقبلة لذيذة تقدميها مع هاذ الطبق، وكثير من الأطفال ما يحبوش الجريوات أو هاذ الطريقة رايحة تحببهم فيها
تقسمي الجريوات طوليا كما هو موضح في الصورة
تضعي في صحن 2عظام والمعدنوس الملح والفلفل الأسود،وفي صحن أخرتضعي الفرينة دخلي المقاطع الطولية تاع الجريوات في خليط العظام أو بعدها في الفرينة أو تقليهم من الجهتين
بعدها حطي كمية من الفرماج على حافة الجريوات أو دوري، او تقفليهم بالعود نتمنى تعجبكم أو تجربوها مراحش تندمو شهية طيبة لكن حبيباتي